Yeremiya 36:2 - Emakhuwa Bible

² “Mukuxe nikwakhwala ni mulepemo masu ootheene kooleenlaakani mwaha wa Yixrayeli ni Yuda ni wa miloko sootheene, okhuma kipacenraaka wooleelani moolamulani wa Yosiya, mpaka olelo.

Yeremiya 36:2 Iomraidhean Croise

Ezera 6:2

Elivuru yooneleliwe musidadeni yoolipihiwaxa yiitthaniwa wEkebatana, elapo ya Mediya ni mulivurini ele yaalepwa ha:

Yobi 31:35

Ii! Mukina aakiiwale! Vano kinttitta wiixaakihawaka. Muluku a ikuru sootheene akaakhule; Namootheraaka akihimahime mukarattani.

Icipo 40:7

Vano keenre: “Miyo kiri va – yeeyo elempwale mulivuruni ti mwaha wa miyo.

Okhuma 17:14

Yave aamweerela Moisesi: “Mulepe yeeyo mulivuruni ntoko etthu yoowuupuwelela ni munthalihere nnenesene Yoxuwa weera awAmaleki nkaakhalihe oottiwaliwa mweelaponi yootheene.

Yesaya 8:1

Yave aakeerela: “Mukuxe nivali nooreerela ni mwalepemo moota woowiiweya: ‘Maher-Xabali-Haxi-Baze.’

Yeremiya 1:10

Moone, olelo kohoovahani ikuru wa miloko ni omwene weera mwaakhe, mphwate, muhele nthala ni mukankhanyule, nitho weera muteke ni mphatteye.”

Yeremiya 1:5

“Miyo kihinaaye woopakani mmirimani mwa amayinyu, kaahoosuwelani. Nyuwo muhinaaye oyariwa, Miyo kaahoothanlani ni kaahookhalihani ntoko mprofeeti wa miloko.”

Yeremiya 1:9

Vano Yave aahookola moono, anatava eyaanowaaka, anakeerela; “Vano koohela maswaaka mmwanomwanyu.

Yeremiya 2:4

Ii! Muloko wa Yakobe, mwiiwe masu a Yave, mahimo ootheene a muloko wa aYixrayeli.

Yeremiya 25:3

Mweehuhuni ya iyaakha miloko miili ni tthaaru masu a Yave yannakirweela – okhuma eyaakha yanaamuloko ni tthaaru ya olamula wa Yosiya, mwaana mulopwana a Amoni, mwene a oYuda, mpaka nihuku na olelo. Ni miyo kohuuluma ni nyuwo imaara soohaalikeleya, vaheera nyuwosa khamukiiwale.

Yeremiya 30:2

“Yave, Muluku a oYixrayeli, oneera ha: ‘Mulepe mulivuruni masu ootheene kooleenlaakani.

Yeremiya 36:14

Vano ahooleli ootheene yaamurumihela mutthenga Baruki mwa Yehudi, mwaana mulopwana a Netaniya, mwaana mulopwana a Xelemeya, mwaana mulopwana a Kuxi, eeraka ha: “Mukuxe nikwakhwala musomenlaanyu muloko ni murwe nno.” Baruki, mwaana mulopwana a Neriha, aakuxa nikwakhwala, anarowa yaaraayawo.

Yeremiya 36:18

“Aani,” aahaakhula Baruki, “owo ookileela masu ootheene ela, ni miyo koolepa ni owiini vanikwakhwalani.”

Yeremiya 36:23

Yehudi aamalihaawe osoma mipatta miraru hoye hoye mixexe sa nikwakhwala, mwene aamuthikila mipatta seiye ni mwaalo wa namalepa, avonyeraka vayikho, mpaka nikwakhwala nenenenno oza.

Yeremiya 36:29

Munleeletho Yehoyakimi mwene a oYuda: ‘Yave oneera ha: Moohisa nikwakhwala nne munakoha: “Mulepenlenimo weera mwene a oBabiloniya onimoorwa aphwateke elapo ela ni mmo aaphwatekemo atthu ni axinama?”

Yeremiya 36:6

Tivawo murowe Mpaani mwa Yave munihukuni na otthuka ni mwasomele muloko masu a Yave miyo koovanghaakani, mwa yaawo mulempaanyu. Nyuwotho musomele muloko wootheene wa oYuda onrweela mmasidadenimwaya.

Yeremiya 45:1

Muyaakhani yanaaxexe moolamulani mwa Yehoyakimi, mwaana mulopwana a Yosiya, mwene a oYuda, Yeremiya aamweerela Baruki mwaana mulopwana a Neriha, alempeene Baruki vanikwakhwalani masu yaahimmwale ni Yeremiya:

Yeremiya 51:60

Yeremiya aalepa munikwakhwalani irisa sootheene seera sirwe oBabiloniya, sootheene saalempwale mwaha wa oBabiloniya.

Ezekiyeli 2:9

Vano kaaweha kinoona ntata na mukina kitheteeliweene. Mmwe naakhala nikwakhwala na elivuru,

Hoxeya 8:12

Miyo kohaalepelasa mahusiho ootheene a Nlamulonaka, vaheera awosa anoona ntoko etthu yoohisuweleyaaya.

Deuteronomiyo 31:24

Moisesi amalihakaru olepa masu ootheene a nlamulo nna mulivurini,

aHeberi 10:7

Vano kaaheera: Kiri va. Yoolempwa* mulivuruni mwaha wa Miyo: kirweenle weera kipake otthunawanyu, Muluku.”