Yeremiya 33:6 - Emakhuwa Bible

⁶ Wa soothesene, kinooruuhela oreherera ni olamiha; kinoophuweliha mulokwaaka kivahaka murettele ni ekhaikhai yoowaatta.

Yeremiya 33:6 Iomraidhean Croise

Icipo 147:3

Owo onaalamiha a murima wootaphuwa ni onkosoopa makhwattaaya.

Icipo 37:11

Vaheera atthu oomaala murima animwaakhela elapo ehakalalaka mmuretteleni.

Icipo 67:2

weera iphirosanyu sisuweliwe mweelaponimu nitho ovuluxawanyu variyari wa miloko sootheene.

Icipo 72:7

Mmahukunimwawe oororomeleya anoottuva ni weetteleya nnene onimwaatta mpaka ommaleloni wa mweeri.

Okhuma 34:6

Aavira ohoolo wa Moisesi alaleiyaka: “Yave, Yave – Muluku oopixa murima ni a ikharari, oovilela, oosareya osivela ni ororomeleya,

Namalaleiya 3:3

ehuhu ya wiiva ni ehuhu ya olamiha, ehuhu ya ophwata ni ehuhu ya orasela,

Yesaya 2:4

Owo onoothoriha eriyari ya miloko ni onimuuluma minyakunyaku sa miloko sincipale. Awosa anootatuxa ikatanasaya ixaruwa ni mavakaaya icikwaakhwa. Muloko mmoha khookuxaru ikapwitthi soowanelano muloko mukina hata khasiirehererelatho owana.

Yesaya 30:26

Mweeri onimwaara ntoko nsuwa ni nsuwa nnimoopaxa woopwexerereya mahuku mathannameeli, Yave aarehereraka soovulalihiwa sa mulokwaawe ni aalamihaka makhwatta Owo aatannyenraawe.

Yesaya 39:8

Hizekiya aamwaakhula: “Masu a Yave muthalinghaanyu aareera.” Owo uupuwela: “Fataari, onuukhale murettele ni olipihiwa mmahukunimwaka.”

Yesaya 54:13

Anamwaniinyu asilopwana ootheene anooxuttihiwa ni Yave ni murettele wa anamwaniinyu onuukhale mutokotoko.

Yesaya 55:7

Mutakhali ahiyeke ephirowaawe ni mutthu oonanara soowuupuwelasawe. Owo ahokoleele wa Yave ni Owo onoommorela ikharari, arukunuwele wa Muluku ni Owo onoomulevelela ni murima wooreera.

Yesaya 57:18

Kohoona iphirosaya, mene kinimwaalamiha; kinimwaahoolela ni kinimwaapepesa,

Yesaya 57:19

kiwerihaka ottottopela vayanoni wa anamalalamika a oYixrayeli.” Yave oneera: “Murettele, murettele wa yaale ari ottai ni vakhiviru. Vano wa yaawo ni Miyo kinimwaalamiha.”

Yesaya 58:8

Vano, waarawanyu onimooneya ntoko ekamaama ya oxa ni olamihiwawanyu onimoonihereya woowaakuveya. Ekhaikhaiyaanyu enoorowa ohoolowanyu ni ovuwa wa Yave onookhala yoowaakihaanyu ya ottuli.

Yesaya 66:12

Vano Yave oneera ha: “Kinoomvaha yoowo murettele ntoko mooloko ni mihakhu sa miloko ntoko wuupa wa okumburula. Munimwaamwa mwaakandiweene ni otutheliwa vaciroroniwaya.

Yeremiya 17:14

Ii! Yave, mukilamihe ni miyo kinoolama! Mukivuluxe ni kinoovuluwa, niwoko Nyuwo ti Yoole kinimuttottopelaaka.

Yeremiya 29:11

Vano Miyo koosuwela soowuupuwelasaka kiweerelakani nyuwo,” onghima Yave, “soowuupuwela keerelaka murettelaanyu ohikhanle woophwatani, soowuupuwela woovahani oweherera ni sa muhoolo.

Yeremiya 3:22

“Muhokolowe, muloko woohiroromeleya; kinoolamiha murimaanyu woovaanya.” Muloko waahaakhula: “Aani, nnimoowa wa Nyuwo, niwoko Nyuwo ti Yave Mulukwaahu.”

Hoxeya 6:1

“Nrowe, nihokoleele wa Yave. Owo ooninyaanya, mene onoonilamiha; Owo oonivulaliha, mene onoovoliha makhwattaahu.

Hoxeya 7:1

Miyo keereraka olamiha oYixrayeli, soottheka sa Efrayimi sinkhala vanlakalakani ni sootakhala sa Samariya sinoothupululiwa. Vano awosa ampaka soonanara; anamwiiya amvolowa mmampaani, alavilavi aniiya mmiseweni;

Mikeyasi 4:3

Owo onoothoriha eriyari ya miloko sincipale ni onuuluma minyakunyaku eriyari ya miloko sooweraxa ni soorakamela. Awosa anootatuxa ikatanasaya ixaruwa ni mavakaaya icikwaakhwa. Muloko mmoha khookuxaru ikapwitthi soowanelano muloko mukina hata khasiirehererelatho owana.

Mikeyasi 7:20

Munoomoonihera Yakobe ororomeleya, ni munoommorela ikharari Abrahaamu, ntoko mwaaroromelinghaanyu ni nlipelo makholowaahu khalayeene.

Malekiya 4:2

Vaheera wa nyuwosa munttittimiha Nsinanaka, nsuwa na ekhaikhai nnookhuma niruuhaka olama ngwaaranimwaya. Hiiho, nyuwosa munookhuma mutupheke ntoko aximombe oohuleliwa munikhoolani.

Yohaane 10:10

Namwiiya onrweela wiiya, wiiva ni ophwata paahi. Miyo kaarweenle weera atthu ekhalane okumi, aani okumi woowaattaxa.

awEfeso 6:23

Murettele okhale ni axunna, ni osivela vamoha ni nroromelo onrweela wa Muluku Atiithi ni wa Apwiya Yeesu Kristu.

Deuteronomiyo 32:39

Moone weera Miyo ti mmoharu Yoomeene. Khoowowo muluku mukina kihikhanle Miyo. Ti miyo kiniiva ni kimvaha okumi. Kimvulaliha ni kinlamiha. Khaawo ongwera wiitapuxa mmatatanimwaka.

1 Pedru 1:3

Ooreelihiwa akhale Muluku, Atiithi a Apwiyaahu Yeesu Kristu. Niwoko na ovenyerera mookhwaani wa Yeesu Kristu, Muluku, mwa ikhararisawe sitokotoko, oonivaha oyariwa onyowani woosareya ni oweherera wa okumi.