Yeremiya 33:2 - Emakhuwa Bible

² “Yave opanke erimu, Yave okhalinghe, analipiha, mwa Yoowo Nsinanawe ti Yave, vano Owo oneera ha:

Yeremiya 33:2 Iomraidhean Croise

Icipo 102:16

Yave onoorasela oSiyoni ni onimwiixoonihera moovuwanimwawe.

Icipo 87:5

Vekhaikhai atthu anoohima sa oSiyoni: “Ola ni ole oyareliwe oSiyoni ni Muluku a Musulusulu onoolipiha esidade eyo.”

Okhuma 15:3

Yave ti Nakhotto; Nsinanawe ti Yave.

Okhuma 6:3

Kaahiixoonihera wa Abrahaamu, Isaki ni Yakobe ntoko Muluku a ikuru sootheene, mene mwa Nsinanaka, Yave, nkiixoonihenre wa yaawosa.

Yesaya 14:32

Yoowaakhula heeni eneeraaya evahiwe anamitthenga a muloko owo? Yoowaakhula ti ela: “Yave ookhaliha oSiyoni ni mwemmo oohasuliwa a mulokwaawe anootthawelamo.”

Yesaya 37:26

Khamusuwenle? Kaalakela yeeyo khalayi. Okhuma khalayi miyo kaavaanela yeeyo kinkhumelelihaaka vano – weera nyuwo munoohiya isidade soolipihiwaxa sireene milepe.

Yesaya 42:8

Miyo ti Yave – nna ti Nsinanaka! Nkirwa kimuvaha mukina ovuwawaka naari otthapelawaka wa miluku sikina.

Yesaya 43:1

Vano Yave mwa Yoowo oopattunxeni nyuwo Yakobe ni oopankeni nyuwo Yixrayeli, oneera ha: “Muhoove, niwoko koowoopolani; koowiitthanani ni nsinananyu; nyuwo ti awaka.

Yesaya 43:21

muloko kiipakenlaaka weera owo olaleiye ottottopeleyawaka.

Yesaya 62:7

ni muhimutthunihere Yoowo wiitthuuwa mpaka Owo aneeraawe amutekihe Yerusaleemu mutatuxaka yeeyo ottottopela wa elapo ya vathi.

Yeremiya 10:16

Yoole ori a mpatta wa Yakobe khanlikana ni icaambulo iyo, niwoko Owo ti Mpattuxa a sootheene, ni aYixrayeli ti epuumbaaweene – Yave a ikuru sootheene ti Nsinanawe.

Yeremiya 16:21

“Tivawo kineeraaka kaaxuttihe; emaara ela kinimwaaxuttiha sa ikurusaka ni owerawaka. Vano anoosuwela weera Nsinanaka ti Yave.”

Yeremiya 32:18

Munoonihera onnene mpaka ikhapira ikhapirasene, vaheera munaavonyera anamwane soottheka sa asitithaya. Ii! Muluku Mutokweene ni Ooweraxa, mwa Yoowo Nsinanawe ti Yave a ikuru sootheene,

Yeremiya 51:19

Yoole ori ettima ya Yakobe khanlikana ni yaalasa, niwoko ti Yoowo ompaka itthu sootheene, ni Yixrayeli ti epuumba ya yoohiyeraawe; Nsinanawe ti Yave a ikuru sootheene.

Amosi 5:8

Yoowo opanke mikuttula sa ithenyeeri ithannapiili ni mikuttula sa ithenyeeri siitthaniwa Oriyoni*, ontatuxa epiphi ekamaama ni othana wa epiphi ya ohiyu; Yoowo oniitthana maahi a ephareiya, anamwaraxela mulaponi, vano Nsinanawe ti Yave.

Amosi 9:6

Yave onteka ikwartusawe sa osulu wiirimu ni onkhaliha mathipelowaaya vatthayani. Owo oniitthana maahi a mphareiya, anamwaraxela vatthayani. Nsinanawe ti Yave.

aHeberi 11:10

Vano, owo aaweherera esidade ni mathipelo mwa yeeyo namavaanelaaya ni namatekaaya ti Muluku.

aHeberi 11:16

Vano, ohiya toko yeeyo, awo yaaweherera ewaani yootthuneyaxa, eyo tiiyo ewaani ya wiirimu. Tivawo, Muluku khaniixuulihiha muru iitthaniwaka Mulukwaaya, niwoko ohaarehererela esidade emoha.

Ethupululo 21:10

Owo aakikuxa mMunepani, akironghaka omwaako mutokotoko woorakamela osulu ni aakoonihera esidade yootteela, Yerusaleemu yaakhuruwa wiirimu wa Muluku.

Ethupululo 21:2

Kaahoona esidade yootteela, Yerusaleemu munyowani, yaakhuruwa wiirimu wa Muluku, yoorehereriwa ntoko ootthomeriwa oophwaneliwa wa iyaya.