Yeremiya 33:11 - Emakhuwa Bible

¹¹ masu a otthapa ni a ohakalala, masu a namatthomera ni namatthomeriwa, ni masu a yaale anruuha soovaha sootthapela wa Empa ya Yave yeeraka: Muntthapele Yave a ikuru sootheene, niwoko Owo ti ooreera, osivelawawe woororomeleya khoommala. Vano Miyo kinooceendya oreereliwa wa elapo ela ntoko khalayi,’ onghima Yave.

Yeremiya 33:11 Iomraidhean Croise

1 Nyaha 16:34

Muntthapele Yave, niwoko Owo ti ooreera; osivelawawe khoommala.

1 Nyaha 16:8

Muntthapele Yave, mukhuwelele Nsinanawe, mulaleiye eriyari ya miloko yeeyo Owo opankaawe.

2 Nyaha 20:21

Yehoxafati akoherenreene muloko, aahaathanla asilopwana akina akina weera emwiipele Yave ni emvuwihe ngwaarani wa otteelawawe, erowaka ohoolo wa anakhotto, yiipaka: “Muntthapele Yave, niwoko osivelawawe khoommala.”

2 Nyaha 29:31

Vano Hezekiya aaheera: “Mweenre mwiitteeliherasa Yave, muruuhe sooveleela ni soovaha sootthapela Empa ya Yave.” Hiiho, muloko waakuxa sooveleela ni soovaha sootthapela, ni yaakuxatho sooveleela soohisa ni otthunawaya.

2 Nyaha 5:13

Yaawo yiipa mapalapatta ni anamwiipa a icipo, ereene murima mmoha, yaamvuwiha emutthapelaka Yave. Moorumani wa mapalapatta, ikengere ni ikaruma sikina, yaakhuwelaxa, emvuwihaka Yave ni yaahiipa moota ola: “Owo ti ooreera; osivelawawe khoommala.” Hiiho, nihutte naasareya Mpaani mwa Yave,

2 Nyaha 7:3

aYixrayeli ootheene yoonnaaya mooro okhuruwaka ni ovuwa wa Yave osareyaka Mpaani mwa Muluku, yaakokhora vathi yuuramihelaka ikhovesaya vatthayani, yaamulapa, enamutthapela Yave, yeeraka: “Owo ti ooreera; osivelawawe khoommala.”

Ezera 6:22

Yaapaka efesta ya epaawu yoohikhalano eferementu mmahukuni mathannameeli niwoko Yave aahaasariha ohakalala wooceendya murima wa mwene a wAsiriya moota wooweera mwene ole aahaakhavihera yaawo ni otekiwa wa Empa ya Muluku, Muluku a aYixrayeli.

Nehemiya 12:43

Vano nihuku nne ereene oohakalaleene, yaavaha sooveleela sincipale, niwoko Muluku aahaasariha ohakalala otokotoko. Asithiyana ni asinamwanetho yaahakalalasa ni oruma wa ohakalala wa oYerusaleemu waamwiiwayeya ottai.

Nehemiya 8:12

Atthu ootheene yaattimula weera yace ni yawure, yaameelaka yaawo yahaareherenre etthu. Yaapaka efesta ehakalalaxaka, niwoko vano yaahiiwexexa masu yaathaliheriwaaya.

Icipo 106:1

Munttottopele Yave! Muntthapele Yave niwoko Owo ti ooreeraxa. Osivelawawe ompwaherera wa mahuku ootheene.

Icipo 107:1

Muntthapele Yave, niwoko Owo ti a murima wooreeraxa ni osivelawawe ompwaherera wa mahuku ootheene.

Icipo 107:22

Awosa epakeleke sooveleela sootthapela elaleiyaka mitekosaya ni icipo sa ohakalala.

Icipo 116:17

Kinimoopakelani yooveleela ya otthapela, kinimwiitthana Nsina na Yave.

Icipo 147:13

niwoko Owo onaalipiha anampattika a maselaanyu ni onaareeliha atthwaanyu ankhala mwa nyuwo.

Icipo 85:7

Ii! Yave, munoonihere osivelawanyu woohimala ni munivahe ovuluxawanyu.

Yesaya 35:10

ni oowoopoliwa ni Yave anoohokolowa. Awosa anoovolowa oSiyoni yiipaka ni ohakalala. Ti ohakalala woohimala onuukhale icireembasaya. Ohakalala ni murima wootteela onimwaaphwanya ni murima wooriipa ni ohihimera onootthawa.

Yesaya 51:11

Oowoopoliwa a Yave anoohokolowa. Anoovolowa oSiyoni ni wiipa; ohakalala woohimala onookhala icireembasaya. Ohakalalaxa onimwaaphwanya ni ohitteela ni ohihimera onimwaatthawa.

Yesaya 51:3

Vekhaikhai Yave onoopepesa oSiyoni ni onoomorela ikharari mathalaaya ootheene; Owo onootatuxa nikarenaya ntoko wEdeni, elapwaaya yoowuumaxa ntoko nttimbe na Yave. Ohakalalaxa onoophwanyiwa oSiyoni, otthapela ni oruma wa wiipa.

Yesaya 52:8

Mwiiwe! Anamalipelelaanyu ankhuwela; awosa ankhuwela vamoha ni ohakalala. Yave aahokoleelaka oSiyoni, awosa anoomoona ni maithowaaya.

Yesaya 52:9

Mpacere wiipa vamoha ni ohakalala, nyuwosa milepe sa oYerusaleemu, niwoko Yave oopepesa mulokwaawe, Owo ohoopola oYerusaleemu.

Yeremiya 16:9

Vano Yave a ikuru sootheene, Muluku a oYixrayeli, oneera ha: Vamaithoniwanyu ni mweehuhuni ya okumaanyu kinoomalamaliha oruma wa ohakalala ni otteeliwa murima ni wa masu a ootthomeriwa ni namatthomera vanipuroni nna.

Yeremiya 17:26

Atthu animoowa erweelaka mmittettheni sa oYuda ni sirukureenre oYerusaleemu, mweelaponi ya oBenyamini, ilapo sa vathi wa nyaako, elapo ya oNegeba, eruuhaka Mpaani mwa Yave sooveleela soohisa ni sooveleela sa etrigu, erubani* ni sootthapela.

Yeremiya 25:10

Kinoomalamaliha okhuwela wa otthapa ni wa ohakalala, masu a namatthomera ni a namatthomeriwa, oruma wa nxilo ni omwaleela wa onyaari.

Yeremiya 29:14

Miyo kinimwiihiya weera kiphwanyiwe ni nyuwo,” onghima Yave, “ni kinimoohokoloxani wootthukiwani. Miyo kinimoothukumanyihani mmilokoni moothemwene ni mmapuroni moothemwene koomwaraxenlaakani, ni kinimoohokoloxerani mmapuroni kootthukenlaakani,” onghima Yave.

Yeremiya 30:19

Mwa yaawosa sinimoorwa icipo sootthapela ni oruma wa ohakalala. Miyo kinoowaattiha ni awosa kheevukuwa; Miyo kinimwaattittimiherela ni awosa kheenyoosiwa.

Yeremiya 30:3

Vekhaikhai anoophiyera mahuku,’ onghima Yave, ‘kineeraaka kiceendye oreereliwa wa mulokwaaka, aYixrayeli ni aYuda, ni kinimwaahokoloxera elapo kaavanghaaka makholowaaya, weera ekuxe,’ oneera Yave.”

Yeremiya 32:44

Imatta sinoothummwa ni eparatha*, ni soolempwa sinoottittiwa silipihiwaka ohoolo wa anamoona mulaponi mwa Benyamini, mmittettheni sirukureenre oYerusaleemu, mmasidadeni sa oYuda, ni sa mmanyaakoni, sa vathi wa mmanyaakoni ni oNegeba, niwoko Miyo kinooreherera oreereliwawaya, onghima Yave.”

Yeremiya 33:26

Miyo nkirwa kihiya ekhapira ya Yakobe ni ya murumeiyaaka Davide hata nkiceendya soowuupuwelasaka weera mmoha a ekhapira ya Davide alamule ikhapira sa Abrahaamu, Isaki ni Yakobe. Miyo kinooreherera oreereliwawaya ni kinoowoonihera ikhararisaka.”

Yeremiya 33:7

Kinooceendya oreereliwa wa oYuda ni oYixrayeli ni kinooreherera ntoko waaraaya khalayi.

Yeremiya 7:34

Kinoomalamaliha okhuwela wa ohakalala ni otteeliwa murima nitho masu a namatthomeriwa ni namatthomera mmittettheni sa oYuda ni mmiseweni sa oYerusaleemu, niwoko elapo ela enooheleya mathala.’”

Amosi 9:14

Kinimwaahokoloxa aYixrayeli, mulokwaaka oronghiwe wootthukiwani; awosa anoorasela isidade sooheleya nthala ni mmo anookhalamo. Anoophatteya imatta sa iwuuva*, ewureke eviinyuwaaya; anoolima woophatteyamo nyiri eceeke soowiimasaya.

Yoonasi 2:9

Wa soothesene, miyo kinimoopakelani sooveleela ni icipo sooxukurela ni kinookwanihera soororomelihasaka. Ovuluwa ongweela wa Yave.”

Nahumi 1:7

Yave ti ooreera murima; wootthawelawo mweehuhuni ya ohaawaxa. Owo ongwaakiha yaawo animuroromela.

Zefaniya 3:14

Ii! Mwaana muthiyana a oSiyoni, mwiipe; ii! Yixrayeli, mutthape! Muhakalale ni mutthape ni murima wootheene, ii! Mwaana muthiyana a oYerusaleemu!

Zakariya 10:7

awEfrayimi anoothatuwa ntoko asilopwana ooweraxa ni mirimasaya sinoohakalala ntoko soowura eviinyu. Anamwanaaya animoona, ehakalaleke; mirimasaya sinoomuhakalalela Yave.

Zakariya 8:19

Yave a ikuru sootheene oneera ha: ‘Otthuka wa mweeri wanaaxexe, wanaathanu, wanaathannamiili ni wanaamuloko onoothatuwa ihuhu soohakalalaxa ni ifesta soosareya ohakalala wa oYuda. Tivawo, musivele ekhaikhai ni murettele.’

Zakariya 9:17

Ii! Anookhala ooreeraxa ni oophwaneliwaxa! Etrigu enimwaavaha ikuru amiravo, ni hiihotho eviinyu enyowani aximwali.

Yohaane 3:29

Namatthomeriwa ori a namatthomera. Nthamwene onimurumeela namatthomera oningweherera ni onimwiiwelela ni iiwaka nsu na namatthomera onoohakalalaxa. Wu ti ohakalalawaka ni vano wookwaniheriwa.

aHeberi 13:15

Niwoko na Yeesu, nimvahe Muluku mahuku ootheene yooveleela ya ottottopeliwa, eri yoowiima ya iyano sinlapa Nsinanawe.

Ethupululo 18:23

Khoorwa waara mwa weyo waara wa onyaari mmoha. Khanirwa niiwiwa mwa weyo nsu na namatthomera, naari namatthomeriwa. Ananakoswaawo yaari asitokweene a elapo ya vathi. Ilapo sootheene saalokotthiwa ni okhwiraawo.