Yeremiya 32:39 - Emakhuwa Bible

³⁹ Kinimwaavaha muupuwelo ni mweettelo mmoha, weera ekoove mookuminimwaya wootheene, wa okhalawaya nnene awosa ni anamwanaaya ni ikhapirasaya.

Yeremiya 32:39 Iomraidhean Croise

Epacerero 17:7

Kinookhaliha wiiraanawaka ni nyuwo, ni ekhapiraanyutho ya muhoolo, ntoko wiiraana woohimala. Miyo nkikhale Mulukwaanyu, ni Muluku a ekhapiraanyu.

Epacerero 18:19

Vano Miyo kimuthanlenle weera aweettihe anamwanaawe ootheene ni ikhapirasawe sootheene weera etthare ephiro ya Yave, epakaka yeeyo eri yoororomeleya ni yoowookowa. Hiiho Yave onoomukwaniherela Abrahaamu yeeyo aamuroromelinghaawe.”

Epacerero 22:12

Ndyelo eenre: “Muhimutave mmiravo owo! Muhimpake etthu. Vano koosuwela weera nyuwo munnimoova Muluku, niwoko khamukikhoottihenre mwaninyu mmoharu.”

2 Nyaha 30:12

oYuda, ntata na Muluku naari mwa muloko aavahaka wiiwanana mmuupuweloni weera ekwanihere yeeyo mwene ni asitokweenaawe yaalamulenlaaya, ettharihaka masu a Yave.

Icipo 112:1

Munttottopele Yave. Ooreelihiwa ti yoole onimoova Yave ni onsivela malamulowaawe.

Icipo 128:6

ni weera moone osuuluwaanyu. Murettele okhale ni oYixrayeli!

Icipo 86:11

Ii! Yave, mukixuttihe iphirosanyu weera keette mweekhaikhaiyinimwaanyu; mukivahe murima woororomeleyaxa weera koove Nsinananyu.

Masu a Miruku 23:17

Ohaakhalele nrima anamattheka, mene omoove Yave mahuku ootheene.

Yesaya 35:8

Ni musewe mutokotoko onookhalawo; onimwiitthaniwa Musewe Wootteela. Yaale oohitteela kheeviramo; onookhala wa yaale paahi aneettamo; alolo kheeviramo.

Yesaya 52:8

Mwiiwe! Anamalipelelaanyu ankhuwela; awosa ankhuwela vamoha ni ohakalala. Yave aahokoleelaka oSiyoni, awosa anoomoona ni maithowaaya.

Yesaya 65:23

Awosa kheevara muteko wa siiyo, hata khayaayara anamwane weera ethananiheye. Vano awosa anookhala muloko wooreelihiwa ni Yave, awosa vamoha ni ikhapirasaya.

Yeremiya 24:7

Miyo kinimwaavahasa murima woowera okisuwela, aani osuwela weera Miyo ti Yave. Anookhalasa mulokwaaka, ni Miyo kinookhala Mulukwaaya, niwoko awosa anoohokoleela wa Miyo ni murima wootheene.

Yeremiya 31:33

Yave oneera: “Wiiraana kineeraaka kipakele muloko wa oYixrayeli eviraleene mahuku awo, ti wu: Kinoohela Nlamulonaka mpuwamwaya ni kinoolepa mmurimanimwaya. Kinookhala Mulukwaaya, ni awosa anookhala mulokwaaka.

Yeremiya 32:40

Kinimwaakhalihera wiiraana woohimala: Nkirwa kihiya waapakela nnene, ni kinoopakiha weera ekoove ni murima, weera ehikihuluwetho.

Yeremiya 6:16

Yave oneera ha: “Mweemele vamathakalaano ni moone; mwaasaasere iphiro sa khalayi, mukohe eri woowi ephiro yooreera ni mukuxere, ni vano munoophwanya wiitthuuwa wa okumaanyu. Vaheera mweenre: ‘Hiyo khaninkuxera yeeyo.’

Ezekiyeli 36:26

Kinimoovahani murima munyowani kiheleke mwa nyuwo munepa munyowani; kinimoovenxani murima wa nluku koovahasekeni wa ethai.

Ezekiyeli 37:22

Miyo kinimwaapaka muloko mmoha paahi wa mulaponi, mmanyaakoni sa oYixrayeli. Wa yaawosa anaakhale mwene mmoharu paahi, ni khasirwa sikhalatho miloko miili, ni iyotho khasikawanyeya omwene miili.

Ezekiyeli 37:24

Murumeiyaaka Davide, anaakhale mwenaaya, ni ootheene awo eniikhaleno mukukhuli mmoharu. Eniyeettele malamulowaaka, yiipasoopaka wiiwelela ikanosaka.

Ezekiyeli 37:25

Eniikhalase mulaponi kimvanghaaka murumeiyaaka Yakobe, elapoweene yeeyo yaakhalaaya makholowaaya. Awosa vamoha ni anamwanaaya, mpakatho osuulwaaya eniikhalewo wa mahuku ootheene, ni murumeiyaaka Davide onookhala mwaana a emwenaaya wa mahuku ootheene.

Yohaane 14:6

Yeesu aamwaakhula: “Miyo ti Ephiro, Ekhaikhai ni Okumi. Khaawo ongwa wa Atiithi, ohikhanle aviraka mwa Miyo.

Yohaane 17:21

weera ootheene ekhale mmoha, Tiithi, ntoko Nyuwo muraanyu mwa Miyo ni Miyo mwa Nyuwo, ni weera awo ekhaletho mwa Hiyo. Hiiho amalapo eniiroromele weera Nyuwo mwaakirumiha.

Miteko 13:33

oonikwaniherela hiyo, anamwanaawe, amvenyererihaka Yeesu ntoko elempwalaaya ecipo yanaaveeli: ‘Weyo ti Mwanaka. Olelo kohooyara.’

Miteko 2:39

Vano, yoororomelihiwa ela ti yawinyu, ya anamwanaanyu ni ya ootheene ari ottaiwene, ya ootheene yaawo Apwiya Mulukwaahu eneeraaya ewiitthane.”

Miteko 3:26

Muluku amvenyererihaleene murumeiyaawe, ohoorumihelani toko nyuwo weera ooreeliheni oorukunxakani nyuwo ootheene wa sootakhalasanyu.”

Miteko 4:32

Ootheene a atthu ancipale yaaroromenle, yaakhala oowiiwananeene, ni yaarino muupuwelo mmoha ni murima mmoha. Khaawo aarino sooreelasawe mwaneenaawe yoowo paahi, mene yaakawana sootheene yaarinaaya.

Miteko 9:31

Ekerexa yaakhalano ehuhu ekina ya murettele oYudeiya, oGalileiya ni oSamariya wootheene. Eyo yaamwiipuhiha ni, elipihiweene ni Munepa Wootteela, yaandyeerereya atthu oororomela, yeettaka mowoovani Apwiya.

aRooma 11:16

Soowiima soopacera soovahiwa saari sootteela, soowiima sootheene sinookhalatho sootteela. Waari weera mukwankhwaari ori wootteela, vano hiihotho iphandisaya.

1 aKorinto 7:14

niwoko iyawe oohiroromela ti ootteelihiwa niwoko na mwaariye, ni mwaariye oohiroromela ti ootteelihiwa niwoko na iyawe. Wahaakhanle hiiho, anamwaniinyu yaakhala oohitteela, mene vano ootteela.

2 aKorinto 13:11

Kihipwahereraka axunna, miyo kinoolaxerani. Mwaase wiikwanihera, ni mwiiwe nivekelonaka. Muupuweleke etthu emoharu, mukhaleke ni murettele. Ni Muluku a osivela ni a murettele anaakhale ni nyuwo.

Deuteronomiyo 5:29

Ohaawelawaka ti weera owo opwaherere otthuna okittittimiha ni wiiwelela malamulowaaka ootheene weera weetteleye nnene muloko owo ni anamwanaaya wa mahuku ootheene!

Deuteronomiyo 6:2

Mooteene yoowo, nyuwosa anamwaniinyu ni anamwanaaya mmwimoove Yave Mulukwaanyu mahuku ootheene a okumaanyu ni mmwiiwelele ikanosawe ni soolamulasawe sootheene kinoolamulelasaakani weera owaatteleni okumi.

Deuteronomiyo 6:24

Yave aanilamula wiiwelela ikano sootheene iya ni omoova Yave Mulukwaahu weera nireereliwe mahuku ootheene wuureliwaka okumaahu, ntoko nraahu olelo.

aHeberi 10:20

mphironi enyowani ni ekumi Owo onihulenlaawe eviraka mukuwoni etokotoko, eyo tiiyo mweerutthunimwawe,