Yeremiya 32:38 - Emakhuwa Bible

³⁸ Awosa anookhala mulokwaaka, ni Miyo kinookhala Mulukwaaya.

Yeremiya 32:38 Iomraidhean Croise

Yeremiya 24:7

Miyo kinimwaavahasa murima woowera okisuwela, aani osuwela weera Miyo ti Yave. Anookhalasa mulokwaaka, ni Miyo kinookhala Mulukwaaya, niwoko awosa anoohokoleela wa Miyo ni murima wootheene.

Ethupululo 21:7

Namawina anaakhele soothesene iya ni Miyo nkikhale Mulukwaawe, ni owo mwanaka.

aHeberi 8:10

Wu ori wiiraana Miyo kineeraaka kipake ni muloko wa aYixrayeli vahoolo wa mahuku awo, anghima Apwiya: Nkihele malamulowaaka mmuupuwelonimwaya, ni nkilepe yaawo mmirimanimwaya. Nkikhale Mulukwaaya, ni awo eniikhale mulokwaaka.

Ezekiyeli 37:27

Wookhalawaka onuukhale ni yaawosa; Miyo kinookhala Mulukwaayasa ni awosa anookhala mulokwaaka.

Icipo 144:15

Wooreelihiwa ti muloko oneereeliwa hiiho; wooreelihiwa ti muloko orino Yave ntoko Mulukwaaya.

Zakariya 13:9

Mpatta wanaararu owo kinohela vayikho; kinootteelihamo ntoko eparatha*, aani ntoko eyuuma yoorikaxa. Awosa animwiitthana Nsinanaka ni Miyo kinoowaakhula, keeraka: ‘Awosa ti mulokwaaka’ ni awosa animweera: ‘Yave ti Mulukwaahu.’”

Ezekiyeli 36:28

Nyuwosa munookhala mulaponi kaavanghaaka makholowaanyu; nyuwosa munookhala mulokwaaka, ni Miyo kinookhala Mulukwaanyu.

Yeremiya 31:1

“Mweehuhuni eyo,” onghima Yave, “kinookhala Muluku a ipuumba sootheene sa aYixrayeli, ni awosa anookhala mulokwaaka.”

Yeremiya 30:22

‘Tivawo, nyuwosa munookhala mulokwaaka, ni Miyo kinookhala Mulukwaanyu.’ ”

Ezekiyeli 39:22

Okhuma nihuku nno woorowa ohoolo, aYixrayeli anoosuwela weera Miyo ti Yave, Mulukwaaya.

Yeremiya 31:33

Yave oneera: “Wiiraana kineeraaka kipakele muloko wa oYixrayeli eviraleene mahuku awo, ti wu: Kinoohela Nlamulonaka mpuwamwaya ni kinoolepa mmurimanimwaya. Kinookhala Mulukwaaya, ni awosa anookhala mulokwaaka.

Epacerero 17:7

Kinookhaliha wiiraanawaka ni nyuwo, ni ekhapiraanyutho ya muhoolo, ntoko wiiraana woohimala. Miyo nkikhale Mulukwaanyu, ni Muluku a ekhapiraanyu.

aHeberi 11:16

Vano, ohiya toko yeeyo, awo yaaweherera ewaani yootthuneyaxa, eyo tiiyo ewaani ya wiirimu. Tivawo, Muluku khaniixuulihiha muru iitthaniwaka Mulukwaaya, niwoko ohaarehererela esidade emoha.

Ezekiyeli 39:28

Hiiho, awosa anoosuwela weera Miyo ti Yave, Mulukwaaya, niwoko kaarimwaarumihelaru wootthukiwani elapo ekina eriyari ya miloko, Miyo kinimwaathukumanyiha mulaponimwaya, kihimuhiyakaru ottuli naari mmoha a yaawosa.

Deuteronomiyo 14:23

Muceeke mpatta wanaamuloko wa etrigwaanyu, eviinyu enyowani, makhura ni matthaara ootheene a mihuwosanyu vamaithoni wa Yave Mulukwaanyu vanipuroni aneeraawe athanle ntoko woomakawo Nsinanawe weera muxuttere omuttittimiha Yave Mulukwaanyu wa mahuku ootheene.

Yesaya 65:23

Awosa kheevara muteko wa siiyo, hata khayaayara anamwane weera ethananiheye. Vano awosa anookhala muloko wooreelihiwa ni Yave, awosa vamoha ni ikhapirasaya.

Ezekiyeli 16:60

Wa soothesene, Miyo kinimuupuwelela wiiraanawaka ni nyuwo kaapankaaka mmahukuni a emiravowaanyu, ni kinimookhaliheranitho wiiraana woohimala.

2 Samuweli 7:24

Nyeenyuweene mookhaliha mulokwaanyu, aYixrayeli, ntoko wawinyu wa mahuku ootheene ni Nyuwo, Yave, moothatuwa Mulukwaaya.