Yeremiya 32:35 - Emakhuwa Bible

³⁵ Yaamutekela Bahali* mapuro ootteela oorakama mureyareyani na oBeni-Hinomi, weera emveleelele Moloki anamwanaaya asilopwana ni asithiyana. Vano eyo ti etthu kihitonkwaaka olamulela, epakelo yoohiira kihinuupuwelelaaka weera epake; ni hiiho, aamutthekiha Yuda.

Yeremiya 32:35 Iomraidhean Croise

1 Mamwene 11:33

Kinoopaka yeeyo niwoko na okihiyawaya, emulapaka Axeteroti, muluku muthiyana a aSidoni, Kemoxi, muluku a aMowabe ni Moleki, muluku a awAmoni. Khayeentte mphironimwaka, naari khaapanke yeeyo kintthunaaka, hata khayiiwelenle ikanosaka ni malamulowaaka ntoko aapankaawe Davide, atithawe Salomoni.

1 Mamwene 11:7

Vanttumuxani mpatta ninkhuma nsuwa wa oYerusaleemu Salomoni aamutekelawo nipuro na osulu Kemoxi, muluku a mwiikho a aMowabi ni wa Moloki, muluku a mwiikho a awAmoni.

1 Mamwene 14:16

Yave onimwaahiya aYixrayeli niwoko na soottheka Yerobowami aapankaawe, aatthekihaka aYixrayeli.”

1 Mamwene 15:26

Aapaka yoonanara vamaithoni wa Yave attharaka soottheka sa atithawe aatthekihaka aYixrayeli.

1 Mamwene 15:30

Eyo yeereenle niwoko na soottheka Yerobowami aapankaawe aatthekihakatho aYixrayeli. Hiiho aatannya isara sa Yave, Muluku a aYixrayeli.

1 Mamwene 16:19

Yeereenle niwoko na soottheka aapankaawe, apakaka soonanara vamaithoni wa Yave ni eettaka mphironi mwa Yerobowami ni soottheka aapankaawe aatthekihakatho aYixrayeli.

1 Mamwene 21:22

Kinoopakela emusaanyu ntoko kaapakenlaaka emusi ya Yerobowami, mwaana mulopwana a Nebati, nitho emusi ya Bahaxa, mwaana mulopwana a Ahiya, niwoko mootannya isarasaka mwaatthekihaka aYixrayeli.’

2 Mamwene 21:11

“Manaxe, mwene a oYuda, aapaka sootthekasene seiya sa mwiikho. Aatepaxa opaka waapwaha awAmori yaakhalawo owo ahinaaye ni aahaatthekihatho aYuda ni miluku sikina aapankaawe.

2 Mamwene 21:4

Aatekela miluku sikina altaari* Mpaani mwa Yave, mwa mwemmo Yave eenraawe: “Kinimwiikaathi Nsinanaka oYerusaleemu.”

2 Mamwene 23:10

Aananariha oTofeti waari vanreyareyani na oBeni-Hinomi moota wooweera khaawo eera awere omuhiserawo mwanawe mulopwana hoye hoye muthiyana wa muluku iitthaniwa Moleki.

2 Mamwene 23:15

Aahaaphwata mpaka oBeteli altaari* ni mattumuxa ootteeliheriwa miluku sikina yaapakiwe ni Yerobowami, mwaana mulopwana a Nebati, mwa yoowo aatthekihale aYixrayeli. Aahisa mattumuxa ootteeliheriwa miluku sikina, enathatuwa ntthupi, ahisakatho nrimbu na Axera.

2 Mamwene 3:3

Wa soothesene, aatthara soottheka sa Yerobowami, mwaana mulopwana a Nebati, mwa seiye aatthekinghaaweno aYixrayeli, ahihiyaka soottheka iye.

2 Nyaha 33:6

Mpakatho aahaahisa anamwanaawe asilopwana aapakaka yooveleela munreyareyani na oBeni-Hinomi; aapaka sookhwiri, aaheraka ihako ni macitta; aavarela muteko minepa, akohereraka minepa sa akhwiiye. Aapaka soonanara sincipale vamaithoni wa Yave, atannyaka isarasawe.

2 Nyaha 33:9

Wa soothesene, Manaxe oohapuxa oYuda ni muloko wa oYerusaleemu, mpaka waatepa opaka soonanara opwaha miloko Yave aaphwantaawe ohoolo wa aYixrayeli.

2 Nyaha 36:14

Ohiya yeeyo, ahooleli ootheene a asaserdoti* ni muloko, yaamweera otepa ohiroromeleya, ettharaka ipakelo sootheene soothanyeya sa miloko sikina, evalihaka Empa ya Yave, aatteelinghaawe oYerusaleemu.

Okhuma 32:21

Aamweerela Aharoni: “Atthu ala aweeringheni weera nyuwo mwaaruuhele yoottheka etokotoko ela?”

Yesaya 57:5

Moosareya soohaawela variyari wa ikaravalyu* ni vathi wa khula mwiri woopombaxa; nyuwosa munaapaka sooveleela anamwaniinyu mmaxaapwani ni munyattani.

Yeremiya 19:2

ni murowe munreyareyani na oBen-Himoni, vakhiviru wa mulako wa Nivali. Vawo mwalaleiye masu kineeraka kooleeleni,

Yeremiya 30:14

Oosiveleyaanyu ootheene ahoottiwalani; awosa khaanoopwatthani. Miyo kohoowananani ntoko ompakaawe mwiittana; kohoovahani nttaruxo nootepaxa niwoko otakhalawanyu ti otokotoko ni sootthekasanyu khasinaalikeleya.

Yeremiya 44:4

Emaara ti emaara Miyo kannoorumihelani arumeiyaaka, maprofeeti, yeera: ‘Muhipake etthu ela ya mwiikho yoothanyeya!’

Yeremiya 7:30

Muloko wa oYuda woopaka soonanara vamaithoniwaka, onghima Yave. Wookhaliha milukusaya sa mwiikho Mpaani erino Nsinanaka oveihaka yeeyo.

Yeremiya 7:31

Wookhaliha mapuro ootteeliheriwa miluku sikina sa oTofete vanreyareyani na Beni-Hinomi weera yaahise anamwanaaya asilopwana ni asithiyana – etthu Miyo kihitonkwaaka olamulela hata kahuupuwenlaaka.

Ezekiyeli 23:37

niwoko awosa aararuwa ni mmatatanimwaya ori ephomeru. Aararuwano milukusaya; mpakatho ahaahisa ntoko sooveleela anamwanaaya asilopwana wa milukusaya, mwa yaawo yaakiyarenlaaya.

Levitiku 18:21

Muhiwinnyerereru anamwaniinyu weera yiiviwe ntoko yoomveleelela Molekhi, niwoko khoontthuniheriwa oveiha Nsina na Mulukwaanyu. Miyo ti Yave.

Miteko 7:43

Hoye! Ohiyanawaya, mwaamutekela eheema Molokhi ni ethenyeeri ya muluku Refani, miluku mwaapankaanyu weera mulape. Tivawo, Miyo nkoothaamihereni mpaka mpatta mukina wa oBabiloniya.’

Deuteronomiyo 12:31

Muhimulape Yave Mulukwaanyu mooteene yoowo simpakaaya miloko iyo, niwoko saalapaka milukusaya, iyo simpaka itthu soonanara soohiyanahiyana mwa seiyo Yave onthanyaawe. Awosa mpaka anaahisa anamwanaaya mmooroni ntoko sooveleela wa milukusaya.

Deuteronomiyo 18:10

Muhitthunihere variyariwanyu okhala mutthu anaamuhise mwanawe mulopwana hoye hoye muthiyana ntoko yooveleela; onaasa ihako hoye hoye ompaka macitta; malavi, okhwiri,

Deuteronomiyo 24:4

vano opacenre omuhiya ahimutheletho niwoko wa yoowo muthiyana owo ti oohitteelaawe. Amuthela, eyo eniikhale ya mwiikho vamaithoni wa Yave Mulukwaanyu. Muhitthekihe elapo Yave Mulukwaanyu onoovahaaweni ntoko yoohiyeriwa.