Yeremiya 32:24 - Emakhuwa Bible

²⁴ Ikaaro sookurumulela exiri sintekiwa ni amwiittana weera ekuxe esidade. Eyo enimwinnyereriwa mmatatani mwa aBabiloniya angwanano niwoko na ekhotto, etala ni nihooxo. Yookwanihereya yeele mwaahimmaanyu, ntoko munoonaanyu vano.

Yeremiya 32:24 Iomraidhean Croise

2 Samuweli 20:15

Anakhotto ootheene a Yowabe yaaphiya, enarica wAbeli-Beti-Mahaka. Yaapaka ekaaro yookurumulela exiri enapacera ottiitta exiri ya omokoni. Ettiittaka hiihaale exiri weera epwexe,

Yesaya 37:33

Tivawo, Yave ommweerelaawe ha mwene a wAsiriya: Khavolowa esidade ela hata khalathelamoru naari muupa. Khawanano ni exikudu* hata khateka yooricano.

Yeremiya 16:4

“Awosa sinoowiiva iretta soowoopiha. Khaawo anaakhupanyere awosa hata kheevithiwa, mene anookhala ntoko ikokhola vatthayani. Animwiiviwa ni ekatana ni etala ni mittembosaya sinookhala sooca wa ipalame sa wiirimu ni axinama a ntuphini.”

Yeremiya 20:5

Kinimwinnyerera mmatatani mwa amwiittanaaya mihakhu sootheene sa esidade ela, sooruwerasaya, itthusaya sootheene ni mihakhu sootheene sa mamwene a oYuda. Awosa anookuxa ntoko soohuhula, erongheke oBabiloniya.

Yeremiya 24:10

Kinimwaarumihelasa ekhotto, etala ni nihooxo mpaka eneeraaya emalamalihiwe mulaponi kaavanghaaka awo ni makholowaaya.’ ”

Yeremiya 29:17

Aani, Yave a ikuru sootheene oneera ha: “Kinimwaarumihela ekhotto, etala ni nihooxo; kinimwaapakela ntoko ifiigu soonanaraxa soohiwereya oceya.

Yeremiya 29:18

Miyo kinimwaattharelela ni ekhotto, etala ni nihooxo; kinimwaapaka moopopihero wa imwene sootheene sa mulaponi, nlapho, ethoonyero, otthebwa ni munyakunyaku eriyari ya miloko sootheene mwa weiwo Miyo kaamwaraxenlaaka.

Yeremiya 32:25

Ii Yave onlamula sootheene, eyo eri hiiho, ‘Nyuwo mookiruma othuma ematta ni waalattula anamoona wa othuma wu, naari esidade yinnyereriweene mmatatani mwa aBabiloniya!’ ”

Yeremiya 32:28

Vanonto Yave oneera ha: Kininnyerera esidade ela mmatatani mwa aBabiloniya ni mwa Nebukadenezari, mwene a oBabiloniya, anaawine.

Yeremiya 32:3

Vano, Zedekiya, mwene a oYuda, aamutthukawo Yeremiya, “Amootheraka othalihera moota ola: ‘Yave onimwinnyerera esidade mmatatani mwa mwene a oBabiloniya, ni owo onoowina.

Yeremiya 32:36

Vanonto Yave oneerela ha esidade ela, mwa yeeyo nyuwosa muneerelaanyu weera enimwinnyereriwa mmatatani mwa aBabiloniya mwa ekhotto, etala ni mwa nihooxo:

Yeremiya 32:5

Owo onoomurongha Zedekiya oBabiloniya, weiwo aneeraawe akhalewo mpaka Yave aneeraawe amalihe mulattwaawe ni, nyuwosa mwaawanano aBabiloniya, khasiweettelani nnene.’”

Yeremiya 33:4

Niwoko Yave, Muluku a aYixrayeli, oneera ha mwaha wa itthu sa esidade ela ni sa impa sa emwene sa oYuda, siphwatingwe weera yiixaakihereno ikaaro sookurumulela ixiri ni wa ekatana,

Yeremiya 34:17

Vanonto, Yave oneera ha: Nyuwosa khamukiiwelenle; khamulaleiye otapuxa wa mukhwiinyu ni wa mwaattamanaanyu. Tivawo, Miyo kinlaleiyaaka otapuxeyawanyu, onghima Yave, aani, moota wa otapuxeya oneera owiiveeni mwa ekatana, mwa nihooxo ni mwa etala. Kinoopakiha weera nyuwosa mukhale etthu yoowoopiha wa omwene wootheene wa mulaponi.

Yeremiya 52:4

Tivawo, vayaakhani yanaathanniixexe ya olamula wa Zedekiya, vamweerini wanaamuloko, Nebukadenezari, mwene a oBabiloniya, aarongwaawe oYerusaleemu vamoha ni anakhottwaawe ootheene. Yaakonela okerekhere wa esidade, enateka ikaaro sookurumulela ixiri.

Yeremiya 52:6

Niphiyeraka nihuku nanaathannamaxexe na mweeri wanaaxexe, yaawirimaxa etala moota wooweera muloko khawoona yooca.

Yeremiya 6:6

Yave a ikuru sootheene oneera ha: “Muuhe nyiri ni niteke ikaaro sookurumulelano exiri ya oYerusaleemu. Esidade ela ettaruxiwe, ti yoosareya nihasu.

Ezekiyeli 14:21

Vano Yave onlamula sootheene oneera ha: Onuutepaxe kaarumihelaka oYerusaleemu mattaruxowaaka oowoopiha maxexe ala: Ekatana, etala, axinama a ntuphini ni nihooxo, weera kaamalamaliheremo amakaaya ni axinamaaya!

Ezekiyeli 21:22

Muntatanimwawe noolopwana, anaathanleliwe Yerusaleemu, mwa weiwo aneeraawe arehererele ikaruma soottiittano ixiri, alamulele opakiwa noomala, alamule munyakunyaku wa ekhotto, iikaatheriwe ikaruma soottiittano ixiri sa esidade, epakiwe yooricano ni atekeliwe ikaaro sookurumulela ixiri sirukureenre.

Ezekiyeli 21:27

Oheleya nthala! Oheleya nthala! Miyo kinooheliha nthala! Kheerehereriwa ahirwiiye yoole ophwanenle okhala muneene yeeyo; vano wa yoowo kinoomvaha.’

Ezekiyeli 26:8

Owo onoohonona ni ekatana mittetthe sa mulaponimwanyu. Owo onooteka ikaaro sookurumulela ni yooricano ixirisanyu aweemexerelaka ixikudusawe*.

Ezekiyeli 4:2

Vano murice ni mutekelele ikaaro sookurumulela ixiri, mpakele yooricano, mpake mukuso ni mookonelamo, murehererele ikaruma soottiittela ixiri mukhwipimwaya.

Habakuki 1:10

Animwaaramusa mamwene ni animwaanyemula anamalamula. Antheya isidade soolipihiwa; anteka soowelano ixiri, enakuxa isidade iyo.

Zakariya 1:6

Vaheera maswaaka ni ikanosaka mwa seiyo kaalamulenlaaka arumeiyaaka, maprofeeti, saahaaphwanya makholowaanyu. Vano yaakurunuxa mirimasaya yeeraka: ‘Yave a ikuru sootheene oonipakela yeeyo iphirosahu ni mitekosahu simphwanelaaya, ntoko aalakenlaawe opaka.’”

Matheyo 24:35

Wiirimu ni vathi onuuvire, mene maswaaka kheerwa eviratho.

Deuteronomiyo 4:26

vanonto, wiirimu ni vathi ti anamoonaaka olelo weera nyuwosa munoophwatiwa woowaakuveya mweelaponi mwa yeeyo munkuxaanyu woomulapuwa Yordanu. Nyuwo khamukhalaxawo, mene munoophwatiwa woomalela.