Yeremiya 32:23 - Emakhuwa Bible

²³ Awosa yaahoorwa okuxa elapo ela, mene khaawiiwelenleni hata khayeettenle Nlamulonanyu. Khaapankeru etthu ya seiye mwaalamulenlaanyu. Tivawo yiiruhenlaaya erisa yootheene ela.

Yeremiya 32:23 Iomraidhean Croise

Ezera 9:7

Okhuma mahuku a makholowaahu mpaka olelo nthowanahu nohunnuwaxa. Niwoko na sootthekasahu hiyo, mamwenaahu ni asaserdoti* nohinnyereriwa mmahooxoni a ekatana, wootthukiwani, moohuhuliwani ni oyevihiwa mmatatani mwa mamwene a ilapo sikina, ntoko eneereyaaya olelo.

Nehemiya 9:15

Yaavoliwaaya etala, mwaahaavaha sooca saarweela wiirimu ni yaavoliwaaya ntthona mwaahaakhumihera maahi vamwala. Mwaahaalamulela ovolowa ni okuxa elapo mwaalipenlaanyu mwaaroromelihaka waavaha.

Icipo 78:10

Awosa khayiiwelenle wiiraana wa Muluku ekhoottaka otthara entthuneya munlamulonimwawe.

Yeremiya 2:7

Miyo kohooruuhasani mulaponi mooruwereya, weera muce soowiimasaya ni sooreerelasaya. Vaheera nyuwosa moovaliha elapwaaka; mootatuxa yoohiyeraaka okhala yoohiira.

Yeremiya 26:4

Mwaaleele: ‘Yave oneera ha: Nyuwosa mwaahikiiwa, hata mwaahitthara malamulowaaka koovanghakani,

Yeremiya 44:10

Mpaka olelo khamwiiyevinghe hata khamwiittittimihale, naari khamutthanre malamulowaaka ni ikano kiiyaathiyaaka ohoolowanyu ni wa makholowaanyu.

Yeremiya 7:26

Vaheera awosa khayaakiiwale hata khayaakipwantthe. Yaari oottiyamaaru ni yaapaka soonanara waapwaha makholowaaya.’

Icipo Soolalamika 1:18

Yave ti oororomeleya, vaheera miyo koovaanya olamulenlaawe. Nyuwosa miloko sootheene mwiiwe; ngwehe ohaawawaka. Amiravowaaka ni asimwalaaka aaronghiwa wootthukiwani.

Icipo Soolalamika 1:8

Yerusaleemu ootthekaxa; tivawo othatungwaawe oohitteela. Ootheene yaamuttittimiha, vano aamunyoosa niwoko ahoona etiriyaaya; owo muneenaawe oniipulela ni onaahapuwa yaawosa.

Ezekiyeli 20:18

Miyo kaaweerelasa anamwanaaya munikareni: “Muhittharihe mweettelo wa asitithinyu hata muhiiwelele malamulowaaya naari muhiivaliheno milukusaya.

Ezekiyeli 20:21

Orookhalaru weera yoowo aniiwelele malamulo awo anaakhale ni okumi, anamwanaaya yaakivaanya. Khayeettenle ikanosaka, khayiipasoompe woowiiwelela malamulowaaka, ni aahiiriha iSaabadusaka. Tivawo keenraaka weera kaamwaayeehera isarasaka ni kamwaanyoonyeriwa munikareni.

Ezekiyeli 20:8

Vaheera awosa yaakivaanya ni khayaakiiwelenle; khayiivenxenre icaambulo soohiira mwa seiyo saari vamaithoniwaya, hata khayaahingye miluku sa wExipitu. Tivawo keenraaka weera kaamwaayeehera isarasaka ni kaamwaanyoonyeriwa wExipitu.

Luuka 17:10

Hiihotho nyuwo, mwaamalihaka sootheene mulamuleliwaanyu, mweereke: ‘Nri arumeiyi oohittittimiheya, nookwanihera paahi yeeyo yaatthuneya weeriwa.’”

Yohaane 15:14

Nyuwo mmwikhale asinthamwenaaka mwapaka yeeyo Miyo kinoolamulelaakani.

aGalata 3:10

Yaawo ootheene anroromela miteko sa malamulo alaphiwa, niwoko yoolempwa: “Oolaphiwa ootheene yaale ahinkwanihera itthu sootheene silempwe mulivuruni ya malamulo.”

Yakobe 2:10

Vano, yoowo oniiwelela nlamulo nootheene, mene onkwattula ni mpatta mmoha paahi wa nenno, anaakhale ni milattu ntoko khiiwelenle nlamulo nootheene.

Yoxuwa 21:43

Hiiho Yave aahaavaha aYixrayeli elapo yootheene aaroromelinghaawe ni nlipelo makholowaaya ni awosa yaakuxasa, eniitekihasa.

Yoxuwa 23:16

Nyuwosa mwavirikanyiha wiiraana Yave Mulukwaanyu oolamulenlaaweni ni mwalapa miluku sikina, mukokhorelaka seiyo, vano isara sa Yave sinimoopattelasani ni nyuwosa munoomalamala mulaponimu mooreera oovanghaaweni.”