Yeremiya 32:22 - Emakhuwa Bible

²² Mohaavaha elapo ela, mwa yeeyo mwaaroromelinghaanyu makholowaaya ni nlipelo; elapo yoosareya mukaka ni oravo.

Yeremiya 32:22 Iomraidhean Croise

Epacerero 13:15

Elapo yootheene ela munoonaanyu, Miyo kinimoovahani nyuwo ni ekhapiraanyu yootheene wa mahuku ootheene.

Epacerero 24:7

Yave Muluku a wiirimu, aakivenxale vaate wa atithaka ni elapwaaka kiyariwaaka ni aakiroromelinghe ni nlipelo weera aarwa ovaha elapo ela ekhapiraaka, anaamurumihe ndyelowaawe ohoolowawo, weera weiwo wamuruuhele muthiyana mwanaka.

Epacerero 50:24

Ahinaaye okhwa, Yoseefe aaweerela axunneiye: “Miyo kihanle vakhaani okhwa. Vekhaikhai, Muluku anookhavihereni ni anoovenxeni mweelaponi ela, ooronghakani elapo aamuroromelinghaawe ni nlipelo Abrahaamu, Isaki ni Yakobe.

Nehemiya 9:15

Yaavoliwaaya etala, mwaahaavaha sooca saarweela wiirimu ni yaavoliwaaya ntthona mwaahaakhumihera maahi vamwala. Mwaahaalamulela ovolowa ni okuxa elapo mwaalipenlaanyu mwaaroromelihaka waavaha.

Okhuma 13:5

Yave oovoleihakani mweelaponi ya aKanaani, aHiti, awAmori, aHivi ni aYebusi, vano muupuwelele opaka efesta mweereene yoola. Ti elapweene yeeyo Owo aaroromelinghaawe ni nlipelo makholowaanyu weera aarwa woovahani; elapo yoosareya oravo ni mukaka.

Okhuma 3:17

Koororomeliha wookhumihasani moohasuliwani wExipitu wooronghani elapo ya aKanaani, awAmori, aPerizi, aHivi ni aYebusi, aani elapo yoosareya mukaka ni oravo.’

Okhuma 3:8

Tivawo kikhurungwaaka weera kaatapuxe mmatatani mwa awExipitu ni weera kaavenxeke nno kaaronghaka elapo yooreera ni yoowunnuwa, yoosareya ni mukaka ni oravo, eyo tiiyo elapo ya aKanaani, awAmori, aHiti, aPerizi, aHivi ni aYebusi.

Yeremiya 11:5

Vano kinookwanihera yoororomeliha kaapakenlaaka makholowaanyu ni nlipelo weera kinimwaavaha elapo yoosareya mukaka ni oravo’ – eyo tiiyo elapo eri yawinyu olelo.” Miyo kaamwaakhula: “Ame* Yave.”

Ezekiyeli 20:15

Kitheteiyeene ntata, kaalipelatho wa yaawosa weera nkaarongha mulaponi kaavanghaaka, elapo yoosareyamo mukaka ni oravo; elapo yooreeraxa opwaha ilapo sootheene,

Ezekiyeli 20:6

Nihuku nenenenne, kaalipela wa yaawosa weera kaamwaakhumiha wExipitu kaarongheke mulaponi kaathanlenlaaka, elapo yoosareyamo mukaka ni oravo; elapo yooreeraxa opwaha ilapo sootheene.

Nuumeru 14:16

‘Yave khawenre orongha muloko ola mulaponi aaroromelinghaawe munlipeloni, tivawo owiivenlaawe munikareni.’

Nuumeru 14:30

Khakhalaru naari mmoha a nyuwo anaavolowe mulaponi kaalipelenlaaka keemenxeene ntata woovahani weera mmakemo, ahikhanle paahi Kalebi, mwaana mulopwana a Yefune, ni Yoxuwa, mwaana mulopwana a Nuni.

Deuteronomiyo 1:35

“Khaawo a ekhapira yoonanara ela anoone elapo yooreera kaaroromelinghaaka waavaha makholowaanyu,

Deuteronomiyo 1:8

Moone, kohoovahani elapo eyo. Mwavolowe ni mwakuxe elapo Yave aaroromelinghaawe ni nlipelo waavaha makholowaanyu Abrahaamu, Isaki Yakobe ni ekhapiraaya.”

Deuteronomiyo 6:10

Vano Yave Mulukwaanyu onimoovoleihani mweelaponi aaroromelinghaawe ni nlipelo makholowaanyu Abrahaamu, Isaki ni Yakobe woovahani nyuwosa; elapo ya isidade sitokotoko ni sooreera nyuwosa muhitenkaanyu,

Deuteronomiyo 6:18

Mpake yeeyo eri ya ekhaikhai ni yooreera wa Yave weera sootheene siweetteleni nnenesene. Hiiho munoovolowa mukuxaka elapo yooreera Yave aaroromelinghaawe ni nlipelo makholowaanyu,

Deuteronomiyo 6:23

Vaheera Owo aanikhumihawo aniruuhaka nno elapo aaroromelinghaawe ni nlipelo makholowaahu.

Deuteronomiyo 7:13

Owo onimoosivelani, onimooreelihani ni onoowaandyeererani. Onimoovahani anamwane ancipale, soohepha sincipale sa etrigu, eviinyu enyowani ni makhura ni muhuwo wa imombe ni wa ikhondoolo mweelaponi Owo aalipelenlaawe makholowaanyu woovahani.

Deuteronomiyo 8:1

Mwiipasoope woowiiwelela malamulo ootheene ala kinoovahakani olelo weera nyuwosa mukhalase ni okumi, mwaandyeererane ni mwakuxase elapo Yave aaroromelinghaawe ni nlipelo makholowaanyu.

Yoxuwa 1:6

Mukhaleke ookhomaala ni oolipa murima, niwoko munoohoolela muloko ola weera mphwanye elapo kaaroromelinghaaka ni nlipelo makholowaanyu ovaha.

Yoxuwa 21:43

Hiiho Yave aahaavaha aYixrayeli elapo yootheene aaroromelinghaawe ni nlipelo makholowaaya ni awosa yaakuxasa, eniitekihasa.