Yeremiya 32:21 - Emakhuwa Bible

²¹ Mwaakhumiha mulokwaanyu wExipitu ni ineneero ni sootikhiniha, ni ntata noowera ni moono woowookowa, mutannyeraka woova otokotoko.

Yeremiya 32:21 Iomraidhean Croise

2 Samuweli 7:23

Mulokwaanyu aYixrayeli ti woohilikanxereyatho. Ti muloko mmoharu Muluku ooponlaawe weera okhale mulokwaawe. Hiiho Muluku aatatuxa Nsinanawe na epili. Aapaka sootikhiniha sitokotoko oomoloka miloko ni milukusaya ohoolo wa muloko ola ooponlaawe wExipitu.

1 Mamwene 8:42

ni niwoko noowiiwa sa Nsinananyu ntokotoko, soopakasanyu ni owerawanyu, yarwa ovekela Mpaanimwanyumu,

1 Nyaha 17:21

Khoowoworu muloko mukina onlikana ni mulokwaanyu aYixrayeli. Mulukwaaya aarowa wiixoopolela muloko eriyari ya miloko sootheene. Aahiipakela epili, apakaka sootikhiniha sitokotoko sootava murima, woowoomola miloko ohoolo wa muloko aatapunxaawe wExipitu.

Icipo 105:37

Aakhumiha muloko wa aYixrayeli okunxeene eparatha* ni eyuuma yoorikaxa yincipalexa ni khawoworu ahaakhalanne etthu variyari wa ipuumbasaya.

Icipo 105:43

Aakhumiha mulokwaawe ohakalalaka; oothanliwaawe waatteelaka murima.

Okhuma 13:14

Muhoolommo anamwaniinyu yookohani: ‘entaphulela eheeni yeela?,’ vano mwaaleele: ‘Yave onikhuminghe wExipitu, elapo ya okaporo ni ntata nooweraxa.

Okhuma 13:9

Eyo eniyookhaleleni eneneero mmatatanimwanyu ni yoowuupuwelela vayuuciwanyu, weera Nlamulo na Yave nikhale vayanoniwanyu, niwoko Yave ohookhumihani wExipitu ni ntatanawe nooweraxa.

Okhuma 3:20

Tivawo kineeraaka kookole moonowaaka ni nkaapakele awExipitu sootikhiniha sootheene eriyaraaya ni vahoolo wa yeeyo, owo onimootthuniherasani okhuma.

Okhuma 6:1

Yave aamweerela Moisesi: “Nyuwo mmoone yeeyo kineeraaka kimpakele Farawu*. Mwa Ntatanaka nooweraxa owo onootthunihera muloko orowa. Mwa Ntatanaka nooweraxa owo onimoomola muloko elapwaawe.”

Okhuma 6:6

Tivawo: Mwaaleele aYixrayeli: ‘Miyo ti Yave. Kinimootapuxani mwa miteko sooviha sa awExipitu. Miyo kinimootapuxani mpotthani ni kinoowoopolani ni moono woolipa ni miteko sitokotoko sa nthoriho.

Yesaya 63:12

ni ookonle moonowaawe woovuwaxa weera okhale moonowaawe mulopwana wa Moisesi, Yoole aakawanyinghe maahi ohoolowaya weera akwanihere epili yoohimala?

Deuteronomiyo 11:3

Nyuwosa mwaahoona ineneero ni sootheene sikina aampakenlaawe Farawu*, mwene a wExipitu ni elapwaaweene yootheene.

Deuteronomiyo 26:8

Tivawo Yave aanikhumihalaawe wExipitu ni ntata nooweraxa ni moono woolipaxa apakaka miteko soowoopihaxa ni ineneero sootikhiniheyaxa.

Deuteronomiyo 4:34

Khoowowo muluku mukina olakenle okhumiha muloko mmoha variyari wa mukina weera okhale wawawe ovarelaka muteko woota murima, ineneero sootikhiniheya, owana, ntata nooweraxa, moono woolipa ni miteko sitokotoko ni sooweraxa. Itthu sootheene iye oopakenlaaweni Yave Mulukwaanyu wExipitu, ntoko moonnaanyu ni maithwaanyu!

Deuteronomiyo 7:19

Mwaahoona ni maithwaanyu woota murima otokotoko, ineneero sootikhiniheya sitokotoko, ntata ni moono wooweraxa mwa yoowo Yave Mulukwaanyu ookhumihenraawenino. Yave Mulukwaanyu onoopakela mooteene yoowo miloko sootheene munoovaanyu.