Yeremiya 32:20 - Emakhuwa Bible

²⁰ Mwaapaka ineneero ni sootikhiniha wExipitu ni mumpwaherera opaka mpaka olelo okhuma oYixrayeli mpaka eriyari ya omutthu wootheene, ni moophwanela epili eri yawinyu mpaka olelo.

Yeremiya 32:20 Iomraidhean Croise

2 Samuweli 7:23

Mulokwaanyu aYixrayeli ti woohilikanxereyatho. Ti muloko mmoharu Muluku ooponlaawe weera okhale mulokwaawe. Hiiho Muluku aatatuxa Nsinanawe na epili. Aapaka sootikhiniha sitokotoko oomoloka miloko ni milukusaya ohoolo wa muloko ola ooponlaawe wExipitu.

1 Nyaha 17:21

Khoowoworu muloko mukina onlikana ni mulokwaanyu aYixrayeli. Mulukwaaya aarowa wiixoopolela muloko eriyari ya miloko sootheene. Aahiipakela epili, apakaka sootikhiniha sitokotoko sootava murima, woowoomola miloko ohoolo wa muloko aatapunxaawe wExipitu.

Nehemiya 9:10

Mwaampakela ineneero ni sootikhiniha Farawu*, asitokweenaawe ootheene ni atthu ootheene a elapwaawe, niwoko mwaasuwela moota yaahasulaaya mulokwaanyu. Mwaawina epili etokotoko empwaherera mpaka olelo va.

Nehemiya 9:11

Mwaakawanyiha ephareiya ohoolowaya weera elapuwe woowuumeene. Vaheera mwaahaavonyera anamattharattharaaya moowiixera, ntoko nluku mmaahini a niipili.

Icipo 135:9

Aarumihela ineneerosawe ni sootikhinihasawe variyariwanyu, wExipitu, wa Farawu* ni arumeiyaawe ootheene.

Okhuma 10:2

Kinoopaka seiyo weera nyuwo ngwere waathalihera anamwaniinyu ni axisulwiinyu moota kaatheiyaaka awExipitu ni moota kaapakenlaaka sootikhiniha. Hiiho mmwisuwele weera Miyo ti Yave.”

Okhuma 3:20

Tivawo kineeraaka kookole moonowaaka ni nkaapakele awExipitu sootikhiniha sootheene eriyaraaya ni vahoolo wa yeeyo, owo onimootthuniherasani okhuma.

Okhuma 7:3

Miyotho kinimuumiha murima wa Farawu* ni naari saandyeerereyaka ineneerosaka ni sootikhiniha wExipitu,

Okhuma 9:16

Mene Miyo koowuurelani mpaka vaanaanova keerelaka owooniherani ikurusaka ni weera Nsinanaka nilaleiwe mweelaponi yootheene.

Yesaya 63:12

ni ookonle moonowaawe woovuwaxa weera okhale moonowaawe mulopwana wa Moisesi, Yoole aakawanyinghe maahi ohoolowaya weera akwanihere epili yoohimala?

Yesaya 63:14

Ntoko imombe sinrowa omuhawalawani, awosa aavahiwa wiitthuuwa ni Munepa wa Yave. Ti hiiho Nyuwo mweettinghaanyu mulokwaanyu weera mwiipakele Nsina noovuwaxa.

Yeremiya 13:11

Vano mooteene yoowo laamba onlipihaawe eyuunu ya mutthu, hiihotho koolipiha oYuda ni oYixrayeli wootheene weera okivarexexe, ni weera okhale mulokwaaka wa epilaaka, ottottopelawaka ni nttittimihonaka,’ onghima Yave. ‘Wa soothesene awosa khayaakiiwale.’

Daniyeli 6:28

Hiiho Daniyeli saamweettela nnene moolamulani mwa Dareyexi ni mwa Siru, mParesi.

Daniyeli 9:15

Vano, Yave Mulukwaahu mukhumihale mulokwaanyu wExipitu ni Ntata Nooweraxa ni mwiipakenle Nsina nimpwaherera mpaka olelo, hiyo noottheka ni nookhalano nthowa.

Miteko 7:36

Owo aahaakhumiha weiwo, apakaka sootikhiniha ni ineneero wExipitu, mphareiyani yooxeera ni munikareni wa iyaakha miloko mixexe.

Deuteronomiyo 11:3

Nyuwosa mwaahoona ineneero ni sootheene sikina aampakenlaawe Farawu*, mwene a wExipitu ni elapwaaweene yootheene.

Deuteronomiyo 4:34

Khoowowo muluku mukina olakenle okhumiha muloko mmoha variyari wa mukina weera okhale wawawe ovarelaka muteko woota murima, ineneero sootikhiniheya, owana, ntata nooweraxa, moono woolipa ni miteko sitokotoko ni sooweraxa. Itthu sootheene iye oopakenlaaweni Yave Mulukwaanyu wExipitu, ntoko moonnaanyu ni maithwaanyu!

Deuteronomiyo 6:22

Yave aapaka vamaithoniwahu ineneero sootikhiniheya sitokotoko ni soowoopihaxa wExipitu, amuhooxaka Farawu* ni emusaawe yootheene.

Deuteronomiyo 7:19

Mwaahoona ni maithwaanyu woota murima otokotoko, ineneero sootikhiniheya sitokotoko, ntata ni moono wooweraxa mwa yoowo Yave Mulukwaanyu ookhumihenraawenino. Yave Mulukwaanyu onoopakela mooteene yoowo miloko sootheene munoovaanyu.