Yeremiya 31:7 - Emakhuwa Bible

⁷ Yave oneera ha: “Mwiipe ni ohakalala mwaha wa Yakobe; mukhuwele muntthapelaka mutokweene a miloko! Mulaleiye ni munttottopele, mweeraka: ‘Ii! Yave mvuluxe mulokwaanyu ohalahanle oYixrayeli.’

Yeremiya 31:7 Iomraidhean Croise

Icipo 106:47

Ii! Yave Mulukwaahu, munivuluxe ni munithukumanyihe variyari wa miloko weera nitthapele Nsinananyu Nootteela* nivuwihaka ngwoottottopelanimwanyu.

Icipo 126:2

Vano iyanosahu saasareya otheya ni malumaahu ni icipo sa ohakalala. Mpaka miloko sikina seera: “Yave oopakela itthu sootikiniheyaxa muloko ola.”

Icipo 14:7

Ii! Kinghaawela weera ovuluxiwa wa aYixrayeli orweele oSiyoni! Yave aarehereraka mulokwaawe, Yakobe ni Yixrayeli anoohakalalela!

Icipo 28:9

Moopole mulokwaanyu ni mureelihe yoohiyeraanyu; mukhaleke Mukukhulaaya ni muhoolele mahuku ootheene.

Icipo 67:1

Muluku animorele ikharari, anireelihe ni anaarihele ekhovaawe Sela*

Icipo 69:35

niwoko Yave onoovuluxa oSiyoni, onoorasela isidade sa oYuda. Vahoolowaya mulokwaawe onimwiitekihawo okuxaka elapo.

Yesaya 1:9

Yave a ikuru sootheene ahaawuurenle akina akina a hiyo, saano nipakeiyeene ntoko oSodoma ni oGomora.

Yesaya 11:11

Vanihukuni nenenenno Yave onimookolatho moono weera aahokoloxere oohalahala a mulokwaawe ahiiwe wAsiriya, wExipitu, oPatrosi, oKuxe, wElami, oBabiloniya, oHamati ni icirumba sa mphareiya.

Yesaya 37:31

Yaale ahanle a ekhapira ya Yuda eniiphuwele ntoko nyiri sinrakamelihaaya mikwankhwaarisaya ni iphandisaya siniima wusawusa.

Yesaya 37:4

Enoowereya weera Yave Mulukwaanyu ohiiwa masu ootheene a mutokweene a anamalaka, mwa yoowo pwiiyaawe, mwene a wAsiriya, aamurumihalaawe omutheya Muluku Mukumi. Yave Mulukwaanyu amuttaruxe niwoko na masu ale. Tivawo, mundyoonttelele Muluku wa hiyo nihanle ni okumi.”

Yesaya 44:23

Mwiipe ni ohakalala erimu, niwoko Yave opanke yeeyo; mukhuwelaxe, nyuwo moowiixera mwa elapo. Mpacereke wiipa nyaako, nyuwosa othakho ni nyirisanyu sootheene, niwoko Yave oomoopola Yakobe, Owo onoonihera ovuwawawe oYixrayeli.

Yesaya 52:8

Mwiiwe! Anamalipelelaanyu ankhuwela; awosa ankhuwela vamoha ni ohakalala. Yave aahokoleelaka oSiyoni, awosa anoomoona ni maithowaaya.

Yesaya 61:9

Ikhapirasaya sinoosuweliwa eriyari ya miloko ni anamwanaaya eriyari ya amalapo. Ootheene eniiwoone animwaakhulela weera awosa ti atthu ooreelihiwa ni Yave.

Yeremiya 20:13

Mmwiipele Yave! Munttottopele Yave! Owo onoopola okumi wa oohaawa mmatatani mwa atakhali.

Yeremiya 23:3

Miyo muneenaaka kinimwaathukumanyiha yaawo ahalahanle a muhuwaaka mweelaponi sootheene kiwoomolenlaakawo ni kinimwaahokoloxera yaacaayamo. Wu animunnuwa erelaneke.

Yeremiya 3:23

Vekhaikhai, naalapaahu miluku sikina vanttumaxani ti wiilokottha; vekhaikhai ovuluxiwa wa oYixrayeli ori mwa Yave Mulukwaahu.

Yeremiya 31:12

Awosa animoona ni animwiipa ni ohakalala vasulu oSiyoni; anoohakalalela sooreela sincipale eneeraaya evahiwe ni Yave: etrigu, eviinyu enyowani, makhura ooreera ni axaana a ikhondoolo ni a imombe. Anookhala ntoko nttimbe noohelelaxiwa, ni kheethananatho.

Icipo Soolalamika 1:1

Moota eheleiyaaya nthala esidade, khalayi yaari yoosareiya atthu! Moota enlikanaaya ni naamukhweli mwa yeeyo khalayi yaari etokotoko eriyari ya miloko! Khalayi yaari pwiyamwene variyari wa ilapo sootheene, vano yoothatuwa epottha.

Ezekiyeli 6:8

Vaheera akina kinoowuurela. Akina a nyuwo eniyoopowe ekatana mwaamwaraxeliwaka eriyari ya ilapo ni miloko.

Hoxeya 1:7

Wa soothesene, kinoopwattha ni osivela muloko wa oYuda; ni Miyo kinoovuluxa, ohikhanle mwa muura, ekatana hoye hoye mukhottoni, hata mwa ikavalu* ni anamweettihaaya, mene mwa Yave, Mulukwaaya.”

Yoweli 2:32

Ootheene eneera yiitthane Nsina na Yave eniivuluxiwe, niwoko vamwaako Siyoni ni oYerusaleemu onuukhale woopoliwa, ntoko Yave aaroromelinghaawe wa yaawo eniihale ni okumi ni wa yaawo aneeraawe awiitthane.”

Amosi 5:15

Muthanye yoonanara; musivele mpuha. Mukhalihe ekhaikhai munuulummwa milattu. Apaale Yave, Muluku a ikuru sootheene, anaamorele ikharari yaawo ahalahanle a Yoseefe.

Mikeyasi 2:12

“Ii! Yakobe, vekhaikhai kinimoothukumanyihasani ootheene nyuwo, aani, kinimwaathukumanyiha oohalahala a oYixrayeli. Miyo kinimwaathukumanyiha ntoko ikhondoolo sireene munikhoolani, aani ntoko muhuwo oreene muncihiwa; awosa animwaatta moota wooweera onookhala onyakuleleya wa nakupa owo.

Mikeyasi 7:18

Ii! Muluku, khawoworu muluku mukina ntoko Nyuwo, munttiwala soottheka ni ovaanya wa yaawo anghalahala a mmulokonimwanyu! Nyuwo khamunnyoonyiwa wa mahuku ootheene, mene munghakalalela woowoonihera murima wooreera.

Zefaniya 2:9

Tivawo kinlipelaaka mwa okumaaka,’ onghima Yave, a ikuru sootheene, Muluku a oYixrayeli, ‘weera oMowabe onoothatuwa ntoko oSodoma, ni wAmoni ntoko oGomora – nipuro noophipihana malaxi a ntuphini, ni ihime sa maakha, oheleya nthala woohimala. Anoohuhuliwa ni oohalahala a mulokwaaka; oohalahala a mulokwaaka, anookuxa elapwaaya ntoko yoohiyeriwa.

aRooma 11:5

Hiihotho, olelo anghala aYixrayeli vakhaani, oothanliwa ni mahala.

aRooma 9:27

Mprofeeti Yesayatho onghima mwaha wa aYixrayeli: “Naamwi aYixrayeli yaantteene ntoko ehaava ya mphareiya, eniivuluxiwe atthu vakhaani paahi,

Deuteronomiyo 28:13

Mwiiwa nnenesene malamulo a Yave Mulukwaanyu kinoovahaakani olelo ni mwatthara yaawo, nyuwosa munookhala muru wa miloko ohikhanle ekholo; munookhala vasulu ohikhanle vathi.

Deuteronomiyo 32:43

Ii! Miloko ni mulokwaaya, mmwiipele ni ohakalala, niwoko Owo onimwiinlela ikukuttula ephome ya arumeiyaawe. Onimwaatthuvela ni ikukuttula amwiittanaawe apakaka wiiraana wa elapwaawe ni mulokwaawe.”