Yeremiya 31:4 - Emakhuwa Bible

⁴ Miyo kinimootekatho, Ii! Mwaamwali oowiikosoopa oYixrayeli! Weyo onooraseliwa! Weyo onimwiiphwanelihatho ni miheya ni onookhuma wiinaka ni yaawo anghakalala.

Yeremiya 31:4 Iomraidhean Croise

2 Mamwene 19:21

Masu Yave omuulumenlaawe yoowo ti ala: ‘Mwaamwali oowiikosoopa oSiyoni ohooveihani ni ohootthebwani apukunyaka muru. Mwaana muthiyana a oYerusaleemu ompukunya muru nyuwo mutthawaka.

Icipo 149:3

Awosa ettottopele Nsinanawe yiinaka; emmwiipele icipo ni oruma wa ekoma ni makita.

Icipo 30:11

Wiinlawaka mootatuxa wiina; mookirula sa wiinanela, munakiwariha sa ohakalala.

Icipo 51:18

Niwoko na murimaanyu wooreera, mweettiherele nnene oSiyoni; murasele exiri ya oYerusaleemu.

Icipo 69:35

niwoko Yave onoovuluxa oSiyoni, onoorasela isidade sa oYuda. Vahoolowaya mulokwaawe onimwiitekihawo okuxaka elapo.

Yesaya 14:1

Yave onoomorela ikharari ekhapira ya Yakobe; onoothanlatho ekhapira ya Yixrayeli ni onootekiha mweelaponimwayaxa. Anamarwa anookhala ni yaawo epakelaka mpatta ekhapira ya Yakobe.

Yesaya 30:32

Omana wootheene Yave aneeraawe aphwanyihe wAsiriya ni ekopwaawe yoottaruxa onootthareleya murumani wa ecipo ya ikoma ni amakita, Owo awanaka ni nyoonosawe soowera.

Yesaya 37:22

Masu Yave omuulumenlaawe yoowo ti ala: Mwaamwali oowiikosoopa a oSiyoni ohooveihani ni ohootthebwani. Mwaana muthiyana a oYerusaleemu ompukunya muru nyuwo mutthawaka.

Yeremiya 1:10

Moone, olelo kohoovahani ikuru wa miloko ni omwene weera mwaakhe, mphwate, muhele nthala ni mukankhanyule, nitho weera muteke ni mphatteye.”

Yeremiya 14:17

“Mwaaleele ha: ‘Maithwaaka esareyeke maithori ohiyu ni othana woohihiyerera, niwoko mwanaka oowiikosoopa, mulokwaaka, oovulalaxa, oomaniwa moota woowoopiha.

Yeremiya 18:13

Tivawo Yave oneeraawe ha: “Mwakohakohe eriyari ya miloko: Ookhala otonke wiiwa itthu ntoko iya? Etthu yoowoopihaxa opankaawe mwali oowiikosoopa, Yixrayeli.

Yeremiya 24:6

Kinimwaapwattha, ni nkinaahokoloxera elapweene yeela. Miyo kinimwaatekiha, kihaaphwataka; Miyo kinimwaatikithera, kihaavenxaka.

Yeremiya 31:13

Vano aximwali animwiina ni ohakalala – mpakatho amiravo ni asitokweene. Olalamikawaya kinootatuxa otthapa; Miyo kinimwaavaha nipepeso ni ohakalala, ohikhanle othanana.

Yeremiya 31:21

“Muhele ikanyero ni mwiikaathi ineneero mmiseweni. Ngwehexexe ephiro mvinraanyu. Ii! Mwaamwali oowiikosoopa, muhokolowe. Ii! oYixrayeli! muhokoleele musidadenimwanyu.

Yeremiya 31:38

“Vano anoophiyera mahuku,” onghima Yave, “eneeraaya eraseliwe esidade ela wa Yave, okhuma etoore* ya Hananeli mpaka mulako wa oNloothoni.

Yeremiya 33:7

Kinooceendya oreereliwa wa oYuda ni oYixrayeli ni kinooreherera ntoko waaraaya khalayi.

Yeremiya 46:11

Murowe oGiliyade mwaase ebalsamu*; Ii! Mwaamwali oowiikosoopa, mwaana a wExipitu! Nyuwo munaasa wuukelawene mirette; khamunlama.

Icipo Soolalamika 1:15

Yave ohaamwaraxa anakhotto ootheene yaakikhavihera; ookirumihela anakhotto weera yaaphwate amiravowaaka. Yave oomunyikalela mwali oowiikosoopa wanaameliwa iwuuva*, eyo tiiyo esidade ya oYuda.

Icipo Soolalamika 2:13

Ii! Mwaana muthiyana a oYerusaleemu, kooleeleketho eheeni? Kheewowo enlikana ni yawawo! Ii! Mwali oowiikosoopa a oSiyoni! Moota heeni kineeraaka koopepese? Nikhwattanawo ti noowiixera ntoko ephareiya. Taani anoolamihe?

Amosi 5:2

“Mwaamwali oowiikosoopa oYixrayeli, oomora woohiweherera ovenyatho. Oothaamiwa mulaponimwawe ni khawoworu aneera amvenxe.”

Amosi 9:11

“Nihuku nno kinooreherera eheema ya Davide emonre. Kinooreherera yeeyo mipattasaya soonanara, ni kinoorasela milepesaya. Miyo kinimweemexa ntoko yaaraaya khalayi,

Luuka 15:23

Ngwiihe emombe exaana yooneneva ni mwiive. Nrowe nipake efesta ni nitthape.

Miteko 15:16

‘Vahoolowaya, nkihokolowe ni nkiteketho eheema ya Davide emonre. Nkiteketho milepesaya ni nkireherere,

Ahooleli 11:34

Yefeta aakhuvelaawe owaannyawe oMizepa, mwanawe muthiyana aakhumela vamulako aaciceeraka, iinaka oruma wa akarakaxa. Aari mwaana mmoharu. Yefeta khaarino mwaana mukina, hata mulopwana, naari muthiyana.