Yeremiya 31:16 - Emakhuwa Bible

¹⁶ Yave oneera ha: “Mmalihe wiinlawanyu ni maithoraanyu, niwoko ohaawawanyu munootthuveleliwa,” onghima Yave. “Awosa anoohokolowa mulaponi mwa amwiittana.

Yeremiya 31:16 Iomraidhean Croise

Epacerero 43:31

Asuusulakaru ni omukhurunuwaka murima, aahokolowa, aneera: “Niceeke.”

Epacerero 45:1

Emaareene yeele Yoseefe aahooceela ovilela. Aahaalamula yaale yaamvarela muteko: “Mukivenyerase.” Vano hiiho khaawo aahanle ni yoowo ehuhu Yoseefe iisuwelihaawe wa axunneiye.

2 Nyaha 15:7

Mene mukhale oolipa ni muhiporore, niwoko munootthuveleliwa mutekwaanyu.”

Icipo 126:5

Yaale anaala ni maithori, eniihephe ni wiipa wa ohakalala.

Icipo 30:5

Vano isarasawe simpwaherera vakhaani paahi, vaheera murimaawe wooreera ompwaherera wa mahuku ootheene. Wiinla onoowereya opwaherera moohiyuni, mene ohakalala onoophiya oxeexelo.

Namalaleiya 9:7

Tivawo, muce ni ohakalala yoocaanyu, ni ngwure eviinyuwaanyu mutteeliweene murima, niwoko Muluku oohakalalela yeeyo nyuwo mumpakaanyu.

Yesaya 25:8

Owo onoophwata khuluwi okhwa. Yave onlamula sootheene onimuukuttha maithori a ikhove sootheene; onoovenxa wuuliheya muru wa mulokwaawe mweelaponi yootheene. Ti Yave eenre.

Yesaya 30:19

Ii! Muloko wa oSiyoni ommaka oYerusaleemu, nyuwosa khamwiinlatho. Moota owo aneeraawe awoonihereni onnene nyuwosa mwaamukhuwelelaka ekhavihero! Owo iiwaru, onoowaakhulani.

Yesaya 40:10

Moone, Yave onlamula sootheene onrwa ni ikuru, Owo onlamula ni moonowaawe wa ikuruxa. Moone, ntthuvelonawe nri ni Yoowo, aani nri ni Yoowo.

Yeremiya 23:3

Miyo muneenaaka kinimwaathukumanyiha yaawo ahalahanle a muhuwaaka mweelaponi sootheene kiwoomolenlaakawo ni kinimwaahokoloxera yaacaayamo. Wu animunnuwa erelaneke.

Yeremiya 29:14

Miyo kinimwiihiya weera kiphwanyiwe ni nyuwo,” onghima Yave, “ni kinimoohokoloxani wootthukiwani. Miyo kinimoothukumanyihani mmilokoni moothemwene ni mmapuroni moothemwene koomwaraxenlaakani, ni kinimoohokoloxerani mmapuroni kootthukenlaakani,” onghima Yave.

Yeremiya 30:18

Yave oneera ha: ‘Kinooceendya oreereliwa wa iheema sa Yakobe ni kinoomorela ikharari mookhalamwawe. Esidade enooraseliwa mmathalanimwaya ni empa ya emwene vanipuroniwaya.

Yeremiya 30:3

Vekhaikhai anoophiyera mahuku,’ onghima Yave, ‘kineeraaka kiceendye oreereliwa wa mulokwaaka, aYixrayeli ni aYuda, ni kinimwaahokoloxera elapo kaavanghaaka makholowaaya, weera ekuxe,’ oneera Yave.”

Yeremiya 33:11

masu a otthapa ni a ohakalala, masu a namatthomera ni namatthomeriwa, ni masu a yaale anruuha soovaha sootthapela wa Empa ya Yave yeeraka: Muntthapele Yave a ikuru sootheene, niwoko Owo ti ooreera, osivelawawe woororomeleya khoommala. Vano Miyo kinooceendya oreereliwa wa elapo ela ntoko khalayi,’ onghima Yave.

Yeremiya 33:7

Kinooceendya oreereliwa wa oYuda ni oYixrayeli ni kinooreherera ntoko waaraaya khalayi.

Ezekiyeli 37:21

ni mwaaleelase weera Yave onlamula sootheene, oneera ha: Kinimwaakhumiha aYixrayeli mmilokoni arongwaayamo. Kinimwaathukumanyihasa mmapuroni moothemwene yaarukureenre, kaahokoloxereke mulaponimwaya.

Hoxeya 1:11

Muloko wa oYuda ni wa oYixrayeli onoothukumanyihiwa, ni awosa anoomukhaliha muhooleli mmoha ni sinooweettela nnene mulaponi, niwoko nihuku nno, nnookhala ntokotoko oYizereyeli.

1 aTesalonika 4:14

Naroromela weera Yeesu ohookhwa ni oovenyerera, ninoororomelatho weera Muluku onimwaaruuha vamoha ni Yeesu yaawo akhwiiye mwa Yoowo.

aHeberi 11:6

Nihikhanle nroromelo, khoongwereya omusiveliha Muluku, niwoko yoowo ommwaattamela Muluku, ontthuneya ororomela weera Owo ookhala ni weera onnaatthuvela yaawo ammwaasaasa.

aHeberi 6:10

Muluku khahiyono oohiroromeleya, Owo kharwa attiwala mitekosanyu, naari osivelawanyu mmoonihenraanyu, niwoko mohaakhavihera ootteela ni nlelo mumpwaherera waakhavihera yaawo.

Ruuti 2:12

Yave oolive niwoko na yeeyo opankaawo. Otthuvelaxiwe ni Yave, Muluku a aYixrayeli. Woothanla okosoopiwa ni Yoowo.”