Yeremiya 31:10 - Emakhuwa Bible

¹⁰ Ii! Miloko, mwiiwe masu a Yave, ni mulaleiye mucirumbani soorakamela: ‘Yoole aamwaranxe aYixrayeli onimwaathukumanyiha ni, onoowehaweha muhuwaawe ntoko mukukhuli.’

Yeremiya 31:10 Iomraidhean Croise

Epacerero 10:5

Mwa yaale aamwaramwareya atthu ootheene amanke mukerekhere ephareiya. Miloko iyo saakawanyeya mwa mahimwaaya, ni khula muloko waakhalano elapwaaya ni nuulumonaya.

Icipo 147:2

Yave onrasela oYerusaleemu; Owo onaathukumanyiha ooroihiwa wootthukiwani a oYixrayeli.

Icipo 23:1

Yave ti Mukukhulaaka – kheewo eniikihaleele.

Icipo 72:10

Mamwene a oTaresisi ni a iphareiya soorakamela anoomuruuhela soovaha ni hiihotho mapwiyamwene a oXeba ni a oSeba.

Masu a Miruku 27:23

Mwiilipihere weera musuwele nnenesene moota siraaya ikhondoolosanyu, ngwehawehaka nnenesene muhuwaanyu,

Yesaya 24:14

Awosa animwiipa ni ohakalala; okhuma ninkela nsuwa anlaleiya ovuwa wa Yave.

Yesaya 27:12

Nihuku nenenenno Yave onoottottattotta iphandisaya okhuma wEfrates mpaka nxaapwa na wExipitu, ni nyuwosa anamwane a Yixrayeli munoothukumanyihiwa mmoha mmoha.

Yesaya 40:1

Muluku oneera: “Mupepese, mupepese mulokwaaka.”

Yesaya 40:11

Owo onkosoopa muhuwaawe ntoko Mukukhuli; Owo onthukumanyiha iputtiputthi ni moonowaawe anaakanda. Owo onghoolela nnenesene ikhondoolo sinaamwiwa.

Yesaya 41:1

Nyuwosa icirumba, mmaaleke vamaithoniwaka! Miloko siphwanyetho ikurusaya! Seiyo sirweeke weera siixaakihe; nathukumaneke weera nuulume mulattu.

Yesaya 42:10

Mmwiipele Yave ecipo enyowani, ottottopeleyawawe okhuma ekotenle elapo nyuwosa muneetta mphareiya ni sootheene siri mwemmo, nyuwosa icirumba ni sootheene sinkhalamo.

Yesaya 42:4

Owo khoonihera okhulumuwa naari khaporora mpaka aneeraawe akhalihe ekhaikhai mweelaponi. Icirumba sinoororomela munlamulonimwawe.”

Yesaya 48:20

Mukhume oBabiloniya, mwaatthawe aBabiloniya! Mwahime yeeyo ni ohakalala ni mwalaleiye. Mwarumihele mutthenga ola ekotenle elapo, mweeraka: “Yave oomoopola murumeiyaawe Yakobe.”

Yesaya 54:7

“Miyo kohoohiyani wa ehuhu vakhaani, mene kinimoohokoleelani ni ikharari sitokotoko.

Yesaya 60:9

Vekhaikhai, icirumba sinkiweherera Miyo; oopacera ti makula matokotoko a oTaresesi yaaruuhaka anamwaniinyu okhuma ottaiwene, ekunxeene eparatha* ni eyuuma yoorikaxa wa nttittimiho na Yave Mulukwaanyu, Ootteela a oYixrayeli niwoko Owo ohiiwariha waara.

Yesaya 66:19

Miyo kinookhaliha eneneero variyariwaya ni kinimwaarumihela akina akina ahalahanle wa miloko – wa oTaresisi, wa aLibiya, wa aLidiya (oosuwanyeyaxa ntoko alipa oolatha nyuupa), wa oTubali, wa oGresiya, ni wa icirumba sa ottaiwene, mwa seiyo sihiiwale sa epilaaka hata sihoonne ovuwawaka. Awosa anoolaleiya ovuwawaka variyari wa miloko.

Yeremiya 23:4

“Kinimwaakhalihera akukhuli eneera yaakosoope ni awosa khayoovatho naari kheetteenguwa ni khaawo anaahaleele,” onghima Yave.

Yeremiya 25:22

Mamwene a oTiro ni oZidoni; mamwene a mucirumbani ni a ilapo sa okhopela ephareiya;

Yeremiya 3:15

Vano kinimoovahani ahooleli ansivela otthunawaka, mwa yaawo eneera yoohooleleni mmirukuni ni ngwiiwexexani.

Yeremiya 50:17

Yixrayeli muhuwo woomwaraxiwa, woomoliwe ni amwatto. Opacenre omunyaanya aari mwene a wAsiriya; oomalihera opwexakasa makhuvaaya aari Nebukadenezari, mwene a oBabiloniya.”

Yeremiya 50:19

Vaheera kinoomuhokoloxera Yixrayeli moocamwawe ni anaace mmanyaakoni sa oKaremelu ni oBaxani; onoomaliha ovoliwawawe etala mmattumuxani a wEfrayimi ni oGiliyade.

Ezekiyeli 11:16

Vanonto mweere: ‘Yave onlamula sootheene oneera ha: Kaaroowoomolelaru ilapo soorakamelaxa eriyari ya miloko kaamwaraxelaka eriyari ya ilapo, mweehuhuni yeele kaakhala ntoko nipuronaya nootteela yakhalaru elapo yaarowaaya.’

Ezekiyeli 20:34

Kinimooruuhasani eriyari ya miloko koothukumanyihekeni eriyari ya ilapo mwa weiwo nyuwosa mmwaraxeliwaanyuwo ni ntata nooweraxa ni moono wootheteiwa ni isara sooyeehiwa.

Ezekiyeli 34:12

Miyotho kinookosoopa ikhondoolosaka ntoko mukukhuli onaasaasaawe ikhondoolo sooriheya akosoopaka muhuwo. Vanihukuni na mahutte ni epiphi Miyo kinimoopola mmapuroni moothemwene simwareenlaayamo.

Ezekiyeli 37:24

Murumeiyaaka Davide, anaakhale mwenaaya, ni ootheene awo eniikhaleno mukukhuli mmoharu. Eniyeettele malamulowaaka, yiipasoopaka wiiwelela ikanosaka.

Ezekiyeli 5:10

Tivawo, eriyaraanyu, eniyeereye weera asitiithi eniyaakhuure anamwanaaya ni anamwane eniyaakhuure asitithaya. Kinimoottaruxani kaamwaraxeleke mipatta sootheene sa mpheyoni yaawo eniyaahalele.

Ezekiyeli 5:2

Emanleene mahuku a oriciwa wa esidade, muhisere mmooroni mpatta wanaararu wa mayihi musidadeni mmo. Mukuxe mpatta wanaararu ni muthikile ni ekatana muxerexere wa esidade yootheene. Mpatta wanaararu mukinoowo, mmwaraxele mpheyoni. Vano Miyo kinimwaattharelela ni ekatana yoohululiwa munluwoni.

Daniyeli 11:18

Vano owo onoorowa mpatta wa ilapo sa ephareiya akuxaka sincipale sa seiyo, mene mutokweene mmoha a anakhotto onoomaliha wiixoonawawe mwene owo ni wiixoona iwo onoomuhonona.

Levitiku 26:33

Kinimoomwaraxelani variyari wa miloko ni kinimootheteelani ekatanaaka. Elapwaanyu enoothaamiwa ni isidadesanyu sinookhala ittuxoru.

Mikeyasi 2:12

“Ii! Yakobe, vekhaikhai kinimoothukumanyihasani ootheene nyuwo, aani, kinimwaathukumanyiha oohalahala a oYixrayeli. Miyo kinimwaathukumanyiha ntoko ikhondoolo sireene munikhoolani, aani ntoko muhuwo oreene muncihiwa; awosa animwaatta moota wooweera onookhala onyakuleleya wa nakupa owo.

Mikeyasi 4:6

“Nihuku nno,” Onghima Yave, “kinimwaathukumanyiha ooheetta; yaawo atthukeliwe elapo ekina, ni yaale Miyo kaathananinghaaka.

Mikeyasi 5:4

Owo onimweemela ni onookukhula muhuwaawe mukuruni sa Yave, mootokweeneni wa Nsina na Yave, Mulukwaawe. Hiiho awosa anookhala oolipeene niwoko wunnuwawawe onoophiyera elapo yootheene.

Zefaniya 2:11

Yave onookhala oowoopihaaya aaphwataka miluku sootheene sa mulaponi. Miloko sa elapo yootheene sinoomulapa, khula mutthu mulaponimwawe.

Zefaniya 3:19

Ehuhuweene yeeyo, kinimwaapakela kintthunaaka yaawo yoohasunleni; kinoowoopola ooheetta, kaathukumanyiheke yaawo amwareiye. Kinoopakiha weera etthapeliwe ni ettittimihiwe mulaponi moothemwene yuulihihiwaayamo muru.

Zakariya 10:8

Kinoowuuvela ntata, kaathukumanyeke. Vekhaikhai kinoowoopola ni anookhala oowaattaxa ntoko yaaraaya khalayi.

Zakariya 2:6

Ngweeke, ngweeke, mutthawe mweelaponi ya ottuttuwani,” onghima Yave, “niwoko kohoomwaraxelani mipatta mixexe sa mulaponi, onghima Yave.

Zakariya 9:16

Yave Mulukwaaya onimwaavuluxa vanihukuni nenenenno ntoko Mukukhuli omvuluxaawe ikhondoolosawe. Awosa animwaara mweelaponimwawe ntoko maluku oowaaraxa mucireembani.

Luuka 12:32

Muhoove, muhuwo mukhaaneene, niwoko waahaasiveliha Atiithi woovahani omwene.

Yohaane 10:27

Ikhondoolosaka sinniiwa nsunaka; Miyo koosuwela iyo ni iyo sinnikitthara.

Yohaane 11:52

Ohikhanle paahi wa muloko wa aYuda, menetho wa anamwane a Muluku amwaramwareiye weera aathukumanyihe mmulokoni mmoha.

Deuteronomiyo 30:4

Yave Mulukwaanyu onimoothukumanyihaniwo weera muhokolowe, mwaarooronghiwaru ommaleloni wa elapo.

Deuteronomiyo 32:26

Koheera weera kintthuna waaphwata kicipihaka wuupuweleliwawaya mulaponi,