Yeremiya 30:21 - Emakhuwa Bible

²¹ Muhoolelaaya anaakhale mmoha a eriyaraaya; namalamula anaakhumelele eriyaraaya. Miyo kinoomuruuha vakhiviru ni owo onookaattamela; vano taani eera iileve akaattamelaka Miyo?’ onkoha Yave.

Yeremiya 30:21 Iomraidhean Croise

Epacerero 18:27

Vano Abrahaamu aapwaherera wuuluma: “Koosuwela weera kootaphuwa woowuuluma ni Adonai, kiroohipwaharu etthaya ni ettuura.

Epacerero 18:30

Vano Abrahaamu aapwaherera: “Adonai, muhinyoonyiwe, mene mukitthunihere wuulumatho. Ankha mwaaphwanya atthu miloko miraru paahi?” Owo aamwaakhula: “Kaaphwanya atthu miloko miraru, nkinrowa ophwata.”

Epacerero 18:32

Vano Abrahaamu aaheera: “Muhinyoonyiwe, Adonai, mene mukitthunihere wuuluma emaara emoha paahi. Ankha mwaaphwanya paahi muloko?” Owo amwaakhula: “Niwoko na waasivela atthu muloko, nkinrowa ophwata.”

Epacerero 49:10

Ekopo kheerwa ekuxiwa wa Yuda, aani ekopo yoolamula eniikhale eriyari ya nyettosawe mpaka aneeraawe arwe yoowo ori muneene a ekopweene yeeyo. Ni miloko nsimwiiwelele yoowo.

2 Samuweli 7:13

Ti yoowo anaakitekele Empa attittimiherelaka Nsinanaka ni kinoolipiha ehice ya omwenaawe wa mahuku ootheene.

Ezera 2:2

Yaahokolongwe ehooliwaka ni Zerubabeli, Yexuwa, Nehemiya, Seraya, Rehelaya, Mordekai, Bilexani, Misepari, Bigevai, Rehumi ni Bahana. Masina a aYixrayeli ale ti ala:

Nehemiya 7:2

Kaamukhaliha munnaka Hanani ntoko namalamula a oYerusaleemu vamoha ni Hananiya, mutokweene a esidade yoolipaxa, niwoko aari mulopwana oororomeleya, amoovaka Muluku waapwaha atthu ancipale akinaawo.

Icipo 65:4

Ooreelihiwa yaale Nyuwo mwaathanlalaanyu, mwiiruuhelaka weera ekhale mmapuwanimwanyu. Hiyo noosareya mareeliho a vaatewanyu ni a Empaanyu Yootteela.

Icipo 89:29

Kinookhaliha ekhapiraawe wa mahuku ootheene ni ehicaawe ya emwene enoopwaherera mpaka khalayi.

Okhuma 3:5

Muluku aamweerela: “Muhaattameletho! Murule ikwakwaattasanyu, niwoko nipuro mweemenlaanyu ti nootteela.”

Yesaya 63:1

Taani ole onrweela wEdomi, oBozera, soowarasawe sittikittheliweene yooxeera? Taani ole owanre mukaandyo woovuwaxa, aanulaka malipa mukurunimwawe sitokotoko? “Ti Yoomi kinuuluma mweekhaikhaiyini, oowera ovuluxa.”

Yeremiya 30:9

Anoomurumeela Yave, Mulukwaaya, ni Davide, mwenaaya, kineeraaka kaavahe.

Yeremiya 33:15

Mmahukuni awo ni mweehuhuni eyo kinoophuwihatho Ephandi Yoororomeleya ya ekhapira ya Davide; Owo onoopaka yeeyo eri yoororomeleya ni yooreera mulaponi.

Yeremiya 49:19

Ntoko mwatto omvolowa ntuphini na Yordanu arowoka moocaani moosareya malaxi, wootutuxereya Miyo kinoomulupattha Edomi kimoomolaka mulaponimwawe. Oothanliwa heeni kineeraaka kimurume yeeyo? Taani ori ntoko Miyo anaawere okipakela mpikisaano? Ni mukukhuli heeni anaawere okiwanano?”

Yeremiya 50:44

Miyo kinoolupattha oBabiloniya wootutuxereya ntoko mwatto onkhuma mutuphini na oYordanu arowaka omunyepuni wooreerela, iirakamelihaka elapwaawe. Oothanliwa heeni kineeraaka kimurume yeeyo? Taani onlikana ni Miyo ongwera okipakela mpikisaano? Khawowo mukukhuli anaawere okiwanano.”

Ezekiyeli 37:24

Murumeiyaaka Davide, anaakhale mwenaaya, ni ootheene awo eniikhaleno mukukhuli mmoharu. Eniyeettele malamulowaaka, yiipasoopaka wiiwelela ikanosaka.

Hoxeya 1:11

Muloko wa oYuda ni wa oYixrayeli onoothukumanyihiwa, ni awosa anoomukhaliha muhooleli mmoha ni sinooweettela nnene mulaponi, niwoko nihuku nno, nnookhala ntokotoko oYizereyeli.

Nuumeru 16:40

ntoko Yave aalamulenlaawe mwa Moisesi. Eyo yaapakiwe ntoko eyuupuxero wa aYixrayeli weera ahikhaleru anaahise erubani* ohoolo wa Yave ahikhanle a ekhapira ya Aharoni. Ovirikanawaya onoothatuwa ntoko Kora ni anamattharaawe.

Nuumeru 16:5

Vahoolowaya aamweerela Kora ni anamattharaawe: “Oxeexelo Yave onoomoonihera yoowo ori awawe ni onimwiikhuveelihera yoole ori ootteela. Mulopwana Muluku aneeraawe amuthanle, onimwiikhuveelihera.

Matheyo 2:2

yaakoha: “Ori woowi Mwaana mukhaani oyariwe mwene a aYuda? Naahoona ethenyeeriyaawe ninkhuma nsuwa, ni naarweenle omuttittimiha.”

Matheyo 27:37

Vasulu wa muruwaawe yaahiikaathi yoolempwa yoomoothera yoole yeeraka: ‘Ola ti Yeesu, Mwene a aYuda.’

Matheyo 3:17

Vano nsu nimoha wiirimu naaheera: “Ola Mwanaka oosiveleyaxa mwa Yoowo kinnahakala.”

Luuka 24:26

Khawaatthuneya weera Kristu ahaawe itthusene seiyo ni avolowe moovuwanimwawe?”

Miteko 5:31

Muluku aamvuwiha, amwiikaathiki moonowaawe mulopwana ntoko Mutokweene ni Mvuluxa, weera aavahe aYixrayeli orukunxa murima ni elevelelo ya soottheka.

aRooma 8:34

Taani anaathorihe? Aari Kristu Yeesu okhwiiye. Wootepaxa, Owo oovenyerera ni ori moono mulopwana wa Muluku anivekelelakatho hiyo.

Deuteronomiyo 17:15

mwiipasoope woomvara mwene aneeraawe amuthanle Yave Mulukwaanyu. Muhimvare omwene namarwa ahikhanle muYixrayeli – owo akhaleke a eriyari ya axunneiye aYixrayeli.

Deuteronomiyo 18:18

Kinimwaavahasa mprofeeti ntoko nyuwo variyari wa axunnaya kihelaka maswaaka mmwaanomwawe ni owo onimwaathalihera sootheene kineeraaka kimulamulele.

Deuteronomiyo 33:5

Owo aari Mwene a oYexuruni yaathukumannaaya mapwattapwattha a muloko vamoha ni ipuumba sa aYixrayeli.

aHeberi 1:3

Mwaana ori otutha wa ovuwa wa Muluku, ni ethoonyeroweene yeeyo ya mukhalelo wa Muluku, akhalihaka sootheene ni ikuru sa nsunawe. Aakwanihenraawe otteelihiwa wa yoottheka, aakilaathi moono mulopwana wa ovuwa wa musulusulu.

1 Yohaane 2:2

Owo onooponle weera sootthekasahu sikhale sooleveleliwa, ni khasihiyono paahi sootthekasahu, menetho soottheka sa elapo ya vathi yootheene.

Ethupululo 19:16

Mmukaandyonimwawe ni vatakhwiniwawe noolempwa nsina nna: MWENE A MAMWENE NI APWIYA A ASIPWIIYA.