Yeremiya 30:19 - Emakhuwa Bible

¹⁹ Mwa yaawosa sinimoorwa icipo sootthapela ni oruma wa ohakalala. Miyo kinoowaattiha ni awosa kheevukuwa; Miyo kinimwaattittimiherela ni awosa kheenyoosiwa.

Yeremiya 30:19 Iomraidhean Croise

Ezera 6:22

Yaapaka efesta ya epaawu yoohikhalano eferementu mmahukuni mathannameeli niwoko Yave aahaasariha ohakalala wooceendya murima wa mwene a wAsiriya moota wooweera mwene ole aahaakhavihera yaawo ni otekiwa wa Empa ya Muluku, Muluku a aYixrayeli.

Nehemiya 8:12

Atthu ootheene yaattimula weera yace ni yawure, yaameelaka yaawo yahaareherenre etthu. Yaapaka efesta ehakalalaxaka, niwoko vano yaahiiwexexa masu yaathaliheriwaaya.

Nehemiya 8:17

Ootheene yaahokolongwe woovariwani yaatekasa mikottha, enakhalamo. Okhuma mahuku a Yoxuwa, mwaana a Nuni, mpaka nihuku nenenenne aYixrayeli khaanapake efesta moota ole. Vano yaahakalalaxa.

Icipo 53:6

Ii! Weera ovuluxiwa wa oYixrayeli orweele oSiyoni! Muluku aarehereraka mulokwaawe, vano Yakobe ni Yixrayeli anoohakalalaxa!

Yesaya 12:1

Vanihukuni nenenenno nyuwo munimweera: “Kinoottottopelani Nyuwo. Vano mwaakinyoonyeriwa, vaheera onyoonyiwawanyu woomala ni mookipepesa.

Yesaya 26:15

Ii! Yave, Nyuwo mohaattiha mulokwaahu; aani moohaattiha mulokwaahu. Nyuwo moowina ovuwaxa; mootanuxa nyiinano sootheene sa elapwaahu.

Yesaya 27:6

Mmahukuni a muhoolo, Yakobe onookhala ni mikwankhwaari ni oYixrayeli onoottuva ithutu, osarihaka elapo yootheene ni soowiima.

Yesaya 35:10

ni oowoopoliwa ni Yave anoohokolowa. Awosa anoovolowa oSiyoni yiipaka ni ohakalala. Ti ohakalala woohimala onuukhale icireembasaya. Ohakalala ni murima wootteela onimwaaphwanya ni murima wooriipa ni ohihimera onootthawa.

Yesaya 51:11

Oowoopoliwa a Yave anoohokolowa. Anoovolowa oSiyoni ni wiipa; ohakalala woohimala onookhala icireembasaya. Ohakalalaxa onimwaaphwanya ni ohitteela ni ohihimera onimwaatthawa.

Yesaya 51:3

Vekhaikhai Yave onoopepesa oSiyoni ni onoomorela ikharari mathalaaya ootheene; Owo onootatuxa nikarenaya ntoko wEdeni, elapwaaya yoowuumaxa ntoko nttimbe na Yave. Ohakalalaxa onoophwanyiwa oSiyoni, otthapela ni oruma wa wiipa.

Yesaya 52:9

Mpacere wiipa vamoha ni ohakalala, nyuwosa milepe sa oYerusaleemu, niwoko Yave oopepesa mulokwaawe, Owo ohoopola oYerusaleemu.

Yesaya 55:5

Vekhaikhai munimwiitthana miloko muhisuwenlaanyu ni miloko sihoosuwenleni sinoowaattamelani nyuwo niwoko na Yave Mulukwaanyu, Ootteela a oYixrayeli eenre Owo oovahakaani waara.”

Yesaya 60:19

Nsuwa khanikhalatho waarawanyu wa othana naari mweeri moohiyuni, niwoko Yave onookhala waarawanyu woohimala ni Mulukwaanyu onookhala ovuwawanyu.

Yesaya 60:22

Emusi eri vakhaani enoothatuwa macira muloko ni ooyevaxa a nyuwo muloko wooweraxa. Miyo ti Yave, mweehuhuni yootthuneyaxa kinoopaka yeeyo woowaakuveya.”

Yesaya 60:9

Vekhaikhai, icirumba sinkiweherera Miyo; oopacera ti makula matokotoko a oTaresesi yaaruuhaka anamwaniinyu okhuma ottaiwene, ekunxeene eparatha* ni eyuuma yoorikaxa wa nttittimiho na Yave Mulukwaanyu, Ootteela a oYixrayeli niwoko Owo ohiiwariha waara.

Yeremiya 17:26

Atthu animoowa erweelaka mmittettheni sa oYuda ni sirukureenre oYerusaleemu, mweelaponi ya oBenyamini, ilapo sa vathi wa nyaako, elapo ya oNegeba, eruuhaka Mpaani mwa Yave sooveleela soohisa ni sooveleela sa etrigu, erubani* ni sootthapela.

Yeremiya 3:16

Mmahukuni awo, waattawanyu waandyeerereyaka vancipale mweelaponi,” onghima Yave. “Asilopwana kheerwatho yeera: ‘Arka* a wiiraana a Yave.’” Kheekhala mmuupuwelonimwaya hata kheewuupuwelelatho; atthu kheewaasaasa Arka* awo hata kheerwa epakiwa akina.

Yeremiya 31:27

“Anoophiyera mahuku,” onghima Yave, “kineeraaka kaale mmulokoni mwa oYixrayeli ni mwa oYuda ikhapira sa atthu ni sa axinama.

Yeremiya 31:4

Miyo kinimootekatho, Ii! Mwaamwali oowiikosoopa oYixrayeli! Weyo onooraseliwa! Weyo onimwiiphwanelihatho ni miheya ni onookhuma wiinaka ni yaawo anghakalala.

Yeremiya 33:22

Ekhapira ya murumeiyaaka Davide ni aLeevi anrumeela ohoolowaka kinimwaattiha ntoko ithenyeeri sa wiirimu ni oohaalikeleya ntoko ihaava sa muxerexere ephareiya.’”

Ezekiyeli 36:37

Yave onlamula sootheene oneera ha: Kinimwaakhulelatho wiidyoonttelela wa muloko wa oYixrayeli, kipakelaka ha: Kinootatuxa mulokwaaya woowaattaxa ntoko ikhondoolo,

Ezekiyeli 37:10

Kaathalihera otthuna wa Muluku ntoko Owo okilamulenlaawe, ni iphumu saavolowa mwa yaawo; awo yaahaakhela okumi, eneemela. Vano yaari anakhotto ancipale.

Ezekiyeli 37:26

Kinookhaliha wiiraana wa murettele ni yaawosa; onuukhale wiiraana woohimala. Miyo kinimwaalipiha, kiwaandyeerereke, ni kinimwiikaathi eriyaraayasa Nipuronaka Nootteela*.

Zakariya 10:8

Kinoowuuvela ntata, kaathukumanyeke. Vekhaikhai kinoowoopola ni anookhala oowaattaxa ntoko yaaraaya khalayi.

Zakariya 12:8

Vanihukuni nenenenno Yave onimwaakosoopa amaki a oYerusaleemu, moota wooweera oohilipaxa variyariwaya anaakhale ntoko Davide, ni ekhapira ya Davide eniikhale ntoko Muluku, ntoko ndyelo a Yave onaahoolela.

Zakariya 2:4

anamweerela: “Mutthimake ni mwamuleele mmiravo ole: ‘oYerusaleemu eniikhale esidade yoohikhalano ixiri niwoko na waatta wa atthu ni mihuwo.

Zakariya 8:19

Yave a ikuru sootheene oneera ha: ‘Otthuka wa mweeri wanaaxexe, wanaathanu, wanaathannamiili ni wanaamuloko onoothatuwa ihuhu soohakalalaxa ni ifesta soosareya ohakalala wa oYuda. Tivawo, musivele ekhaikhai ni murettele.’

Yohaane 17:22

Kohaavaha ovuwa mwaakivanghaanyu weera awo ekhale mmoha ntoko Hiyo nraahu mmoha:

1 Pedru 1:7

weera noonihereye nroromelonanyu nri na ekhaikhai. Mpaka eyuuma yoorikaxa engwereya ophwateya enimweereriwa ni mooro. Ontthuneya weera mpaka nroromelonanyu, nri nootthuneyaxa noopwaha eyuuma yoorikaxa, neereriwe mpaka ottottopela, ovuwa ni nttittimiho Yeesu Kristu ooniheriwaka.