Yeremiya 30:16 - Emakhuwa Bible

¹⁶ Vaheera ootheene anoonyaanyani anoonyaanyiwa; amwiittanaanyu ootheene anooronghiwa wootthukiwani. Ootheene anohuhulani, anoohuhuliwa; ni kinimwaahooxa ootheene anoohooxani.

Yeremiya 30:16 Iomraidhean Croise

Icipo 129:5

Ootheene anthanya oSiyoni ehokolowe ngwuulihiheyani muru.

Okhuma 23:22

Mwiiwelela nnenesene yeeyo aneeraawe ahime ni mwapaka sootheene kinoolamulelaakani, nkikhale mwiittana a amwiittanaanyu ni ngwanani a awananaanyu.

Masu a Miruku 22:23

niwoko Yave onookhala Namwaakihaaya, ni onimwaahuhula yaawo eneera yaahuhule.

Yesaya 14:2

Miloko sinoophwanya yoowo siroiheke mmapuronimwayaxa. Ekhapira ya Yixrayeli enoolamula miloko ntoko ipottha ilopwana ni ithiyana mweelaponi mwa Yave. Awosa animwaakhaliha anamatthukiwa anamavaraaya ni animwaalamula anamahasulaaya.

Yesaya 33:1

Ii! Wa nyuwo, namaphwata, nyuwo muhaakumve ophwatiwa. Ii! Wa nyuwo namavariha, nyuwo muhaakumve ovarihiwa! Nyuwo mwaamalihaka ophwata, munoophwatiwa; mwaamalihaka ovariha, munoovarihiwa.

Yesaya 54:15

Akina yoowananani, khookhala mutekwaaka. Yaawo anoowananani, munimwaawina.

Yesaya 54:17

Khawoworu kapwitthi mpakeliwaanyu woonanarihani anaaweereeni etthu ni nyuwo munoomuvaanya khula anawoothereni. Eyo ti yoohiyeriwa wa arumeiyi a Yave, ni wu ti waakiha kimpakelaaka mwaha wa yaawo,” onghima Yave.

Yeremiya 10:25

Muyeehere isarasanyu miloko sihoosuwenleni Nyuwo; miloko sihiniitthana Nsinananyu. Niwoko iyo soomphwata soommira Yakobe woomalela ni soophwata elapwaawe.

Yeremiya 12:14

Yave oneera ha mwaha wa amwaattamanaaka ootheene, miloko sootakhala sinaakamela yoohiyeriwa kaavanghaaka aYixrayeli mulokwaaka: “Kinoowaakha mweelaponimwaya ni kinoovenxa oYuda eriyaraaya.

Yeremiya 2:3

Mulokwaaka aYixrayeli, waari wootteeliheriwa Yave, soowiima soopacera sa ohephawawe; ootheene yaanyaanya muloko owo yooneliwa okhala ananthowa, ni erisa yaahaaphwanya,’ ” onghima Yave.

Yeremiya 25:12

Vaheera sikwanenleene iyaakha miloko mithannamiili, kinoomuttaruxa mwene a oBabiloniya ni mulokwaawe, elapo ya oBabiloniya, niwoko na nthowanaya,” onghima Yave, “ni kinoohiya yoophwateyeene wa mahuku ootheene.

Yeremiya 30:15

Munkhuwelela heeni mwaha wa ovulalawanyu, wa nikhwattananyu noohivola? Koopakenleni itthusene seiya niwoko sootakhalasanyu ti sitokotoko ni sootthekasanyu khasinaalikeleya.

Yeremiya 50:28

Ngwiiwe anamatthawa ni yaale atthangwe ekhumaka oBabiloniya, elaleiyaka oSiyoni moota Yave, Mulukwaahu, iinlenlaawe ikukuttula, aani iinlenlaawe Empaawe.

Yeremiya 8:16

Otturuma wa ikavalu* sa amwiittana onimwiiwanyeya okhuma oDani; woowiiwa oruma wa mikhittosaya elapo yootheene enootetereya. Awosa yaarweenle onyaanya elapo ela ni sootheene siri mwemmo, esidade ela ni amakaaya.”

Icipo Soolalamika 1:21

Olalamikawaka wohiiwanyeya, mene khawoworu onkipembesa. Amwiittanaaka ootheene aasuwela othananawaka; awosa anghakalalela yeeyo mpankaanyu. Ii! Nyuwo fataari muruuhe nihuku mulaleiyaanyu weera awosa ethatuweke ntoko miyo!

Icipo Soolalamika 1:22

Yootakhalaayasa esuweliwe ohoolowanyu; mwaapakelase yaawo yeeyo mukipakenlaanyu niwoko na sootthekasaka sootheene. Wiipulelawaka wootepaxa ni murimaaka onnakomoka.”

Ezekiyeli 29:6

Hiiho ootheene anoosuwela weera Miyo ti Yave. Nyuwo ti ekopo yoopakiwa ni ettheere wa muloko wa oYixrayeli.

Ezekiyeli 35:5

Mweenre nyuwo mwavarexexaka wiittana wa khalayi, munawinnyerera aYixrayeli mukatanani mweehuhuni naaphiyalaaya nttaruxonaya, mweehuhuni ya ehasaraaya,

Yoweli 3:8

Kinimwaathumihera anamwaniinyu asilopwana ni asithiyana amaki a oYuda ni awosa eniyaathumihere aSabeyani ankhala ottaiwene.” Ti Yave eenre.

Mikeyasi 4:11

Vaheera vano, miloko sincipale sohoothukumanelasani. Iyo sineera: “oYerusaleemu ohiirihiwe. Hiyo nooneke ophwatiwa wa oSiyoni.”

Mikeyasi 7:10

Vano mwiittanaaka anoone yeeyo uulihiheyaxeke muru, yoole aakeerenle: “Ori woowi Yave, Mulukwaanyu?” Maithwaaka animoona omorawawe; owo onoonyikalasiwa ntoko nttoko na munseweni.

Nahumi 1:8

Vaheera onoomaliha oNinive ni mirupi; onoowoomolela amwiittanaawe mpiphini.

Habakuki 2:16

Munoosareya wuuliwa muru ohikhanle ovuwa. Vano, ti emaaraanyu! Ngwureke ni mwiixoonihere etiriyaanyu. Ekoomixi ya ntata noolopwana na Yave mumvahiwa nyuwo ni ovuwawanyu onoosareya wuuliwa muru.

Zefaniya 2:8

Kohiiwa oruwana wa aMowabe ni oveiha wa awAmoni, mwa yaawo aruwanne mulokwaaka, enawoopopiherela elapwaaya.

Zakariya 1:14

Vano ndyelo uuluma ni miyo aakeerela: “Mulaleiye masu ala: Yave a ikuru sootheene oneera ha: ‘Koosareya ihace ni oYerusaleemu ni oZiyoni,

Zakariya 1:15

mene koonyoonyeriwa miloko siniixoona okhala soolipasene. Kaanyoonyeriwa vakhaani paahi, mene iyo saahaandyeerera erisa.’

Zakariya 12:2

“Kinoopaka oYerusaleemu ekoomixi eneera eveveleihe miloko sa mukhwipimwaya. oYuda onooriciwa ni hiihotho oYerusaleemu.

Zakariya 14:2

Kinoothukumanyiha miloko sootheene weera siwaneno oYerusaleemu; esidade enookuxiwa, impasaya sinoohuhuliwa ni asithiyana anoopuheriwa. Eriyari ya amaki a esidade anooronghiwa ottai ootthukiweene, mene akinaawo kheeronghiwa.

Zakariya 2:12

Yave onookuxa oYuda ntoko yoohiyeraawe mweelaponi yootteela, ni onoothanlatho oYerusaleemu.

Zakariya 2:8

Vano Yave a ikuru sootheene oneera ha: “Owo okirumihenle ohokoloxera ovuwawawe variyari wa miloko soohuhunleni, niwoko ootheene aneera ootannyeni onimweera wiitutha.

Deuteronomiyo 30:7

Owo onimwaarumihela malapho ootheene awo, amwiittanaanyu anoothanyani ni anoosoondani.

Ethupululo 13:10

Akhala mutthu onrowa okaliposo, okaliposo anaarowe. Akhala mukina aneera iiviwe ni ekatana, aniiviwe ni ekatana. Va ontthuneya ootteela ovilela moota woororomeleya.

1 Samuweli 17:53

aYixrayeli ehokolowaka yaattharelenlaayawo aFilisti, yaahuhula sootheene saari yaakonenlaayawo.