Yeremiya 30:10 - Emakhuwa Bible

¹⁰ ‘Tivawo, ohoove, murumeiyaaka, Yakobe! Ii! Yixrayeli! Muhituthuwe,’ onghima Yave. ‘Miyo kinoowoopolani nipuro noorakamela, ni ekhapiraanyu, elapo mutthukeliwaanyuwo. Yakobe onoohokolowa ni onookhala mmuretteleni ni oolipeene; khaawo anooramaramihe.

Yeremiya 30:10 Iomraidhean Croise

Epacerero 15:1

Vano, vahoolo wa yeeyo Yave aahiixoonihera wa Abraamu, anamweerela: “Muhoove Abraamu, Miyo ti yoowiixaakiheraanyu, ni munookhalano ntthuvelo ntokotoko.”

Yesaya 14:3

Vanihukuni Yave aneeraawe oovaheeni, wiitthuuwa wa ohaawa, makacamiho ni otthukiwa wa oxilili,

Yesaya 35:9

Khakhalawo mwatto naari mwaamunama ooluwa. Khawoworu anaaphwanyaneyemo. Oovuluxiwa paahi eneera yeettemo,

Yesaya 43:5

Muhoove niwoko kiri ni nyuwo; kinimwaaruuha anamwaniinyu okhuma ninkhuma nsuwa ni kinimoothukumanyiherani ninkela nsuwa.

Yesaya 44:1

“Vano Yakobe, murumeiyaaka, Yixrayeli kimuthanlalaaka, mwiiwe!

Yesaya 44:2

Yave mwa Yoowo oopattunxeni ni oopankeni mmirimani mwa amayinyu, Yoowo onookhaviherani, oneera ha: Ii! Yakobe, murumeiyaaka, muhoove, Yexuruni kimuthanlalaaka.

Yesaya 46:11

Okhuma ninkhuma nsuwa kimmwiitthana mwaapalame oolupattha ni okhuma elapo ya ottai mulopwana weera akwanihere otthunawaka. Yeeyo kaahimmaaka kinookwanihera; yeeyo kuupuwenlaaka kinoopaka.

Yesaya 46:13

Kinkhuveeliha ororomeleyawaka; khoonkhala ottaiwene; ni ovuluxawaka khawooceelihiwa. Kinoovaha oSiyoni ovuluxa ni waarawaka wa oYixrayeli.”

Yesaya 49:12

Moone, awosa eniirweele ottaiwene – akina okhuma mpatta wa ottuttuwani, akinaawo ninkhuma nsuwa ni akinatho mweelaponi mwa wAsewani.”

Yesaya 49:25

Vaheera Yave oneera ha: “Aani, anamatthukiwa anootapuxiwa mwa anakhotto ooweraxa ni soohuhula animwaakhiwa mwa atthu oolipaxa; Miyo kinimwaawanano yaale anoowananani ni kinimwaavuluxa anamwaniinyu.

Yesaya 54:4

Muhoove, khamuulihiheya muru. Muhoove wuulihihiwa muru, khamuyevihiwatho. Munoottiwala wuulihihiwa muru wa enamwanaanyu ni khamuupuwelelatho ohiiha wa onaamukhwelaanyu.

Yeremiya 23:3

Miyo muneenaaka kinimwaathukumanyiha yaawo ahalahanle a muhuwaaka mweelaponi sootheene kiwoomolenlaakawo ni kinimwaahokoloxera yaacaayamo. Wu animunnuwa erelaneke.

Yeremiya 23:4

“Kinimwaakhalihera akukhuli eneera yaakosoope ni awosa khayoovatho naari kheetteenguwa ni khaawo anaahaleele,” onghima Yave.

Yeremiya 23:6

Mmahukunimwawe oYuda onoovuluxiwa ni oYixrayeli onookhala woolipeene. Ni nsina aneeraawe iitthaneliwe ti nna: ave ti Ekhaikhaiyaahu.

Yeremiya 23:8

mene eniyeere: ‘Kinlipela mwa Nsina na Yave mwa yoowo aakhumihale ekhapira ya aYixrayeli mweelaponi mwa ottuttuwani ni mweelaponi sootheene mwa weiwo owoomolenlaawewo.’ Ni awosa anookhala mweelaponimwaya.”

Yeremiya 29:11

Vano Miyo koosuwela soowuupuwelasaka kiweerelakani nyuwo,” onghima Yave, “soowuupuwela keerelaka murettelaanyu ohikhanle woophwatani, soowuupuwela woovahani oweherera ni sa muhoolo.

Yeremiya 29:14

Miyo kinimwiihiya weera kiphwanyiwe ni nyuwo,” onghima Yave, “ni kinimoohokoloxani wootthukiwani. Miyo kinimoothukumanyihani mmilokoni moothemwene ni mmapuroni moothemwene koomwaraxenlaakani, ni kinimoohokoloxerani mmapuroni kootthukenlaakani,” onghima Yave.

Yeremiya 3:18

Mmahukuni awo ikhapira sa Yakobe sinoothukumanano seiyo sa aYixrayeli ni vamoha sinoohokolowa elapo ya ottuttuwani, sirowaka wa elapo kaavanghaaka makholowaanyu ntoko yoohiyeriwa.

Yeremiya 30:3

Vekhaikhai anoophiyera mahuku,’ onghima Yave, ‘kineeraaka kiceendye oreereliwa wa mulokwaaka, aYixrayeli ni aYuda, ni kinimwaahokoloxera elapo kaavanghaaka makholowaaya, weera ekuxe,’ oneera Yave.”

Yeremiya 30:7

Moota nneeraaya noopihe nihuku nno! Noohilikanxereya! Eniikhale ehuhu ya othanana wa Yakobe; mene owo onoovuluxiwa.

Yeremiya 33:16

Mmahukuni awo oYuda onoovuluxiwa ni oYerusaleemu onookhala woolipeene, Nsina aneeraawe iitthaneliwe ti nna: Yave ti ekhaikhayaahu.’

Ezekiyeli 16:52

Mvilele wuulihiheyawanyu muru, niwoko nyuwo mumpakiha weera axunninyu ekhale ntoko ooreerela opwaha yaaraaya. Seenre sootthekasanyu sithanyeyaxa opwaha sawaya, awosa ankhala ntoko oororomeleyaxa woopwahani nyuwo. Vano muulihiheye muru ni mvilele oyeviheyawanyu mweenre nyuwo mpakiha weera axunninyu ekhale ntoko oororomeleya opwaha yaaraaya.

Ezekiyeli 38:11

Nyuwo mmweere: ‘Kinoovoleela elapo ya mittetthe soohilipa; kinoowanano muloko wa murettele ni ohinghovelaru etthu, mwa weiwo onkhalaayawo musidadeni soohitekeleliwa, soohikhalano masele ni anampattika.

Daniyeli 12:1

“Mweehuhuni yeeyo Mikayeli, Namwaakiha a mulokwaanyu onoovenya. Enookhala ehuhu ya othanana moota ohitonke wooniwa okhuma epacerero ya miloko mpaka ehuhuweene yeeyo. Vaheera ehuhu eyo mulokwaanyu – ootheene masinaaya alempwale mulivuruni – onoovuluxiwa.

Hoxeya 2:18

Vanihukuni nno, kiweerelakani nyuwo, kinoowiiraanano axinama a ntuphini, ipalame sa wiirimu, mpakatho axinama aniipurula. Kinoovenxa mulaponi muura, ekatana ni ekhotto, weera ootheene ewere okhala oolipeene.

Hoxeya 2:20

Miyo kinimoothelani moororomeleyani, ni nyuwo munoomusuwela Yave.

Hoxeya 6:11

Ii! Yuda, wa nyuwotho ehuhu ya ohepha nthorihelo eri yoolikaneene, Miyo kaahokoloxaka mulokwaaka.

Yoweli 2:21

Elapo, muhoove; muhakalale ootteeliweene. Vekhaikhai Yave oopaka itthu sootikhiniheya!

Mikeyasi 4:9

Munkhuwelelaxani vano? Khamunono mwene? Weeraka namalakaanyu ori mookhwa, weera ovoreya wootepelaxeni ntoko ovoreya wa muthiyana ayaraka?

Zakariya 3:10

Vanihukuni nenenenno khula mutthu a nyuwosa onoomulattula mukhwaawe weera akilaathi vathi wa evideiraawe* ni wa mwiraawe wa efiigu*,’ onghima Yave a ikuru sootheene.”

Yohaane 12:15

Ohoove mwaana muthiyana a Siyoni. Woone, Mwenaawo aneera awaaka angwenleene buuru mwaaxaana.