Yeremiya 3:8 - Emakhuwa Bible

⁸ aYuda ahoonatho weera kohaavaha nlaxi na omwalana wa aYixrayeli oohiroromeleya niwoko na oraruwawaya wootheene. Hata hiiho kohoona weera axunnaya, aYuda, anamavariha, aararuwatho ehoovaka.

Yeremiya 3:8 Iomraidhean Croise

2 Nyaha 21:11

Owo aatekatho mapuro oolapa a mmattumuxani a oYuda, apakihaka weera muloko wa oYerusaleemu oraruwe, ni oYuda ohapuwe.

Yesaya 50:1

Yave oneera ha: “Eri woowi ekaratta ya omwalana ya amayinyu Miyo kaawoomolenlaaka? Mwa yeeyo, wa namakoongoriha taani koothumihaakani nyuwo? Muthumihiwe niwoko na sootthekasanyu; amayinyu yoomoleliwe niwoko na soonanarasanyu.

Yeremiya 2:19

Yootakhalaanyu enimoottaruxani ni ovaanyawanyu onimoohiihani. Mwiiwexexe ni moone moota onnanaraaya ni ongwaawihaaya omuhiya Yave, Mulukwaanyu, muhikoovaka Miyo,” onghima Yave, a ikuru sootheene.

Yeremiya 3:1

“Mulopwana aahiya amwaariye, ni emwalanneene enatheliwa ni mulopwana mukina, mulopwana oopacera onoomuhokoleela? Elapo kheevaliheya woomalela? Vaheera nyuwo mooraruwano ancipale ni vano, muntthuna ohokoleela wa Miyo?” onkoha ti Yave.

Yeremiya 33:24

“Nyuwo mohoona weera atthu ala aneera weera Yave ookhootta imwene piili aathanlalaawe! Tivawo ahinoonelaaya mulokwaaka ni ahimpwatthelaaya ntoko muloko.

Yeremiya 5:7

“Kaahooleveleleleni heeni? Anamwaniinyu aakihiya ni anlipela mwa miluku sihikhanle miluku. Kohaavaha sootheene yaatthunaaya, hata hiiho aararuwa ni annarowa wa impa sa mapuuta.

Ezekiyeli 16:46

Munninyu mutokweene aakhala mpaattaanyu wa ottuttuwani aari Samariya aakhala vamoha ni anamwanaawe asithiyana; ni munninyu mukhaani aakhala mpattaanyu wa ohitto vamoha ni anamwanaawe asithiyana aari Sodoma.

Ezekiyeli 16:47

Nyuwo khamweettiye paahi mphironimwaya mutakihaka soopakasaya soohiira, menetho mphironimwanyu moothemwene wowaakuveya mootepaxa otakhala waapwaha yaawo.

Ezekiyeli 16:51

Samariya khatthenke ntoko nyuwo. Nyuwo moottheka moota woohiira waapwaha yaawosa, ni nyuwo moopakiha weera axunninyu ekhale ntoko oororomeleya ni soohiira sootheene mpankaanyu.

Ezekiyeli 23:44

Vahoolowaya alesa yaamukonano. Yaahaakonanosa asithiyana ale ootakhala – Ohola ni Oholiba mooteene yoole onkonaneliwaawe puuta.

Ezekiyeli 23:9

Tivawo kimwinnyerenraaka mmatatani mwa yaawo aakonanaawe – awAsiriya, mwa yaawo owo aahaawelaxaawe.

Hoxeya 3:4

Eyo enthoonyera weera aYixrayeli anookhala mahuku mancipale woohikhalano mwene hata mwanawe, woohikhalano yooveleela naari amarimbu ootteeliheriwa, woohikhalano mooxikootti a esaserdoti ni mpaka woohikhalano miluku sikina.

Deuteronomiyo 24:1

Mulopwana amuthela muthiyana ahinamutthunatho niwoko noophwanya ohintthunaawe mookumini mwa muthiyana owo, mulopwana owo amvaheke ekaratta ya omwalana ni amoomoleke.

Deuteronomiyo 24:3

Wakhala weera aiyawe anaaveeli khaanimutthuna emvahaka ekaratta ya omwalana enamoomola hoye hoye mulopwana owo anaaveeli akhwa,