Yeremiya 3:25 - Emakhuwa Bible

²⁵ Niixaatalele oowuulihiheyeene muru ni omora ekhove onikhuneele. Noomutthekela Yave Mulukwaahu – hiyo nitho makholowaahu; okhuma enamwanaahu mpaka olelo khanimwiiwelenle Yave Mulukwaahu.”

Yeremiya 3:25 Iomraidhean Croise

Icipo 106:6

Hiyo noottheka ntoko makholowaahu yaatthenkaaya; hiyo noopaka soonanara, nnakhala attiyamaaru.

Icipo 106:7

Makholowaahu yaaraaya wExipitu, khayaapwantthe sootikhinihasanyu; khayuupuwelenle mitekosanyu sincipale sa murima wooreera ni yaavaanya mukerekhere ephareiya, eyo tiiyo Ephareiya Yooxeera.

Icipo 109:29

Anamootheraaka waasareye wuulihiheya muru; ekhuneeliweno ntoko mukaandyo.

Masu a Miruku 13:18

Yoowo ohinoonelamo olakiwa ommorela moohaawani ni ngwuulihiheyani muru, vaheera yoowo oniiwelela ohiihiwa onaakhela opwatthiwa woottittimiheya.

Masu a Miruku 5:13

Nkiwiiwelenle ahusihaaka, hata nkaapwantthe yaale yaakixuttiha.

Yesaya 48:8

Khamwiiwale hata khamwiiwexenxe; okhuma khalayi maaruwaanyu yaari oowaleyeene. Kinsuwela nnenesene mootaanyu woolokottheya. Mwiitthaniwa namavaanya okhuma oyariwawanyu.

Yesaya 50:11

Vano, ootheene nyuwo mumpattiha mooro, mwiiwarihakano mithuko sivarelaka, murowe, mweette ngwaarani mwa moorowaanyu ni mwa mithukusanyu mupattinghaanyu. Yeeyo muneeraanyu mwaakhele mmatatanimwaka ti ela: munimwiixaatalela oohooxeyeene.

Yeremiya 11:13

Ii! oYuda, nyuwo mookhalano miluku sincipale ntoko waatta wa mittetthesanyu ni waatta wa altaaraanyu* mwiitekenlaanyu weera munghisere erubani* mulukweene yoowo wa mwiikho Bahali*, ori ntoko waatta wa misewe sa oYerusaleemu.’

Yeremiya 12:13

Awosa yaahaala etrigu, mene ahemphe nyiiwa; wohaakhulumula ovara muteko woohiruwera etthu. Vano, awosa anuulihiheya muru ni ohepha niwoko na isara sitokotoko sa Yave.”

Yeremiya 14:20

Ii! Yave, nohoonelela sootakhalasahu ni nthowa na makholowaahu; vekhaikhai, nohootthekelani.

Yeremiya 14:7

Ii! Yave! Naari sootthekasahu sinikhalelaka onamoona, dyoontte, munikhavihere moosivelani wa Nsinananyu. Vano ohiroromeleyawahu wootepa; nohootthekelani.

Yeremiya 2:17

Nyuwo muneenaanyu ti nanthowa mwa yeeyo yookhumelenleni, woomuhiya Yave, Mulukwaanyu, Owo oweettihaleni mphironimwawe.

Yeremiya 2:19

Yootakhalaanyu enimoottaruxani ni ovaanyawanyu onimoohiihani. Mwiiwexexe ni moone moota onnanaraaya ni ongwaawihaaya omuhiya Yave, Mulukwaanyu, muhikoovaka Miyo,” onghima Yave, a ikuru sootheene.

Yeremiya 2:2

“Murowe mwalaleere maaru a oYerusaleemu: Miyo kinuupuwelela ororomeleyawanyu mwaaraanyu mmiravo: ‘Ntoko ootthomeriwa nyuwo mwannakisivela, mukittharaka munikareni, mulaponi yoohaaleya.

Yeremiya 2:26

Hiiho ntoko namwiiya onuulihiheyaawe muru aaphwanyeriwaka iiyaka, muloko wa aYixrayelitho onimuulihiheya muru: mamwenaaya ni asitokweenaaya, asaserdotaaya ni maprofeetaaya.

Yeremiya 20:18

Kiyareliweni? Woona paahi soohooxa ni soothananiha ni waalikeleleya mahukwaaka ngwuulihiheyaxani muru?

Yeremiya 22:21

Kannawoopererani nyuwo mwiixoonaanyu okhala oolipeene, mene khamwaatthunne okiiwa. Owo waari mweettelowaanyu wa mahuku ootheene, niwoko okhuma emiravowaanyu; khamwaakiiwelela.

Yeremiya 3:13

Mulape nthowananyu paahi. Moomvaanya Yave Mulukwaanyu, mohiixinnyerera wa miluku sikina vathi wa nyiri sootheene soopombaxa ni khamukiiwelenle Miyo,” onghima Yave.

Yeremiya 31:19

Vekhaikhai, kihapungweene, koorukunxa murima; kiiwexenxeene koomana ekakasaaka. Kohuulihiheya muru ni kooyeviheya, niwoko kiniiruuhela wuuliheya muru wa emiravowaaka.’

Yeremiya 6:26

Ii! Mulokwaaka, muwarele isaakho ni mwiihele ettuura. Mwiinle moota woolalamikaxa ntoko mutthu ommwiinlela mwaniye mmoharu, niwoko wootutuxereya namaphwata onooniphwanya.

Yeremiya 7:19

Mene weeraka ankitannya Miyo? onkoha Yave. Awosa aniixuulihiha muru asineenaaya.

Yeremiya 8:14

Nikilaathenleni va? Muthukumane! Nitthaweleke isidade soolipihiwa weera nakhwelewo. Yave Mulukwaahu oonithorihela weera niphwatiwe ni oonivaha maahi ooheliwa yoohapala weera niwure niwoko noomutthekela.

Yeremiya 9:18

Awosa erwaase woowaakuveya weera enilalamikele mpaka maithwaahu osareya maithori ni maahi okhwalalela mmakwikhwinimwahu.

Icipo Soolalamika 5:16

Ecireemba yoomora mmurumwahu. Ii! Wa hiyo, niwoko noottheka!

Icipo Soolalamika 5:7

Asitithihu yaattheka ni khaawowotho ni hiyo ninttaruxeliwa sootthekasaya.

Ezekiyeli 2:3

Owo aakeerela: “Mwaana a mutthu, kinimoorumihani wa aYixrayeli, muloko woovaanya mwa yoowo okivaannye; awosa ni makholowaayeene ankivaanya mpaka olelo va.

Ezekiyeli 36:32

Kintthuna weera nyuwosa musuwele weera nkimpakela yeeyo mwaha wa nyuwosa, onghima Yave onlamula sootheene. Muulihiheye muru ni mwiiyevihe niwoko na mweettelowaanyu, ii! Muloko wa oYixrayeli!

Ezekiyeli 44:13

Awosa kheekhuveela weera ekirumeele ntoko asaserdoti*, hata kheekhuveelaru yakhalaru etthu ya sootteeliheriwasaka hoye hoye seiyo siri sootteelaxa; animwiihaawiha ni soopakasaya soohiira.

Ezekiyeli 7:18

Awosa eniyiikhuneele ikuwo soolalamikano ni eniiwarele ikuwo sootteengula. Ikhovesaya sinimuulihiheyaxa muru, ni mayihaaya eniimetthiwe.

Daniyeli 12:2

Ancipale ankona vatthayani anoovenyerera: akina wa okumi woohimala ni akinaawo wa wuulihiheya muru ni munyemu woohimala.

Hoxeya 9:10

“Kaaphwanyaaka aYixrayeli, waari ntoko ophwanya iwuuva* munikareni; koonaaka makholowaanyu, waari ntoko woona soowiima soopacera sa ifiigu. Vaheera awosa yaaphiyaaya oBahali-Peyori, yaahiitteeliherasa muluku owo oowuulihaxa muru, enathatuwa oohiira ntoko yeele yaasivelaaya.

Zefaniya 1:17

“Kinimwaaruuhela atthu ohaawa, ni animweetta ntoko oohoona, niwoko aamutthekela Yave. Ephomaaya enoomwaraxiwa ntoko ntthupi ni erutthwaaya ntoko mahiloka.

aRooma 6:21

Soowiima heeni nyuwo muhemphaanyu wa itthu iye sa khalayi singwuulihihani muru vaanaano? Ommaleloniwaya ti okhwa!

Ahooleli 2:2

ni nyuwosa khamwiiraanano miloko sa elapo ela, mene mmwaaphwate altaaraaya.’ Muhikiiwelelenle heeni?