Yeremiya 3:22 - Emakhuwa Bible

²² “Muhokolowe, muloko woohiroromeleya; kinoolamiha murimaanyu woovaanya.” Muloko waahaakhula: “Aani, nnimoowa wa Nyuwo, niwoko Nyuwo ti Yave Mulukwaahu.”

Yeremiya 3:22 Iomraidhean Croise

Ecipo Yooreeraxa 1:4

Mukikuxe! Nrowe naakuveke! Amwene ekironghe mmapuronimwaya! Ninghakalala ni otteeliwa mwaha wa nyuwo; nnootthapela osivelawanyu opwaha eviinyu. Vekhaikhai, nyuwo ti oolapeya!

Yesaya 1:2

Mwiiwe wiirimu; ngwiriyane elapo ya vathi, niwoko Yave eenre: “Miyo kohaapattuxa anamwane kinawunnuwiha, mene awosa aakirukunuwela.

Yesaya 27:8

Nyuwo munimuthoriha yoowo mukhottoni mmoomolelaka ottai. Owo onoomola muloko ni iphumusawe sooweraxa ntoko munihukuni na epheyo etokotoko ya ninkhuma nsuwa.

Yesaya 31:6

Ii! aYixrayeli, munghokoleele Yoowo mwaamvaanyaxiyaanyu.

Yesaya 57:17

Koosareya isara niwoko na soohaawelasaya sootthekeya; koonyoonyiwa, kinaahuluwa, mene awo ampwaherera ephiro athanlalaaya.

Yeremiya 3:12

Murowe ni mwalaleiye masu ala mpatta wa ottuttuwani: ‘Ii! aYixrayeli oohiroromeleya, muhokolowe,’ onghima Yave, ‘kinimoomorelani ikharari ni nkinoonyoonyeriwani, aani nkinoonyoonyeriwani mahuku ootheene,’ onghima Yave.

Yeremiya 30:17

Kinoohela mapharima ovulalawanyu ni kinoovoliha makhwattaanyu,’ onghima Yave, ‘niwoko nyuwo, Siyoni, angwiitthanani ookhoottiwa, mwa yoole ohimpwatthiwaru.’

Yeremiya 31:18

Koomwiiwa nnenesene Efrayimi iikhupanyeraka: ‘Nyuwo mookilaka ntoko mwaaxaana a emombe oohihuweya, ni koolakiwa. Mukihokoloxe, ni kinoohokolowa, niwoko Nyuwo ti Yave, Mulukwaaka.

Yeremiya 33:6

Wa soothesene, kinooruuhela oreherera ni olamiha; kinoophuweliha mulokwaaka kivahaka murettele ni ekhaikhai yoowaatta.

Yeremiya 4:1

“Mwahokolowa, vano muhokoleele wa Miyo,” onghima Yave. “Mwasuseeriha ottaiwaka milukusanyu sa mwiikho, muhihapuwakatho,

Ezekiyeli 18:30

Ii! Muloko wa oYixarayeli, vanonto Miyo kinimoothorihasani, khula mutthu kimuttharihelaka mweettelowaawe, onghima Yave onlamula sootheene. Murukunxe murima! Muhiye soonanarasanyu sootheene weera yoottheka ehoomoroxeni.

Ezekiyeli 33:11

Mwaaleelase: ‘Kinlipela mwa okumaaka,’ onghima Yave onlamula sootheene, ‘khoonkisivelaru okhwa wa atakhali, kimpacera toko ohaawela weera awosa ehapuwe mphironimwaya ni ekhale ni okumi. Muhokolowase! Muhokolowase mphironimwanyu moonanara! Ii! Muloko wa oYixrayeli, muntthunela heeni okhwa?’

Hoxeya 13:4

“Vaheera Miyo ti Yave Mulukwaanyu ookhumihaleni wExipitu. Nyuwosa muhaakhuleleru muluku mukina okihiya Miyo. Khawoworu mvuluxa mukina.

Hoxeya 14:1

Ii! oYixrayeli, ohokoleele wa Yave, Mulukwaawo. Sootthekasawo sohoomoroxa!

Hoxeya 14:4

“Miyo kinoolamiha ohiroromeleyawaya ni kinimwaasivela ni murimaaka wootheene, niwoko isarasaka sohaahuluwa.

Hoxeya 14:5

Miyo kinookhalela oYixrayeli ntoko nikame; iwo onoottuva ntoko ethutu. Aani, ntoko esidari* ya oLebanoni, sinoorakamelaxa mikwankhwaarisaya;

Hoxeya 14:8

Ii! wEfrayimi, nkipwatthele heenitho miluku sikina? Ti Miyo kinimwaakhula, kinamukosoopa. Kiri ntoko mwiri wa epinyeiru* ekithi; soowiimasanyu sootheene sinrweela wa Miyo.”

Hoxeya 3:5

Vahoolowaya, aYixrayeli anoohokolowa, emwaaseke Yave, Mulukwaaya, ni Davide mwenaaya. Mmahukuni ookisera animoowa ethukumelaka vamaithoni wa Yave ni wa mareelihowaawe.

Yoweli 2:12

Yave oneera: “Muhokoleele wa Miyo vaanaano va ni murimaanyu wootheene, mutthukaka, mwiinlaka ni mulalamikaka.”

Zakariya 13:9

Mpatta wanaararu owo kinohela vayikho; kinootteelihamo ntoko eparatha*, aani ntoko eyuuma yoorikaxa. Awosa animwiitthana Nsinanaka ni Miyo kinoowaakhula, keeraka: ‘Awosa ti mulokwaaka’ ni awosa animweera: ‘Yave ti Mulukwaahu.’”