Yeremiya 3:21 - Emakhuwa Bible

²¹ Okhuwela oniiwanyeya vanttumuxani, wiinla ni odyoonttelela wa muloko wa oYixrayeli, niwoko waathanla iphiro sookhoromana omuttiwalaka Yave Mulukwaaya.

Yeremiya 3:21 Iomraidhean Croise

Yobi 33:27

Vahoolowaya owo onrowa wa atthu, aneera: ‘Koottheka, kinapiritula yeeyo yaari yoowookoleleya, mene Owo khakivanghe yeeyo kaaphwanelaaka.

Masu a Miruku 10:9

Yoowo oneetta mookwanelani oneetta oolipeene, vaheera yoowo onkuxera iphiro sookhoromana onimooneleliwa.

Masu a Miruku 19:3

Ti ololo wa mutthu onghela nthala okumaawe, vaheera murimaawe onimunyoonyeriwa Yave.

Yesaya 15:2

oDiboni onrowa mpaani mwa mulukwaaya, wa mmattumuxanimwaya ootteeliheriwa miluku sikina weera wiinle; oMowabe onlalamikela oNebo ni oMedeba; nyuru sootheene soomeetthiwa ni irerusene.

Yesaya 17:10

Moomuttiwala Muluku Mvuluxaanyu; khamummuupuwelela Mwala ori Nipuronanyu Noolipaxa. Tivawo, naari mphatteyaka nyiri sooreerela ni imatta sa iwuuva* sa ilapo sikina,

Yesaya 57:11

Yaawoopopihani ni yoothukumelihani taani weera nyuwo mukilokotthe, muhikuupuwelelaka hata muhitthokelelaka yeeyo mmurimanimwanyu? Weeraka mwahaakoovela niwoko kiroomaalaxa?

Yeremiya 12:12

Anamaphwata animoowa eviraviraka mmattumuxani oowuumelela onikareni, niwoko ekatana ya Yave enoophwata elapo yootheene eyo. Khawowo anaakhale oolipeene.

Yeremiya 13:25

Ola ti mpattaanyu ni yeeyo koolakelenlaakani,” onghima Yave, “niwoko mookittiwala ni moororomela miluku soolokottha.

Yeremiya 18:15

Wa soothesene mulokwaaka wookittiwala; awosa anghisera erubani* miluku soohimuteko, mwa seiyo sinaakwattuliha mphironimwaya ni mphironi sa khalayi. Iyo sohaatannyera weetta moothweelelani mmiseweni soothipakaseya.

Yeremiya 2:32

Weeraka mwaamwali onimwaattiwala axiveevaawe hoye hoye, ootthomeriwa soowarelasawe? Wa soothesene, mulokwaaka wookittiwala mahuku ootheene.

Yeremiya 3:2

“Ngwehe mattumuxa ni moone: nookhala nipuro muhimveruliwaanyuwo? Nyuwo mookilaathi muxerexere ephiro mwaawehereraka munraruwanaanyu, mookilaathi ntoko namathaamathaama munikareni. Nyuwo moovaliha elapo ni opuutaanyu ni otakhalawanyu.

Yeremiya 31:9

Anoohokolowa yiinlaka, mene Miyo kinooweettiha keerelaka waapepesa. Miyo kinooweettiha kaaronghaka mmanyoolokoni kaavirihaka mphironi moothatawala, niwoko kiri Tiithi a aYixrayeli ni Efrayimi ti mwanaka a ntthaara.

Yeremiya 7:29

Mmetthe mayihaanyu ni murihe; mulalamike mmattumuxani oothaamiwa, niwoko Yave oohiya ni ookhootta ekhapira ela entannya isarasawe.

Ezekiyeli 23:35

Vano Yave onlamula sootheene oneera ha: Mweenre nyuwo mukittiwala Miyo, munakirera ettuli, munoohaawa niwoko na otakhalawanyu ni opuutaanyu.”

Ezekiyeli 7:16

Ootheene eneera ehale ni eneera yoopowe, anookhala mmanyaakoni yiipulelaka ntoko ikhunda sireene mmareyareyani, khula mutthu niwoko na yootakhalaawe.

Hoxeya 13:6

Miyo kaacihasaaka, yaamvona; yaavonasaaya, yaamwiixoona, enakittiiwala.

Hoxeya 8:14

oYixrayeli woomuttiwala Mvuluxaaya, onateka impa sa emwene; oYuda woolipiha isidade sincipale. Vaheera Miyo kinoorumihela mooro musidadenimwaya oneera olalihe moolipamwaya.”

Mikeyasi 3:9

Mwiiwe yeela, nyuwosa muri asitokweene a ekhapira ya Yakobe, alamuli a muloko wa aYixrayeli anthanya ekhaikhai ni amvirikanyiha yeeyo eri yoororomeleya;

Nuumeru 22:32

Ndyelo a Yave aamukoha: “Mummanenle heeni imaara tthaaru buuruwaanyu? Miyo kirweenle va weera koohiiheni opwaherera niwoko ephiro mukuxenraanyu ti yoowoopiha.

2 aKorinto 7:10

Othanana ntoko otthuna wa Muluku onruwera orukunxa murima onkeliha moovuluwani, ni othanana iwo woovira, mene othanana wa elapo ya vathi onruwera okhwa.