Yeremiya 28:15 - Emakhuwa Bible

¹⁵ Vano mprofeeti Yeremiya aamweerela Hananiya: “Mwiiwe Hananiya! Yave khoorumingheni, mene moohapuxa muloko ola, onaroromela wootha.

Yeremiya 28:15 Iomraidhean Croise

1 Mamwene 22:23

Vano Yave ohiikaathi munepa woowootha vayanoni wa maprofeetaanyu ootheene ala. Yave oohima erisaanyu.”

Yeremiya 20:6

Ni nyuwo, Paxuri, ni emusaanyu yootheene munookhala ntoko anamatthukiwa oBabiloniya. Wu munimookhwa ni munoovithiwa – nyuwo ni asithamwenaanyu ootheene mwa yaawo mwaathalihenraanyu soowootha mwa Nsina na Yave.’”

Yeremiya 23:21

Nkaaruminghe maprofeeti awo, mene awosa aarowa etthimakaka okuxa mutthengaaya; kihuulumme ni yaawo, mene awosa aathalihera otthuna wa Muluku.

Yeremiya 23:31

Aani,” oneera Yave, “nkiniiwananano maprofeeti anttapahera ni malumaaya sootthoma.

Yeremiya 27:15

Miyo nkaaruminghe! Oneera Yave. Awosa anthalihera soowootha mwa Nsinanaka. Tivawo, Miyo kinoowoomolani, ni nyuwosa munooriheya vamoha ni maprofeeti anoothaliherani masweene yaawo.”

Yeremiya 28:11

aneera ohoolo wa muloko wootheene: “Yave oneera ha: ‘Ti hiiha kineeraaka kivenxeke nihasu na mwene a oBabiloniya, kivenxaka muxiko wa miloko sootheene mweehuhuni mwa iyaakha piili.’ ” Vahoolowaya, mprofeeti Yeremiya aavenyawo.

Yeremiya 29:23

Niwoko aapaka yoololo oYixrayeli: Aararuwa ni axaara a asinthamwenaaya ni mwa Nsinanaka ahuuluma soowootha, Miyo kihaalamulenlaaka wuuluma. Vaheera Miyo kineera kisuwelaka; kiri Namoona a yeeyo,” onghima Yave.

Yeremiya 29:8

Aani, Yave a ikuru sootheene, Muluku a oYixrayeli, oneera ha: “Muhaahiye maprofeeti ni anahako ari eriyaraanyu yoolokotthakani. Muhiwiiwelele mwa sooloha munaalipiheraanyuno.

Yeremiya 7:8

Mene moone, nyuwosa munroromela masu oolokhottha ni oohimuteko.

Icipo Soolalamika 2:14

Nyoonelo sa maprofeetaawo saari soowootha ni soohivareleya muteko; awosa khaawoonihenre yootthekaawo weera osembe oronghiwa wootthukiwani. Mitthenga yoovahaaya saari soowootha ni soolokottha.

Ezekiyeli 13:22

Nyuwosa moompororiha oororomeleya ni soowoothasanyu, Miyo kihitthunaka waathananiha, ni mohaalipihera atakhali weera ehihiye iphirosaya soonanara, yoopolaka hiiho okumaaya.

Ezekiyeli 13:6

Nyoonelosanyu ti soowootha ni sootthomasanyu ti soolokottha. Awosa aneera: “Yave onghima,” Owo ahaaruminghe; wa soothesene angweherera weera Owo onookwanihera maswaaya.

Ezekiyeli 13:9

Ntatanaka nnimwaawanano maprofeeti arino nyoonelo soolokottha ehimaka sootthoma soowootha. Awosa kheekhalela mpatta wa muthukumano wa mulokwaaka, naari khayaalikeleliwa munamalepelani a oYixrayeli, hata kheevolowa mulaponi mwa oYixrayeli. Hiiho, nyuwosa munoosuwela weera Miyo ti Yave onlamula sootheene.

Ezekiyeli 22:28

Maprofeetaaya ankuttelela seiyo, elokotthaka muloko ni nyoonelo soolokottha ni sootthoma soowootha. Awosa aneera: ‘Yave onlamula sootheene onghima hiiho’ – Yave ahuulummeene.

Zakariya 13:3

Vano mukina nlelo atthuna othalihera ntoko mprofeeti atithawe ni amayawe anoomweerela: ‘Muntthuneya okhwa niwoko mohootha mwa Nsina na Yave.’ Owo eerera opaka oprofeeti, asinaangolowaawe anoomuhomasa.

Deuteronomiyo 13:6

Hata munninyu, mwaninyu mulopwana hoye hoye muthiyana, mwaarinyu munimusivelaanyu naari nthamwenaanyu xaxaxa ootannyani muxiirini eeraka: “Nrowe nilape miluku sikina” – miluku hata nyuwo naari makholowaanyu yahaasuwenlaaya –

Deuteronomiyo 18:20

Vaheera mprofeeti oneera weera onuuluma mwa Nsinanaka yakhalaru etthu Miyo kihimulamulenlaaka wuuluma, hoye hoye mprofeeti onuuluma mwaha wa miluku sikina, iiviweke.”