Yeremiya 28:11 - Emakhuwa Bible

¹¹ aneera ohoolo wa muloko wootheene: “Yave oneera ha: ‘Ti hiiha kineeraaka kivenxeke nihasu na mwene a oBabiloniya, kivenxaka muxiko wa miloko sootheene mweehuhuni mwa iyaakha piili.’ ” Vahoolowaya, mprofeeti Yeremiya aavenyawo.

Yeremiya 28:11 Iomraidhean Croise

1 Mamwene 13:18

Mprofeeti oowuuluvala aamwaakhula: “Miyo mprofeetitho, ntoko nyuwo. Vano ndyelo ookeerela mwa Nsina na Yave: ‘Mwanghokolowane owannyinyu weera acewo yooca ni awurewo maahi.’ Vaheera, owo aamootha.

1 Mamwene 22:6

Vano mwene a oYixrayeli aahaathukumanyiha maprofeeti wookwanaka asilopwana macira maxexe, anaakoha: “Kawananeke oRamoti-Giliyadi hoye hoye kihirowe?” Awosa yaamwaakhula: “Murowe, niwoko Yave onimwinnyerera oRamoti-Giliyadi mmatatanimwanyu.”

2 Nyaha 18:10

Zedekiya mwaana mulopwana a Kenaana, aapaka manyaka a eyuuma, aneera: “Yave oneera ha: ‘Nyuwo munimwaavulalihera manyaka ala awArami, mpaka ophwateya.’”

Masu a Miruku 14:7

Mwiirakamelihe ni mulolo, niwoko nyuwo khamumphwanya esuwelo mwa yeeyo aneeraawe uulume.

Yeremiya 14:14

Vano Yave aakeerela: “Maprofeeti anthalihera soowootha mwa Nsinanaka. Miyo nkaaruminghe, hata nkaakhalinghe naari nkuulumme ni yaawo. Awosa anoothaliherani nyoonelo soowootha, sootthoma soohimuteko, ni masu a mmurumwaya.

Yeremiya 23:17

Awosa annaweerela yaawosa ankiramusa: ‘Yave oneera: Nyuwo munookhalano murettele.’ Ni wa ootheene antthara ettiyamaaru ya mirimasaya angweerela: ‘Khayoophwanyaniru yoonanara.’

Yeremiya 28:15

Vano mprofeeti Yeremiya aamweerela Hananiya: “Mwiiwe Hananiya! Yave khoorumingheni, mene moohapuxa muloko ola, onaroromela wootha.

Yeremiya 29:9

Awosa anthalihera soowootha mwa Nsinanaka. Miyo nkaaruminghe,” onghima Yave.

Ezekiyeli 13:7

Nyoonelo iyo murinaanyu ti soowootha ni itthu muntthomaanyu ti soolokottha. Muneera “Yave onghima,” Miyo kihooleenleni!