Yeremiya 28:1 - Emakhuwa Bible

¹ Mmweerini wanaathanu wa eyaakheene yeele, eyaakha yanaaxexe, apacerakaru olamula Zedekiya, mwene a oYuda, Hananiya, mwaana mulopwana a Azuri, mprofeeti aayareliwe oGibiyoni, aakeerela Mpaani mwa Yave, vamaithoni wa asaserdoti* ni muloko wootheene:

Yeremiya 28:1 Iomraidhean Croise

1 Mamwene 3:4

Mwene aarowa oGibiyoni, niwoko naakhalawo Nipuro Nootteela* vasulu nttumuxa noottittimiheyaxa ni Salomoni aaveleelawo sooveleela soohisa macira muloko valtaarini* ale.

2 Mamwene 24:18

Zedekiya, apaceraka olamula aarino iyaakha miloko miili niimoha, analamula oYerusaleemu iyaakha muloko niimoha. Amayawe yiitthaniwa Hamutali, mwaana muthiyana a Yeremiya a oLibena.

2 Nyaha 36:11

Zedekiya aapaceraawe olamula, aarino iyaakha miloko miili niimoha sa oyariwawawe, analamula oYerusaleemu iyaakha muloko niimoha.

Yesaya 9:15

Asitokweene ni asilopwana oottittimiheyaxa ti muru ni maprofeeti anxuttiha soowootha ti waametto.

Yeremiya 23:28

Mprofeeti olonghe, athalihe yooloha, ni yoowo orino maswaaka alaleiye moota woororomeleya. Vano malaxi ancelana hai ni etrigu?” onghima Yave.

Yeremiya 27:1

Ompacereroni wa olamula wa Zedekiya, mwaana mulopwana a Yosiya, mwene a oYuda, yaamurweela masu ala Yeremiya wa mpatta wa Yave:

Yeremiya 27:12

Mutthengeene yoowo koomwinnyerera Zedekiya, mwene a oYuda, kimweerelaka: “Ngware muxikomwanyu nivatta noolemela mwene a oBabiloniya ni mulokwaawe, ni nyuwosa munookhala ni okumi.

Yeremiya 27:3

Vahoolowaya mwaarumihele mutthenga mamwene a awEdomi, oMowabe, wAmoni, oTiro ni oSidoni, mwa anamitthengaaya arwiiye oYerusaleemu weera emoone Zedekiya, mwene a oYuda.

Yeremiya 28:11

aneera ohoolo wa muloko wootheene: “Yave oneera ha: ‘Ti hiiha kineeraaka kivenxeke nihasu na mwene a oBabiloniya, kivenxaka muxiko wa miloko sootheene mweehuhuni mwa iyaakha piili.’ ” Vahoolowaya, mprofeeti Yeremiya aavenyawo.

Yeremiya 28:17

Vano mprofeeti Hananiya aahookhwa mmweerini wanaathannamiili wa eyaakheene yeele.

Yeremiya 28:5

Vaheera mprofeeti Yeremiya aamwaakhula mprofeeti Hananiya ohoolo wa asaserdoti* ni wa muloko wootheene waari Mpaani mwa Yave:

Yeremiya 29:15

Nyuwo naari mweeraka: “Yave oonikhalihera maprofeeti oBabiloniya,”

Yeremiya 36:12

aarowa musaala ya namalepa, vaate wa emwene, yaakilaathiyaayawo ahooleli ootheene: namalepa Elixama, Delaya, mwaana mulopwana a Xemaya, Elinatani, mwaana mulopwana a Akhebori, Gemariya, mwaana mulopwana a Xafani, Zedekiya, mwaana mulopwana a Hananeya, ni ahooleli ootheene akinaawo.

Yeremiya 37:13

Vaheera aphiyakaru vamulako wa Benyamini, mutokweene a namalipelela, mwa yoowo iitthaniwa Iriya, mwaana mulopwana a Xelemeya, mwaana mulopwana a Hananeya, aamutthuka, amweerelaka: “Nyuwo moothummwa ni aBabiloniya.”

Yeremiya 37:19

Ari woowi maprofeetaanyu yoothalihenreni otthuna wa Muluku, yeeraka: ‘Mwene a oBabiloniya khoowananani nyuwo naari elapo ela’?

Yeremiya 49:34

Masu a Yave yaamurweenle mprofeeti Yeremiya mwaha wa wElami, ompacereroni wa olamula wa mwene Zedekiya, mwene a oYuda, ti ala:

Yeremiya 51:59

Ola mutthenga Yeremiya aamvanghaawe Seraiya, mwaana mulopwana a Neriha, mwaana mulopwana a Makheseya, owo aarongwaawe oBabiloniya ni mwene Zedekiya a oYuda, vayaakhani yanaaxexe ya olamulawawe.

Ezekiyeli 13:6

Nyoonelosanyu ti soowootha ni sootthomasanyu ti soolokottha. Awosa aneera: “Yave onghima,” Owo ahaaruminghe; wa soothesene angweherera weera Owo onookwanihera maswaaya.

Hoxeya 7:3

Awosa animuhakalaliha mwene ni sootakhalasaya, anamwane a mwene ni soowoothasaya.

Yoxuwa 10:12

Vanihukuni nenenenne Yave aawinyenraawe awAmori wa aYixrayeli, Yoxuwa aamukhuwelela Yave vamaithoni wa aYixrayeli: “Nsuwa, neemelele oGibiyoni ni mweeri, weemelele vareyareyani na wAyaloni!”

Yoxuwa 9:3

Wa soothesene, aGibiyoni yiiwaka yeeyo Yoxuwa aapakenlaawe oYeriko ni wAi,