Yeremiya 27:8 - Emakhuwa Bible

⁸ Wa soothesene, muloko hoye hoye omwene oneera ohimwiiwelele Nebukadenezari, mwene a oBabiloniya, naari ohiware nivatta noolemela muxikomwawe, Miyo kinoottaruxa muloko owo ni ekhotto, etala ni nihooxo, oneera Yave, ni mwa yoowo kinoophwata woomalela.

Yeremiya 27:8 Iomraidhean Croise

Yeremiya 24:10

Kinimwaarumihelasa ekhotto, etala ni nihooxo mpaka eneeraaya emalamalihiwe mulaponi kaavanghaaka awo ni makholowaaya.’ ”

Yeremiya 25:9

kinimwiitthana miloko sootheene sa ottuttuwani ni murumeiyaaka Nebukadenezari, mwene a oBabiloniya,” onghima Yave. “Kinooruuha weera siwaneno elapo ela, amakaaya ni miloko sootheene soorukureenreni. Miyo kinimoophwatani woomalela ni kinimookhalihani moopopihero, otthebwiwa, ni oheleya nthala woohimala.

Yeremiya 27:11

Vaheera, wakhala muloko onuuhele nivatta noolemela muxikomwaya ni onuumurumeele mwene a oBabiloniya, vano muloko owo kinoohiya opwahereraka mulaponimwaya weera okhale ni olimemo, oneera Yave.”’”

Yeremiya 27:13

Mmwikhweleni nyuwo vamoha ni mulokwaanyu mwaha wa ekhotto, etala, ni nihooxo, mwa seiyo Yave onoopopiheraaweno ottaruxela muloko oneera ohimwiiwelele mwene a oBabiloniya?

Yeremiya 28:14

Yave a ikuru sootheene, Muluku a oYixrayeli oneera ha: Kinoopakiha nivatta noolemela na eyuuma vaxiko wa miloko sootheene weera simurumeele Nebukadenezari, mwene a oBabiloniya, ni iyo nsilamuliwe ni yoowo. Mpaka axinama a ntuphini anoolamuliwa ni yoowo.’ ”

Yeremiya 28:4

Kinoomuhokoloxeratho nipuro nenenenna Yehoyakini, mwaana mulopwana a Yehoyakimi, mwene a oYuda, ni anamatthukiwa ootheene a oYuda aronghiwe oBabiloniya,’ oneera Yave, ‘niwoko kinoomaliha nihasu na mwene a oBabiloniya.’”

Yeremiya 29:17

Aani, Yave a ikuru sootheene oneera ha: “Kinimwaarumihela ekhotto, etala ni nihooxo; kinimwaapakela ntoko ifiigu soonanaraxa soohiwereya oceya.

Yeremiya 29:18

Miyo kinimwaattharelela ni ekhotto, etala ni nihooxo; kinimwaapaka moopopihero wa imwene sootheene sa mulaponi, nlapho, ethoonyero, otthebwa ni munyakunyaku eriyari ya miloko sootheene mwa weiwo Miyo kaamwaraxenlaaka.

Yeremiya 40:9

Gedaliya, mwaana mulopwana a Ahikami, mwaana mulopwana a Xafani, aahaaroromeliha ni nlipelo awo ni anakhottwaaya: “Muhoove olamuliwa ni aBabiloniya. Mwiitekihase mulaponi, mmurumeele mwene a oBabiloniya, ni sootheene sinooweettelani nnene.

Ezekiyeli 14:21

Vano Yave onlamula sootheene oneera ha: Onuutepaxe kaarumihelaka oYerusaleemu mattaruxowaaka oowoopiha maxexe ala: Ekatana, etala, axinama a ntuphini ni nihooxo, weera kaamalamaliheremo amakaaya ni axinamaaya!