Yeremiya 27:6 - Emakhuwa Bible

⁶ Vano ti Miyo muneenaaka kininnyerera miloko sootheene iya mmatatani mwa murumeiyaaka Nebukadenezari, mwene a oBabiloniya; koomukhaliha mutokweene mpaka wa axinama a mutuphini.

Yeremiya 27:6 Iomraidhean Croise

2 Mamwene 25:28

Mwene owo aamupwattha nnenesene, anamvaha nipuro noottittimiheya opwaha mapuro a mamwene makina aaraaweno oBabiloniya.

2 Nyaha 36:23

“Miyo Siru, mwene a oPersiya, kinghima ha: ‘Yave, Muluku a wiirimu, ookivaha omwene wootheene wa mulaponi, anakithanla weera kimutekele Empaawe oYerusaleemu, mulaponi ya oYuda. Ootheene ari a mulokwaawe, eroweke oYerusaleemu, ni weera Yave, Mulukwaaya, akhale ni yaawosa.’ ”

Yesaya 44:28

Ti Miyo kinghima sa Siru: ‘Owo ti mukukhulaaka ni onookwanihera sootheene sinkisiveliha; owo onoohima sa oYerusaleemu: “Eyo eraseliwe” ni sa Empa ya Yave: “Epakiwe mathipelo.” ’”

Yeremiya 21:7

Vahoolowaya,’ onghima Yave, ‘Miyo kinoomwinnyerera Zedekiya, mwene a oYuda, asitokweenaaya ni amaki a esidade ela eneera ehalahale munihooxoni, mukatanani ni mutalani mmatatani mwa Nebukadenezari, mwene a oBabiloniya ni mwa amwiittanaaya mwa yaale antthuna owiiva. Nebukadenezari onoowiiva, ahaamorelaka ikharari, hata ihaaya naari murima wooreera.’

Yeremiya 22:25

Kinoowinnyererani mmatatani mwa yaale anaasa okumaanyu, yaawosa mungwoovaanyu – Nebukadenezari, mwene a oBabiloniya ni aBabiloniya.

Yeremiya 24:1

Ni Yave aakoonihera mipapara miili sa ifiigu siikaathiweene ohoolo wa Empa ya Yave. Eyo yeereiye Nebukadenezari aaroihaleene oYerusaleemu wootthukiwani oBabiloniya, Yehoyakini, mwaana mulopwana a Yehoyakimi, mwene a oYuda vamoha ni ahooleli a oYuda, ni aneettottho ni anamaratta.

Yeremiya 25:9

kinimwiitthana miloko sootheene sa ottuttuwani ni murumeiyaaka Nebukadenezari, mwene a oBabiloniya,” onghima Yave. “Kinooruuha weera siwaneno elapo ela, amakaaya ni miloko sootheene soorukureenreni. Miyo kinimoophwatani woomalela ni kinimookhalihani moopopihero, otthebwiwa, ni oheleya nthala woohimala.

Yeremiya 28:14

Yave a ikuru sootheene, Muluku a oYixrayeli oneera ha: Kinoopakiha nivatta noolemela na eyuuma vaxiko wa miloko sootheene weera simurumeele Nebukadenezari, mwene a oBabiloniya, ni iyo nsilamuliwe ni yoowo. Mpaka axinama a ntuphini anoolamuliwa ni yoowo.’ ”

Yeremiya 43:10

Vano mwaweerelase: Yave a ikuru sootheene, Muluku a oYixrayeli oneera ha: ‘Kinoomwiitthaniha murumeiyaaka Nebukadenezari, mwene a oBabiloniya, ni owo onimwiikaathi ehicaawe ya emwene vamalukuni ala kithipenlaaka, ni onookungelawo eheemaawe ya emwene.

Yeremiya 49:30

Mutthawe woowaakuveya! Mwiipithe mmakhukuni oowiixa, nyuwosa amaki a oHazori,” onghima Yave. “Nebukadenezari, mwene a oBabiloniya, ohoovaanelelani.

Ezekiyeli 29:12

Kinookhaliha wExipitu elapo ya nikarexa opwaha ilapo sootheene; mweehuhuni ya iyaakha miloko mixexe isidadesaya sinookhala mathalaru eriyari ya mathala a isidade sootheene. Kinimwaamwaraxa awExipitu variyri wa miloko ni kinimwaakawanyiha mmilokoni soohiyanahiyana.

Ezekiyeli 30:24

Kinoolipihera nyoono sa mwene a oBabiloniya, kimwinnyerereke ekatanaaka mmatatanimwawe, mene kinimwintaka nyoono sa Farawu* ni onimwiipulela akhwaaka ohoolo wa mwene a oBabiloniya.

Daniyeli 4:12

Makukhwaaya yaari ooreera ni soowimasaya saahaatta ni saakhalamo sooca wa ootheene. Vathiwaya axinama a ntuphini yaamutthawelawo ni ipalame sa wiirimu saakhala mphandinimwaya; soopattuxiwa sootheene saaca mwemmo.

Daniyeli 4:22

vano nyuwo, mwene, ti mwiri mutokweene owo! Moothatuwa mutokweene ni oolipaxa; otokweenaanyu wohunnuwa mpaka woophiya wiirimu ni olamulawanyu ompwaherera mpaka ilapo sa ottai sa elapo ya vathi.