Yeremiya 27:18 - Emakhuwa Bible

¹⁸ Awosa yaareene maprofeeti ookhalano masu a Yave, emudyoonttelele Yave a ikuru sootheene, evekelaka weera ikaruma sihanle Mpaani mwa Yave, vaate wa emwene ya oYuda ni oYerusaleemu sihironghiwe oBabiloniya.

Yeremiya 27:18 Iomraidhean Croise

Epacerero 20:17

Abrahaamu aamvekela Muluku ni Owo aamulamiha Abimeleki, amwaariye ni mpaka ipotthasawe ni hiiho yaaweratho oyara.

1 Mamwene 18:24

Vano nyuwosa mwiitthane nsina na mulukwaanyu ni miyo kinimwiitthana Nsina na Yave. Muluku owo anaakhule ni mooro – Muluku a ekhaikhai ti Yoowo.” Vano ootheene yaaheera: “Nohaakhulela.”

1 Mamwene 18:26

Vano yaamukuxa mwaamombe yaavahiwaaya, enamureherera. Vanonto yanniitthana nsina na Bahali* okhuma oxeexelo mpaka othana. Yannakhuwela: “Ii! Bahali*, munaakhuleke.” Yaahiina yaarukureeraka altaari* yaapankaaya, mene khayaakhuliwaru.

2 Nyaha 32:20

Niwoko na sootheene iyo, Hezekiya ni mprofeeti Yesaya, mwaana mulopwana a Amosi, yaakhuwelela wiirimu evekelaka.

Yeremiya 15:1

Vano Yave aakeerela: “Naari Moisesi ni Samuweli yaakhanle ohoolowaka evekelelaka muloko ola, hata hiiho nkaamorela ikharari muloko. Moomole ohoolowaka. Muloko owo opwaheke!

Yeremiya 18:20

Weeraka eliviweke yooreera mwa yoonanara? Aakithipela miyo elakasa. Muupuwelele weera miyo kaaheemela vamaithoniwanyu kuulumaka mwaha wa yaawo weera muhaapattiyere isarasanyu.

Yeremiya 42:2

mprofeeti Yeremiya, enamweerela: “Dyoontte, mwiiwe yoovekaahu ni mumvekele Yave, Mulukwaanyu, mwa hiyo ni wa ahalahanle ootheene ala. Ntoko munoonaanyu, naarookhalaru ancipale, vano nihanle vakhaani.

Yeremiya 7:16

“Ni nyuwo, Yeremiya, muhivekelele muloko ola naari muhidyoonttelele mwaha wa yoowo; muhikidyoonttelele, niwoko nkirwa kiwiiwaani.

Ezekiyeli 14:14

naari Nowe, Daniyeli ni Yobi, ereene mpatta wa muloko owo, yaangwera wiitapuxa asineenaaya paahi ngwookoleleyanimwaya, onghima Yave onlamula sootheene.

Ezekiyeli 22:30

Koomwaasaasa eriyaraaya mulopwana eera arasele exiri ni eemelele mitari vamaithoniwaka, eerelaka elapo ela, weera Miyo kihiphwate, mene nkimphwannyeru.

Malekiya 1:9

“Vano asaserdoti*, mweerere omukurunuxa Muluku weera animorele ikharari! Weeraka ni moota wa yoovaheene yeela mwa matataanyu Owo onoowaakhulani?” onkoha Yave a ikuru sootheene.

1 Samuweli 12:19

Muloko wootheene waamweerela Samuweli: “Mumvekele Yave Mulukwaanyu mwaha wa arumeiyaanyu weera nihikhwe niwoko, ohiya soottheka sootheene sikina, noomvekela weera nikhaleno mwene.”

1 Samuweli 12:23

Wa miyo, nkiweherenre omutthekela Yave kihiyaka woovekelelasani! Kinimooxuttihasanitho ephiro yooreera ni ya ekhaikhai.

1 Samuweli 7:8

Yaamweerela Samuweli: “Muhihiyerere onivekelela wa Yave Mulukwaahu weera anoopole mmatatani mwa aFilisti.”