Yeremiya 27:14 - Emakhuwa Bible

¹⁴ Muhiiwelele masu a maprofeeti angweerelani weera muhimwiiwelele mwene a oBabiloniya; anthalihera soowootha.

Yeremiya 27:14 Iomraidhean Croise

Yeremiya 14:14

Vano Yave aakeerela: “Maprofeeti anthalihera soowootha mwa Nsinanaka. Miyo nkaaruminghe, hata nkaakhalinghe naari nkuulumme ni yaawo. Awosa anoothaliherani nyoonelo soowootha, sootthoma soohimuteko, ni masu a mmurumwaya.

Yeremiya 23:21

Nkaaruminghe maprofeeti awo, mene awosa aarowa etthimakaka okuxa mutthengaaya; kihuulumme ni yaawo, mene awosa aathalihera otthuna wa Muluku.

Yeremiya 23:25

“Kohiiwa anuulumaaya maprofeeti, anthalihera soowootha mwa Nsinanaka, yeeraka: ‘Kooloha! Kooloha!’

Yeremiya 28:15

Vano mprofeeti Yeremiya aamweerela Hananiya: “Mwiiwe Hananiya! Yave khoorumingheni, mene moohapuxa muloko ola, onaroromela wootha.

Yeremiya 37:19

Ari woowi maprofeetaanyu yoothalihenreni otthuna wa Muluku, yeeraka: ‘Mwene a oBabiloniya khoowananani nyuwo naari elapo ela’?

Yeremiya 38:22

Asithiyana ootheene ahiiwale empa ya emwene ya oYuda anooronghiwa wa asitokweene a mwene a oBabiloniya. Awosa anooweerelani: ‘Asinthamwenaanyu mwaaroromelaanyu ahoolokotthani ni ahoopwahererelani. Inaawosanyu soodora; asinthamwenaanyu ahoohiyani.’

Icipo Soolalamika 2:14

Nyoonelo sa maprofeetaawo saari soowootha ni soohivareleya muteko; awosa khaawoonihenre yootthekaawo weera osembe oronghiwa wootthukiwani. Mitthenga yoovahaaya saari soowootha ni soolokottha.

Mikeyasi 2:11

Namootha ni namalokottha arwa, aneera: ‘Miyo kohoolaleerani waatta wa eviinyu ni wa yoowura yoohapala,’ owo onookhala ti mprofeeteene a muloko ola!”

Zakariya 10:2

Miluku soowootha sinuuluma soowootha; anahako anoona nyoonelo siri soowootha. Awosa anthalihera sooloha soolokottha ni ampepesa wa siiyo. Tivawo muloko onxoraxoraaya ntoko ikhondoolo soothananela ohikhalano mukukhuli.

Matheyo 7:15

Mwiipasoope ni maprofeeti oolokottha. Awo angwa wa nyuwo ewanreene ixapala sa ikhondoolo, mene mpuwa ari miici soolumaxa.

aFilipi 3:2

Mwiipasoope ni alapwa. Mwiipasoope ni yaawo ampaka soonanara; yaawo antthuna wiineliwa paahi.

1 Yohaane 4:1

Oosiveleya, muhiroromele sakhalaru minepa, mene musomele minepa weera moone iyo saawiiye wa Muluku, niwoko maprofeeti ancipale oolokottha aakhumelela mweelaponi.