Yeremiya 25:8 - Emakhuwa Bible

⁸ Vano Yave a ikuru sootheene oneera ha: “Mweenre muhiiwasa maswaaka,

Yeremiya 25:8 Iomraidhean Croise

2 Nyaha 24:19

Yave aarimwaarumiharu maprofeeti wa muloko weera aahokoloxere wa Yoowo, ni maprofeeti yaarimwaathaliheraru otthuna wa Muluku, muloko khawaatthunne owiiwasa.

Yesaya 42:24

Taani amwinnyerenre Yakobe weera athatuwe yoohuhuliwa, ni oYixrayeli wa anamahuhula? Aari Yave mwa Yoowo hiyo naamutthekenlaahu, niwoko awosa khaatthunne otthara iphirosawe; awosa khayiiwelenle Nlamulonawe.

Yeremiya 19:15

“Yave a ikuru sootheene, Muluku a oYixrayeli oneera ha: ‘Mwiiwe, kinooruuhela esidade ela ni mittetthe sa mukhwipimwaya irisa sootheene kaalaleenraaka niwoko khayiiwelenle, ehitthunaka wiiwa maswaaka.’”

Yeremiya 22:21

Kannawoopererani nyuwo mwiixoonaanyu okhala oolipeene, mene khamwaatthunne okiiwa. Owo waari mweettelowaanyu wa mahuku ootheene, niwoko okhuma emiravowaanyu; khamwaakiiwelela.

Yeremiya 25:7

“Vaheera nyuwosa khamukiiwale ni mootannya isarasaka ni miluku nyuwosa mpankaanyu, mwiiruuhelaka erisa,” onghima Yave.

Yeremiya 25:9

kinimwiitthana miloko sootheene sa ottuttuwani ni murumeiyaaka Nebukadenezari, mwene a oBabiloniya,” onghima Yave. “Kinooruuha weera siwaneno elapo ela, amakaaya ni miloko sootheene soorukureenreni. Miyo kinimoophwatani woomalela ni kinimookhalihani moopopihero, otthebwiwa, ni oheleya nthala woohimala.

Yeremiya 29:19

Kinoopaka yeeyo, niwoko awosa khayaapwatthenle maswaaka,” onghima Yave, “masu kaarumihenlaaka mwa arumeiyaaka, maprofeeti. Ni nyuwosatho khampwatthenle!” onghima Yave.

Zakariya 1:4

Muhikhale ntoko makholowaanyu, wa yaawo yaalaleeriwe ni maprofeeti a khalayi masu ala: ‘Yave a ikuru sootheene oneera ha: ‘Muhiyeke iphirosanyu ni mitekosanyu soonanara.’ Mene awosa khayaatthunne wiiwa naari khayaakipwantthe, onghima Yave.