Yeremiya 25:4 - Emakhuwa Bible

⁴ Yave aarimoorumihelaniru arumeiyaawe, maprofeeti, emaara ti emaara, khangwiiwale, hata khamwaapwantthe.

Yeremiya 25:4 Iomraidhean Croise

2 Nyaha 24:19

Yave aarimwaarumiharu maprofeeti wa muloko weera aahokoloxere wa Yoowo, ni maprofeeti yaarimwaathaliheraru otthuna wa Muluku, muloko khawaatthunne owiiwasa.

2 Nyaha 33:10

Yave aahuuluma ni Manaxe ni mulokwaawe, mene khayaampwatthelanse.

Yeremiya 16:12

Vaheera nyuwosa mootepihaxa waapwaha makholowaanyu. Moone moota khula mutthu a nyuwo onttharaawe ettiyamaaru ya murimaawe woonanara, ohiya okiiwelela Miyo.

Yeremiya 17:23

Wa soothesene awosa khayaakiiwale hata khayaakipwantthe. Yaattiyamaaru ni khayaatthunne wiiwa ehaakhulelaka olakiwa.

Yeremiya 18:12

“Vaheera awosa animwaakhula: ‘Muhipacere. Nnoopwaherera ni soovaanelasahu; khula mutthu a hiyo onootthara ettiyamaaru ya murimaawe woonanara.’”

Yeremiya 19:15

“Yave a ikuru sootheene, Muluku a oYixrayeli oneera ha: ‘Mwiiwe, kinooruuhela esidade ela ni mittetthe sa mukhwipimwaya irisa sootheene kaalaleenraaka niwoko khayiiwelenle, ehitthunaka wiiwa maswaaka.’”

Yeremiya 22:21

Kannawoopererani nyuwo mwiixoonaanyu okhala oolipeene, mene khamwaatthunne okiiwa. Owo waari mweettelowaanyu wa mahuku ootheene, niwoko okhuma emiravowaanyu; khamwaakiiwelela.

Yeremiya 25:3

Mweehuhuni ya iyaakha miloko miili ni tthaaru masu a Yave yannakirweela – okhuma eyaakha yanaamuloko ni tthaaru ya olamula wa Yosiya, mwaana mulopwana a Amoni, mwene a oYuda, mpaka nihuku na olelo. Ni miyo kohuuluma ni nyuwo imaara soohaalikeleya, vaheera nyuwosa khamukiiwale.

Yeremiya 25:7

“Vaheera nyuwosa khamukiiwale ni mootannya isarasaka ni miluku nyuwosa mpankaanyu, mwiiruuhelaka erisa,” onghima Yave.

Yeremiya 26:5

ni mwaahiiwa masu a arumeiyaaka, maprofeeti, mwa yaawo kinoorumihelaakani imaara imaarasene, munoohiwiiwelelaru.

Yeremiya 29:19

Kinoopaka yeeyo, niwoko awosa khayaapwatthenle maswaaka,” onghima Yave, “masu kaarumihenlaaka mwa arumeiyaaka, maprofeeti. Ni nyuwosatho khampwatthenle!” onghima Yave.

Yeremiya 32:33

Aakirera ettuli ehikiwehaka; kaamwaaxuttiharu imaara imaarasene, khayaatthuna okiiwa hata khayaakhulenle wookoleliwa.

Yeremiya 36:31

Miyo kinoomuttaruxa yoowo, anamwanaawe ni anamalakaawe niwoko na sootthekasawe. Kinimwaaruuhelasa awo, amaki a oYerusaleemu ni atthu a oYuda erisa yootheene kaalakelenlaaka, yeenre ehikipwattha.’”

Yeremiya 6:17

Kohaakhaliha anamalipelela variyariwanyu kiweerelaka: ‘Mwiiwe nnenesene oruma wa nipalapatta.’ Vaheera mweenre: ‘Khanimpwattha.’

Zakariya 1:4

Muhikhale ntoko makholowaanyu, wa yaawo yaalaleeriwe ni maprofeeti a khalayi masu ala: ‘Yave a ikuru sootheene oneera ha: ‘Muhiyeke iphirosanyu ni mitekosanyu soonanara.’ Mene awosa khayaatthunne wiiwa naari khayaakipwantthe, onghima Yave.

aHeberi 12:25

Mwiipasoope weera muhimukhootte Yoowo onuuluma. Yaawo yaakhoontte omwiiwa yoowo aawooperera mweelaponi, khayoopongwe ottaruxiwa. Woopwahaxa hiyo nnithorihiwe, namukhootta yoole onnooperera areene wiirimu.