Yeremiya 24:6 - Emakhuwa Bible

⁶ Kinimwaapwattha, ni nkinaahokoloxera elapweene yeela. Miyo kinimwaatekiha, kihaaphwataka; Miyo kinimwaatikithera, kihaavenxaka.

Yeremiya 24:6 Iomraidhean Croise

Epacerero 44:21

Apwiyaaka mwaaweerela arummeyaanyu ala: ‘Mwakiruuhele wenno weera kimoone.’

2 Nyaha 16:9

Vano, maitho a Yave angweha elapo yootheene weera aalipihere ootheene yaawo animukhalela nthiti ni murima wootheene. Wa yeeyo, nyuwo moopaka ya ololo. Okhuma vaanaano va woorowa ohoolo, mmweereke owana ikhotto.”

Nehemiya 5:19

Mukuupuwelele ni murima wooreera, Yave, niwoko na sootheene seiye kipakenlaaka muloko ola.

Icipo 34:15

Yave ongwoona yaale ari oororomeleya ni Owo onimwiiwa okhuwelawaya.

Icipo 44:2

Mohoomola miloko ni matataanyu, munaamakiha makholowaahu mulaponimwaya. Mwaaphwata miloko munaakhaliha nnenesene makholowaahu.

Yesaya 14:1

Yave onoomorela ikharari ekhapira ya Yakobe; onoothanlatho ekhapira ya Yixrayeli ni onootekiha mweelaponimwayaxa. Anamarwa anookhala ni yaawo epakelaka mpatta ekhapira ya Yakobe.

Yesaya 60:21

Vanonto mulokwaanyu wootheene onookhala woororomeleya ni onookuxa elapo wa mahuku ootheene. Awosa ti niphuwa kiphatteiyaaka, muteko wa matataaka ntoko eyoonihero ya ovuwawaka.

Yeremiya 1:10

Moone, olelo kohoovahani ikuru wa miloko ni omwene weera mwaakhe, mphwate, muhele nthala ni mukankhanyule, nitho weera muteke ni mphatteye.”

Yeremiya 12:15

Vaheera kivenxaleene, kinoomorelatho ikharari ni kinoomuhokoloxera khula mutthu yoohiyeriwaawe ni elapwaawe.

Yeremiya 16:15

mene awosa animweera: ‘Ninlipela mwa Nsina na Yave, mwa Yoowo aakhumihale aYixrayeli mweelaponi mwa ottuttuwani ni mweelaponi sootheene mwa weiwo aawoomolenlaawewo.’ Vano kinimwaahokoloxera mweelaponimwaya, mwa yeeyo kaavanghaaka makholowaaya.

Yeremiya 21:10

Koolakela opakela yoonanara esidade ela, ehikhanle yooreera, onghima Yave. Eyo enimwinnyereriwa mmatatani mwa mwene a oBabiloniya ni owo onoohisa.

Yeremiya 23:3

Miyo muneenaaka kinimwaathukumanyiha yaawo ahalahanle a muhuwaaka mweelaponi sootheene kiwoomolenlaakawo ni kinimwaahokoloxera yaacaayamo. Wu animunnuwa erelaneke.

Yeremiya 29:10

Yave oneera ha: “Sikwanenleene iyaakha miloko mithannamiili mureene oBabiloniya, Miyo kinookwanihera yoororomelihaaka mwaha wa nyuwo, woohokoloxerani nipuro nna.

Yeremiya 31:28

Mooteene yoowo kaawehawenghaaka weera kiphele ni kinyaaye, weera kuuhe, kiphwate ni kaaruuhele erisa, kinimwaawehawehatho weera kiteke ni kiphatteye,” onghima Yave.

Yeremiya 31:4

Miyo kinimootekatho, Ii! Mwaamwali oowiikosoopa oYixrayeli! Weyo onooraseliwa! Weyo onimwiiphwanelihatho ni miheya ni onookhuma wiinaka ni yaawo anghakalala.

Yeremiya 32:37

Vekhaikhai Miyo kinimwaathukumanyiha mulaponi moothemwene kaamwaraxenlaaka musaranimwaka soopatta ni moonyoonyiwanimwaka otokotoko; Miyo kinimwaahokoloxera nipuro nna ni kinootthunihera weera ekhale oolipeene.

Yeremiya 32:41

Kinoohakalalela waapakelawaka nnene, ni kinimwaakhaliha oolipeene mulaponimu ni murimaaka wootheene ni okumaaka wootheene.

Yeremiya 33:7

Kinooceendya oreereliwa wa oYuda ni oYixrayeli ni kinooreherera ntoko waaraaya khalayi.

Yeremiya 33:9

Vano esidade ela enookivaha epili, ohakalala, ottottopela ni ovuwa, ohoolo wa miloko sootheene sa mulaponi sineera siiwe sa mipuha sootheene kimpakelaaka. Ni seiyo sinoosareya woova sithukumelaka niwoko na onnene otokotoko ni murettele kimvahaaka oYerusaleemu.’

Yeremiya 39:12

“Munrowele ni mwamukosoope; muhimuhasule, mene mpake yeeyo aneeraawe avekele.”

Yeremiya 42:10

‘Nyuwosa mwapwaherera okhala mulaponimu, Miyo kinimootekihani ni nkoophwatani; Miyo kinimoophatteyani ni nkoophelani, niwoko koothananaxa mwaha wa erisa kooruuhenlaakani.

Ezekiyeli 36:24

Vano Miyo kinimoovenxani eriyari ya miloko, kinimoothukumanyihani eriyari ya ilapo sootheene, koohokoloxerekeni elapwaanyu.

Amosi 9:14

Kinimwaahokoloxa aYixrayeli, mulokwaaka oronghiwe wootthukiwani; awosa anoorasela isidade sooheleya nthala ni mmo anookhalamo. Anoophatteya imatta sa iwuuva*, ewureke eviinyuwaaya; anoolima woophatteyamo nyiri eceeke soowiimasaya.

Deuteronomiyo 11:12

Ti elapo Yave Mulukwaanyu onkosoopaawe; maithwaawe annapwaherera owehawo okhuma ompacereroni mpaka ommaleloni wa eyaakha.

1 Pedru 3:12

Niwoko maitho a Apwiya anaaweha atthu oororomeleya, ni maaruwaaya aniiwa mavekelo a yaawo, mene Apwiya ti mwiittana a yaawo ampaka yoonanara.”