Yeremiya 24:10 - Emakhuwa Bible

¹⁰ Kinimwaarumihelasa ekhotto, etala ni nihooxo mpaka eneeraaya emalamalihiwe mulaponi kaavanghaaka awo ni makholowaaya.’ ”

Yeremiya 24:10 Iomraidhean Croise

1 Mamwene 14:15

Vano Yave onimwaattaruxa aYixrayeli moota wooweera onuukhale ntoko ettheere yookuxiwa ni maahi. Owo onoowaakha aYixrayeli mweelaponi yooreera ela aavanghaawe makholowaaya, aamwaraxelaka okhopela mooloko Efratesi niwoko yaatannyera isara sa Yave epakaka nyiri soothipeleliwa Axera.

Yesaya 51:19

Sinoomorelani irisa sooheleleleya: mathala ni ophwata, etala ni ekatana. Taani anoomoreleni ikharari? Taani anoopepeseni?

Yeremiya 14:12

Naari etthukaka, Miyo nkirwa kiwiiwa okhuwelawaya; naari epakaka sooveleela soohisa ni sa etrigu, nkirwa kiwaakhulela. Ohiyanawaya, kinimwaaphwata ni ekatana, etala ni nihooxo.”

Yeremiya 15:2

Vano, awosa yookohani: ‘Niroweke woowi?’ Vano mwaaleele: ‘Yave oneera ha: Yaawosa alakeleliwe wiiviwa, animwiiviwa; yaawosa alakeleliwe ekatana, anookakatthiwa; yaawosa alakeleliwe etala, anoohaawa etala ni yaawosa alakeleliwe wootthukiwani, anooronghiwa wootthukiwani.’

Yeremiya 16:4

“Awosa sinoowiiva iretta soowoopiha. Khaawo anaakhupanyere awosa hata kheevithiwa, mene anookhala ntoko ikokhola vatthayani. Animwiiviwa ni ekatana ni etala ni mittembosaya sinookhala sooca wa ipalame sa wiirimu ni axinama a ntuphini.”

Yeremiya 19:7

Vanipuroni nna kinoonanariha soovaanela sa oYuda ni oYerusaleemu. Kinoopakiha weera yiiviwe ni amwiittanaaya mukatanani; mmatatani mwa yaawo anaattharatthara ni kinoovaha mittembosaya ntoko yooca wa ipalame sa wiirimu ni axinama a ntuphini.

Yeremiya 21:9

Yaale eneera ehiixinnyerere mwa aBabiloniya yoorinceni animookhwa ni ekatana, etala hoye hoye nihooxo. Vaheera yaale eneera ekhume yiixinnyereraka mwa aBabiloniya anookhalano okumi. Awo anootthawa yoopoweke.

Yeremiya 27:8

Wa soothesene, muloko hoye hoye omwene oneera ohimwiiwelele Nebukadenezari, mwene a oBabiloniya, naari ohiware nivatta noolemela muxikomwawe, Miyo kinoottaruxa muloko owo ni ekhotto, etala ni nihooxo, oneera Yave, ni mwa yoowo kinoophwata woomalela.

Yeremiya 29:17

Aani, Yave a ikuru sootheene oneera ha: “Kinimwaarumihela ekhotto, etala ni nihooxo; kinimwaapakela ntoko ifiigu soonanaraxa soohiwereya oceya.

Yeremiya 29:18

Miyo kinimwaattharelela ni ekhotto, etala ni nihooxo; kinimwaapaka moopopihero wa imwene sootheene sa mulaponi, nlapho, ethoonyero, otthebwa ni munyakunyaku eriyari ya miloko sootheene mwa weiwo Miyo kaamwaraxenlaaka.

Yeremiya 32:24

Ikaaro sookurumulela exiri sintekiwa ni amwiittana weera ekuxe esidade. Eyo enimwinnyereriwa mmatatani mwa aBabiloniya angwanano niwoko na ekhotto, etala ni nihooxo. Yookwanihereya yeele mwaahimmaanyu, ntoko munoonaanyu vano.

Yeremiya 32:25

Ii Yave onlamula sootheene, eyo eri hiiho, ‘Nyuwo mookiruma othuma ematta ni waalattula anamoona wa othuma wu, naari esidade yinnyereriweene mmatatani mwa aBabiloniya!’ ”

Yeremiya 34:17

Vanonto, Yave oneera ha: Nyuwosa khamukiiwelenle; khamulaleiye otapuxa wa mukhwiinyu ni wa mwaattamanaanyu. Tivawo, Miyo kinlaleiyaaka otapuxeyawanyu, onghima Yave, aani, moota wa otapuxeya oneera owiiveeni mwa ekatana, mwa nihooxo ni mwa etala. Kinoopakiha weera nyuwosa mukhale etthu yoowoopiha wa omwene wootheene wa mulaponi.

Yeremiya 42:17

Vekhaikhai, ootheene alakenle oottimula ni orowa omaka wExipitu animookhwa ekhotto, etala ni nihooxo; khahalaru naari mmoha a yaawo hoye hoye khoopowa wa erisa kineeraaka kaaruuhele.’

Yeremiya 42:22

Wa soothesene, vano mukupali weera munimookhwa ni ekhotto, etala ni nihooxo, vanipuroni munghaawelaanyu okhala.”

Yeremiya 5:12

Awosa yaahootha mwaha wa Yave; awosa yaaheera: “Owo kharwa apaka etthu. Kheewowo eneera enikhumelele. Khanirwa noonatho ekatana hata etala.

Yeremiya 9:15

Tivawo Yave a ikuru sootheene, Muluku a aYixrayeli oneeraawe ha: “Moone, kinoonyesereriha muloko ola oca sooca soowaawa ni owura maahi ooheliwa yoohapala.

Yeremiya 9:16

Kinimwaamwaraxela variyari wa miloko awosa naari makholowaaya yahaasuwenlaaya ni kinimwaarumihela ekatana mpaka kineeraaka kaaphwate.”

Ezekiyeli 33:27

Mwaaleelase weera Yave onlamula sootheene oneera ha: ‘Kinlipela mwa okumaaka weera yaawo eniihale mmathalani, eniyiiviwe ni ekatana, yaawo ari mutuphini kinoowinnyerera wa axinama a mutuphini weera enyaanyiwe, ni yaawo antthawela moolipa ni munyattani animwiiviwa ni nihooxo.

Ezekiyeli 6:11

Yave onlamula sootheene oneera ha: Muttikitthe matata, mmane inaawo ni mukhuwele: “Maayi miyo!” mwaha wa soopaka sootakhala soohiira sa muloko wa aYixrayeli, niwoko awosa eniyiiviwe ni ekatana, etala ni nihooxo.

Ezekiyeli 7:15

Ekatana eri vaate, nihooxo ni etala siri mpuwa; yoowo anaakhale ntuphini, aniiviwe ni ekatana, ni yoowo anaakhale musidade, anaakhwe etala ni nihooxo.

Deuteronomiyo 28:21

Yave onimoorumihelasani mahooxo a iretta mpaka ophwatiwawanyu mweelaponi muneeraanyu mwavolowe weera mwakuxe.

Ethupululo 6:8

Kaaweha, ni ohoolowaka yaakhala ekavalu* yootteelela. Yoole eettiha iitthaniwa Okhwa, ni Hadesi* aamutthara vakhiviruweene. Yaavahiwa ikuru wa mpatta wanaaxexe wa elapo ya vathi weera awiive ni ekatana, etala, ikwerere ni asinama oowoopiha a ntuphini.