Yeremiya 23:8 - Emakhuwa Bible

⁸ mene eniyeere: ‘Kinlipela mwa Nsina na Yave mwa yoowo aakhumihale ekhapira ya aYixrayeli mweelaponi mwa ottuttuwani ni mweelaponi sootheene mwa weiwo owoomolenlaawewo.’ Ni awosa anookhala mweelaponimwaya.”

Yeremiya 23:8 Iomraidhean Croise

Yesaya 11:11

Vanihukuni nenenenno Yave onimookolatho moono weera aahokoloxere oohalahala a mulokwaawe ahiiwe wAsiriya, wExipitu, oPatrosi, oKuxe, wElami, oBabiloniya, oHamati ni icirumba sa mphareiya.

Yesaya 14:1

Yave onoomorela ikharari ekhapira ya Yakobe; onoothanlatho ekhapira ya Yixrayeli ni onootekiha mweelaponimwayaxa. Anamarwa anookhala ni yaawo epakelaka mpatta ekhapira ya Yakobe.

Yeremiya 16:14

“Wa soothesene, anoophiyera mahuku,” onghima Yave, “asilopwana eneeraaya eheeretho: ‘Ninlipela mwa Nsina na Yave, mwa Yoowo aakhumihale aYixrayeli wExipitu,’

Yeremiya 16:15

mene awosa animweera: ‘Ninlipela mwa Nsina na Yave, mwa Yoowo aakhumihale aYixrayeli mweelaponi mwa ottuttuwani ni mweelaponi sootheene mwa weiwo aawoomolenlaawewo.’ Vano kinimwaahokoloxera mweelaponimwaya, mwa yeeyo kaavanghaaka makholowaaya.

Yeremiya 23:3

Miyo muneenaaka kinimwaathukumanyiha yaawo ahalahanle a muhuwaaka mweelaponi sootheene kiwoomolenlaakawo ni kinimwaahokoloxera yaacaayamo. Wu animunnuwa erelaneke.

Yeremiya 29:14

Miyo kinimwiihiya weera kiphwanyiwe ni nyuwo,” onghima Yave, “ni kinimoohokoloxani wootthukiwani. Miyo kinimoothukumanyihani mmilokoni moothemwene ni mmapuroni moothemwene koomwaraxenlaakani, ni kinimoohokoloxerani mmapuroni kootthukenlaakani,” onghima Yave.

Yeremiya 30:10

‘Tivawo, ohoove, murumeiyaaka, Yakobe! Ii! Yixrayeli! Muhituthuwe,’ onghima Yave. ‘Miyo kinoowoopolani nipuro noorakamela, ni ekhapiraanyu, elapo mutthukeliwaanyuwo. Yakobe onoohokolowa ni onookhala mmuretteleni ni oolipeene; khaawo anooramaramihe.

Yeremiya 30:3

Vekhaikhai anoophiyera mahuku,’ onghima Yave, ‘kineeraaka kiceendye oreereliwa wa mulokwaaka, aYixrayeli ni aYuda, ni kinimwaahokoloxera elapo kaavanghaaka makholowaaya, weera ekuxe,’ oneera Yave.”

Yeremiya 31:8

Moone Miyo kinimwaaruuha mweelaponi ya ottuttuwani ni kinimwaathukumanyiha ekotenle elapo. Eriyaraaya onookhala oohoona ni oorakala, asithiyana oorupala ni angyara; nakupa mutokotoko onoohokolowa.

Yeremiya 32:37

Vekhaikhai Miyo kinimwaathukumanyiha mulaponi moothemwene kaamwaraxenlaaka musaranimwaka soopatta ni moonyoonyiwanimwaka otokotoko; Miyo kinimwaahokoloxera nipuro nna ni kinootthunihera weera ekhale oolipeene.

Yeremiya 8:3

Ootheene ahalahanle a muloko owo anoothanla wiiviwa ohiya okhala ni okumi mmapuroni ootheene mwa weiwo kineeraaka kiwoomolele, onghima Yave a ikuru sootheene.’”

Ezekiyeli 28:25

“ ‘Yave onlamula sootheene oneera ha: Kaathukumanyihaka aYixrayeli eriyari ya miloko mwa seiyo amwaraxeliwaaya, Miyo kinimwiixoonihera Ootteela eriyaraaya vamaithoni wa miloko. Hiiho awosa anookhalasa mulaponimwaya xaxaxa, mwa yeeyo kaamvanghaaka murumeiyaaka Yakobe.

Ezekiyeli 34:13

Miyo kinookhumiha mmilokoni sikina, kithukumanyiheke, kihokoloxaka omilokoni sikina, kiruuhelaka mulaponimwaya. Kinoociha mmanyaakoni sa oYixrayeli, mureyareyani ni mmittettheni sootheene sa elapo.

Ezekiyeli 36:24

Vano Miyo kinimoovenxani eriyari ya miloko, kinimoothukumanyihani eriyari ya ilapo sootheene, koohokoloxerekeni elapwaanyu.

Ezekiyeli 36:35

Awosa eniyeere: “Elapo ela yaari yoophwateyeene, yoothatuwa ntoko nttimbe na wEdeni; isidade saari mathalaru, sookurumuwa ni soophwateya, vano soolipihiwa ni soomakiwa.”

Ezekiyeli 37:25

Eniikhalase mulaponi kimvanghaaka murumeiyaaka Yakobe, elapoweene yeeyo yaakhalaaya makholowaaya. Awosa vamoha ni anamwanaaya, mpakatho osuulwaaya eniikhalewo wa mahuku ootheene, ni murumeiyaaka Davide onookhala mwaana a emwenaaya wa mahuku ootheene.

Ezekiyeli 39:28

Hiiho, awosa anoosuwela weera Miyo ti Yave, Mulukwaaya, niwoko kaarimwaarumihelaru wootthukiwani elapo ekina eriyari ya miloko, Miyo kinimwaathukumanyiha mulaponimwaya, kihimuhiyakaru ottuli naari mmoha a yaawosa.

Yoweli 3:7

Moone, kinimwaakhumihamo mmapuroni mwaathumihenraanyumo ni kinimoohokoloxerani yeeyo mpankaanyu.

Mikeyasi 7:15

Ntoko mmahukuni mwaakhumaanyu wExipitu, kinimoonihera sootikhinihasaka.

Zefaniya 3:20

Ehuhuweene yeeyo, Miyo kinimoothukumanyihani; ehuhuweene yeeyo, Miyo kinimoohokoloxerani owaani. Miyo kinimoovahani nttittimiho ni ovuwa eriyari ya miloko sootheene sa mulaponi, kaarehereraka oreeriwawanyu vamaithoniwanyu,” oneera Yave.