Yeremiya 23:6 - Emakhuwa Bible

⁶ Mmahukunimwawe oYuda onoovuluxiwa ni oYixrayeli onookhala woolipeene. Ni nsina aneeraawe iitthaneliwe ti nna: ave ti Ekhaikhaiyaahu.

Yeremiya 23:6 Iomraidhean Croise

1 Mamwene 4:25

Mweehuhuni ya Salomoni, oYuda ni oYixrayeli, okhuma oDani mpaka oBerxeba waakhala woolipeene – khula mutthu aarino emattaawe ya iwuuva* ni nyiri sa efiigu*.

Icipo 45:5

Nyuupasanyu soowiithihiwa sihomeke mirima sa amwiittana a mwene; miloko simoreleke vathi wa inaawosanyu.

Okhuma 9:26

Elapo ya oGoxeni paahi, yaaraayawo aYixrayeli, yahaamorenlaayawo maralala.

Yesaya 2:4

Owo onoothoriha eriyari ya miloko ni onimuuluma minyakunyaku sa miloko sincipale. Awosa anootatuxa ikatanasaya ixaruwa ni mavakaaya icikwaakhwa. Muloko mmoha khookuxaru ikapwitthi soowanelano muloko mukina hata khasiirehererelatho owana.

Yesaya 32:1

Moone, mwene onoolamula moororomeleyani ni anamalamula anoolamula mweekhaikhaiyini.

Yesaya 32:18

Mulokwaaka onoomaka mmapuroni a murettele, okhalaka moomaaleleya ni mmapuroni ootikithereya,

Yesaya 33:22

Vano Yave ti Mphukaahu onnilamula. Yave ti Mwenaahu; ti Yoowo aneera anivuluxe.

Yesaya 33:5

Yavetho oovuwihiwa, Owo onkhala osulusulu; Owo onoosariha oSiyoni ekhaikhai ni ororomeleya.

Yesaya 35:9

Khakhalawo mwatto naari mwaamunama ooluwa. Khawoworu anaaphwanyaneyemo. Oovuluxiwa paahi eneera yeettemo,

Yesaya 42:6

“Miyo, Yave, koowiitthanani moororomeleyani; kinimoovarelani oolipeene. Kinimoothokororani kookhalihakani ntoko namwiiraanyiha a miloko ni waara wa amalapo,

Yesaya 45:17

Vaheera Yave onoovuluxa oYixrayeli ni ovuluxiwa woohimala; khookhalatho wuulihiheya muru hata oyeviheya wa mahuku ootheene

Yesaya 54:17

Khawoworu kapwitthi mpakeliwaanyu woonanarihani anaaweereeni etthu ni nyuwo munoomuvaanya khula anawoothereni. Eyo ti yoohiyeriwa wa arumeiyi a Yave, ni wu ti waakiha kimpakelaaka mwaha wa yaawo,” onghima Yave.

Yesaya 7:14

Tivawo Yave muneene aneeraawe oovaheeni, eneneero: mwaamwali oowiikosoopa onoorupala, amuyareke Mwaana Mulopwana ni onoomutteha Emanuweli.

Yesaya 9:6

Wa hiyo nooyareliwa Mwaana; wa hiyo noovahiwa Mwaana Mulopwana ni olamula ori mmakhatanimwawe. Owo onimwiitthaniwa Namalaka Ooreeraxa, Muluku a ikuruxa, Tiithi Oohimala ni Mutokweene a murettele.

Yeremiya 29:11

Vano Miyo koosuwela soowuupuwelasaka kiweerelakani nyuwo,” onghima Yave, “soowuupuwela keerelaka murettelaanyu ohikhanle woophwatani, soowuupuwela woovahani oweherera ni sa muhoolo.

Yeremiya 30:10

‘Tivawo, ohoove, murumeiyaaka, Yakobe! Ii! Yixrayeli! Muhituthuwe,’ onghima Yave. ‘Miyo kinoowoopolani nipuro noorakamela, ni ekhapiraanyu, elapo mutthukeliwaanyuwo. Yakobe onoohokolowa ni onookhala mmuretteleni ni oolipeene; khaawo anooramaramihe.

Yeremiya 31:23

Yave a ikuru sootheene, Muluku a oYixrayeli oneera ha: “Miyo kaahokoloxaka wootthukiwani, muloko wa oYuda ni mittetthesaya onimweeratho: ‘Ii! Wookhala woororomeleya, ii! Mwaako wootteela – Yave ooreeliheni.’

Yeremiya 32:37

Vekhaikhai Miyo kinimwaathukumanyiha mulaponi moothemwene kaamwaraxenlaaka musaranimwaka soopatta ni moonyoonyiwanimwaka otokotoko; Miyo kinimwaahokoloxera nipuro nna ni kinootthunihera weera ekhale oolipeene.

Yeremiya 33:15

Mmahukuni awo ni mweehuhuni eyo kinoophuwihatho Ephandi Yoororomeleya ya ekhapira ya Davide; Owo onoopaka yeeyo eri yoororomeleya ni yooreera mulaponi.

Yeremiya 33:16

Mmahukuni awo oYuda onoovuluxiwa ni oYerusaleemu onookhala woolipeene, Nsina aneeraawe iitthaneliwe ti nna: Yave ti ekhaikhayaahu.’

Ezekiyeli 21:27

Oheleya nthala! Oheleya nthala! Miyo kinooheliha nthala! Kheerehereriwa ahirwiiye yoole ophwanenle okhala muneene yeeyo; vano wa yoowo kinoomvaha.’

Ezekiyeli 28:26

Awosa anookhalawo oolipeene, anooteka impa, ephatteyeke ivideira*; anookhala oolipeene Miyo kaattaruxaka amwaattamanaaya ootheene yaapakenle yoonanara. Hiiho, awosa anoosuwela weera Miyo ti Yave Mulukwaaya.’”

Ezekiyeli 38:14

Tivawo mwaana a mutthu, munthalihere otthunawaka ni mmweerele Gogi: ‘Yave onlamula sootheene oneera ha: Nihuku nno, mulokwaaka aYixrayeli waakhalaka woolipeene, weeraka nyuwo khamoona yeeyo?

Ezekiyeli 48:35

Othanuwa wa mukhwipimwaya moothemwene okhalaneke ikilomeetru* ithanniixexe ni eriyari ya ekilomeetru* emoha. Okhuma ehuhuweene yeeyo woorowa ohoolo, esidade yiitthaniweke: ‘Yave ori vaava.’ ”

Daniyeli 9:24

Soothanliwa isimana miloko mithannamiili wa mulokwaanyu ni esidadaanyu yootteela weera sootakhala ni soottheka simalihiwe; weera eliviwe mathowa, eruuhiwe ekhaikhai wa mahuku ootheene, okwanihereye moonelo ni masu a muhoolo ni weera Ootteelaxa attikittheliwe.

Daniyeli 9:7

Yave, Nyuwo ti a ekhaikhai, mene olelo nohuulihiheyaxa muru niwoko na ohiroromeleyawahu ni Nyuwo – aani hiyo a oYuda, amaki a oYerusaleemu ni aYixrayeli ootheene ekhalaka vakhiviru naari ottaiwene, mweelaponi sootheene munimwaraxenlaanyu.

Hoxeya 1:11

Muloko wa oYuda ni wa oYixrayeli onoothukumanyihiwa, ni awosa anoomukhaliha muhooleli mmoha ni sinooweettela nnene mulaponi, niwoko nihuku nno, nnookhala ntokotoko oYizereyeli.

Hoxeya 1:7

Wa soothesene, kinoopwattha ni osivela muloko wa oYuda; ni Miyo kinoovuluxa, ohikhanle mwa muura, ekatana hoye hoye mukhottoni, hata mwa ikavalu* ni anamweettihaaya, mene mwa Yave, Mulukwaaya.”

Hoxeya 2:18

Vanihukuni nno, kiweerelakani nyuwo, kinoowiiraanano axinama a ntuphini, ipalame sa wiirimu, mpakatho axinama aniipurula. Kinoovenxa mulaponi muura, ekatana ni ekhotto, weera ootheene ewere okhala oolipeene.

Obadiya 1:17

Vaheera vamwaako Siyoni onuukhale woopowa; mwaako ole onuukhale wootteela ni ekhapira ya Yakobe enookhalano yoohiyeriwaaya.

Obadiya 1:21

Yaale yoopongwe anoowela vamwaako wa oSiyoni weera elamule nyaako sa Esawu. Ni omwene onuukhale wa Yave.

Zefaniya 3:13

Oohalahala a oYixrayeli kheepaka yoohiroromeleya; awosa khayootha, hata kheephwanyaniwa mmwaanomwaya yoolokottha. Awosa animooca yiitthuuweke, ahikhalaka anaawoopopihe.”

Zakariya 10:6

Kinoolipiha ekhapira ya oYuda ni kinoovuluxa ekhapira ya Yoseefe. Kinooreherera niwoko koosarela ikharari. Atthwaaya anookhala ntoko nkinaakhootte, niwoko Miyo ti Yave Mulukwaaya ni kinoowaakhulasa.

Zakariya 3:10

Vanihukuni nenenenno khula mutthu a nyuwosa onoomulattula mukhwaawe weera akilaathi vathi wa evideiraawe* ni wa mwiraawe wa efiigu*,’ onghima Yave a ikuru sootheene.”

aRooma 3:22

Vano, waakhuleliwa ni Muluku iwo onrweela niwoko na nroromelo mwa Yeesu Kristu wa ootheene animuroromela. Khaniwowo nthalu,

1 aKorinto 1:30

Mwa yeeyo, ti niwoko na Muluku nyuwo muraanyu mwa Kristu Yeesu, Yoowo othatungwe wa hiyo miruku sa Muluku, eyo tiiyo, waakhuleliwawahu, ntteelihonahu ni ovuluxiwawahu,

2 aKorinto 5:21

Niwoko na hiyo Muluku oomutatuxa yoottheka Yoowo ahaasuwenle yoottheka, weera mwa Yoowo hiyo nikhale oowaakheleliwa ni Muluku.

aFilipi 3:9

ni kiphwanyiwe mwa Yoowo, kihikhalanaka ekhaikhaiyaaka enrweela munlamuloni, mene waakhuleliwa weiwe onrweela munroromeloni mwa Kristu, waakhuleliwa weiwe onrweela wa Muluku okhalihiweene munroromeloni.