Yeremiya 23:39 - Emakhuwa Bible

³⁹ Tivawo kineeraaka koottiwalaseni ni koovonyeraseni ottaiwaka, vamoha ni esidade koovanghaakani nyuwo ni makholowaanyu.

Yeremiya 23:39 Iomraidhean Croise

Epacerero 4:16

Vano Kayini aasusa vamaithoni wa Yave ni aarowa omaka mweelaponi ya oNodi, mpatta ninkhuma nsuwa wEdeni.

Epacerero 6:17

Miyo kinoorupiha mirupi sincipale mweelaponi yootheene ya vathi weera kiphwate soopattuxiwa sootheene siri ni okumi. Sootheene siri mweelaponi yootheene sinimookhwa.

2 Mamwene 23:27

Vano Yave aaheera: "Kinoovenxa oYuda vamaithoniwaka ntoko kivenxalaaka oYixrayeli ni kinoohiya oYerusaleemu, esidade kaathanlalaaka nitho Empa ya Yave ela mwa yeela kaahimmaaka: 'Nsinanaka nkahelemo.”

Icipo 51:11

Muhikoomole vamaithoniwanyu hoye hoye muhikivenxere Munepaanyu Wootteela.

Masu a Miruku 13:13

Yoowo onderera ohusihiwa onoolivelano, vaheera yoowo onttittimiha nlamulo onootthuveliwa.

Yesaya 48:15

Miyo, aani Miyo muneenaaka kuulumme yeeyo; Miyo koomwiitthana. Miyo kinoomuruuha ni owo onoomweettela nnenesene mutekwaawe.

Yesaya 51:12

“Miyo, aani ti Yoomi kinoopepesani. Heeni mungwoovaanyu atthu ankhwa, anamwane a atthu ari malaxi paahi?

Yeremiya 12:7

Koohiya empaaka ni yoohiyeraaka. Kinoomwinnyerera yoowo kinimusivelaaka mmatatani mwa amwiittanaawe.

Yeremiya 23:33

“Muloko ola, hoye hoye mapofeeti naari musaserdoti* ookohakani: ‘Mutthenga heeni woolemela mwa yoowo Yave owinnyerenraaweni?’ Mwaaleele: ‘Nyuwo ti yoolemela! Ni Miyo kinimoovenyerani, oneera Yave.’

Yeremiya 23:38

Mene nyuwosa mweera: ‘Ola ti mutthenga okinnyerenraawe Yave,’ vano Yave oneera ha: Nyuwosa muneera: ‘Ola ti mutthenga mwa yoowo Yave okinnyerenraawe,’ Miyo kaawooperenreeneni weera muheere hiiho.

Yeremiya 35:17

Vanonto Yave a ikuru sootheene, Muluku a oYixrayeli oneera ha: ‘Mwiiwe, kinooruuhela oYuda ni amaki ootheene a oYerusaleemu erisa yootheene mwa yeeyo kaawoopererenlaaka; niwoko kaahaaleela, mene khayaakiiwale, kaawiitthana, mene khayaakaakhunle.’ ”

Yeremiya 36:31

Miyo kinoomuttaruxa yoowo, anamwanaawe ni anamalakaawe niwoko na sootthekasawe. Kinimwaaruuhelasa awo, amaki a oYerusaleemu ni atthu a oYuda erisa yootheene kaalakelenlaaka, yeenre ehikipwattha.’”

Yeremiya 52:3

Isara sa Yave saatannyiwa oYerusaleemu ni oYuda, moota wooweera waatthuneya Owo waavenxa vamaithoniwawe. Vano Zedekiya aamvaanya mwene a oBabiloniya.

Yeremiya 7:14

Tivawo, yeeyo kipakenlaaka oXilo vano kinoopakela Empa ela erino Nsinanaka, Empa ya Yave mwa yeeyo munroromelaanyu, nipuro koovanghaakani nyuwosa ni makholowaanyu.

Yeremiya 7:15

Kinoowoomolasani vamaithoniwaka ntoko kaapakenlaaka axunninyu, muloko wa wEfrayimi.’”

Icipo Soolalamika 5:20

Vano munnittiwalelani mahuku ootheene? Munnithaamelani mweehuhuni yincipale?

Ezekiyeli 34:11

Vano, Yave onlamula sootheene, oneera ha: Yoomeene kinimwaasaasa ikhondoolosaka kikosoopeke.

Ezekiyeli 34:20

Tivawo Yave onlamula sootheene ongweerelaawe ha: Moone, Yoomeene nkithorihe eriyari ya ekhondoolo yooneneva ni yoowoonda.

Ezekiyeli 5:8

Tivawo Yave onlamula sootheene oneeraawe ha: Miyo kinoowananani nyuwo Yerusaleemu ni kinimoottaruxani miloko soonaka.

Ezekiyeli 6:3

ni mweere: ‘Ii! Nyaako sa oYixrayeli, mwiiwe masu a Yave onlamula sootheene. Oneerela ha Yave onlamula sootheene, nyaako ni mattumuxa, maxaapwa ni mareyareya: Kihanle vakhaani wooruuhelasani ekatana; kinimwaaphwata altaaraanyu* mwa mwemmo munlapaanyu miluku soowootha.

Ezekiyeli 8:18

Tivawo kineeraaka kiwoonihere isara; nkaaweha ni ikharari hata nkiwuurelaru. Naari ekikhuwelelaka, nkiwiiwa.”

Ezekiyeli 9:6

Mwaawiive asitokweene, amiravo, asimwali, asithiyana ni asinamwane. Vaheera, muhimutaveru yoowo anaakhaleno eneneero. Mpacereke vaNipuroniwaka Nootteela*.” Vano awosa yaapacenre asitokweene yaari ohoolo wa Empa ya Yave.

Hoxeya 4:6

Mulokwaaka woophwatiwa niwoko na ohikisuwela Miyo. Mweenre mukhoottaka esuwelo, Miyotho kinimookhoottani okhala asaserdotaaka; mweenre mukhoottaka Nlamulo na Mulukwaanyu, Miyotho nkaapwattha anamwaniinyu.

Hoxeya 5:14

Vano, wa Efrayimi, kinookhala ntoko mwatto, ni ntoko mwatto mutokweene wa Yuda. Miyo kinoomunyaanya kipwaheke; Miyo kinimwaakuxa, ahikhalaka oowaatapuxa.

Levitiku 26:28

Miyo kinookhala Mwiittananyu koonyoonyeriwakani, koottaruxakani imaara ithannapiili niwoko na sootthekasanyu.

Matheyo 25:41

Vano Owo anaaweerele yaawo a moono muthiyana: ‘Oolaphiwa! Mususeke wa Miyo mpaka mmooroni woohimala oreherereliwaawe Satana ni andyelowaawe.

Deuteronomiyo 32:39

Moone weera Miyo ti mmoharu Yoomeene. Khoowowo muluku mukina kihikhanle Miyo. Ti miyo kiniiva ni kimvaha okumi. Kimvulaliha ni kinlamiha. Khaawo ongwera wiitapuxa mmatatanimwaka.

2 aTesalonika 1:9

Awo eniihaawe ottaruxiwa wa ophwatiwa woohimala, ekhalaka ottaiwene wa ekhove ya Apwiya ni wa ovuwa wa ikurusaya.