Yeremiya 23:22 - Emakhuwa Bible

²² Vaheera awosa yaarwiiye omuthukumanoniwaka, yaamulaleera maswaaka mulokwaaka ni yaampakiha weera orukunxe murima mmweettelonimwaya ni soopakasaya soonanara.

Yeremiya 23:22 Iomraidhean Croise

Yeremiya 23:14

Ni variyari wa maprofeeti a oYerusaleemu kohoonatho etthu ya mwiikho ela: Awosa anraruwa, okhalawaya ti woowootha. Awosa anaalipihera yaawo ampaka soonanara weera ahikhaleru a yaawo anaarukunxe murima mwa sootakhalasawe. Wa Miyo, ootheene yaawo anlikana oSodoma; amaki a oYerusaleemu anlikana oGomora.”

Yeremiya 23:18

Vaheera taani a yaawo aakhanle munthukumanoni wa Yave weera oone hoye hoye iiwe maswaawe? Taani iiwelenle ni eettenle maswaaka?

Yeremiya 25:5

Awosa yannaweerelani: “Murukunxe murima khula mutthu mweettelowaawe woonanara ni wa mapakelowaawe oonanara, ni nyuwosa munoopwaherera okhala mulaponi Yave oovanghaaweni nyuwo ni makholowaanyu wa mahuku ootheene.

Yeremiya 35:15

Kaahoorumihelasani imaara sincipale arumeiyaaka ootheene, maprofeeti. Awosa yeera khula mutthu a nyuwo waatthuneya ohiya mweettelowaawe woonanara, okhaliha nnene soopakasawe ni ohiya otthara miluku sikina weera alape. Hiiho, nyuwosa mwaammaka mulaponi koovanghaakani nyuwo ni makholowaanyu. Vaheera nyuwosa khamwaakipwantthe hata khamwaakiiwelenle.

Yeremiya 36:3

Apaale, muloko wa oYuda woonelela khula erisa kaavaanelenlaaka, khula mutthu anaahiye mweettelowaawe woonanara ni Miyo nkaalevelele yootakhala ni yootthekaaya.”

Yeremiya 9:12

Taani ori oosuwelaxa weera iiwexexe yeeyo? Taani oxuttihiwe ni Yave anaawere othaliha yeeyo? Heeni elapo eheleiyaaya nthala ni ephwatiwaaya ntoko nikare nihimviriwaru?

Ezekiyeli 13:22

Nyuwosa moompororiha oororomeleya ni soowoothasanyu, Miyo kihitthunaka waathananiha, ni mohaalipihera atakhali weera ehihiye iphirosaya soonanara, yoopolaka hiiho okumaaya.

Ezekiyeli 13:5

Nyuwosa khamurongwe ottiya mitari sa exiri wa muloko wa oYixrayeli weera eyo epwaherere yoolipeene mukhottoni vanihukuni na Yave.

Ezekiyeli 18:30

Ii! Muloko wa oYixarayeli, vanonto Miyo kinimoothorihasani, khula mutthu kimuttharihelaka mweettelowaawe, onghima Yave onlamula sootheene. Murukunxe murima! Muhiye soonanarasanyu sootheene weera yoottheka ehoomoroxeni.

Ezekiyeli 2:7

Nyuwo mwaaleeleke maswaaka, yiiwe hata ehiiwe, niwoko awosa ti anamavaanya.

Ezekiyeli 3:17

Owo aakeerela: “Mwaana a mutthu, Miyo kohoopakani namalipelela a muloko wa aYixrayeli; tivawo, mwiiwe masu kinghimaaka ni mwaaleele woopererawaka.

Amosi 3:7

Vekhaikhai Yave onlamula sootheene, khampakaru etthu ahiwoonihenre yoovaanelaawe arumeiyaawe maprofeeti.

Zakariya 1:4

Muhikhale ntoko makholowaanyu, wa yaawo yaalaleeriwe ni maprofeeti a khalayi masu ala: ‘Yave a ikuru sootheene oneera ha: ‘Muhiyeke iphirosanyu ni mitekosanyu soonanara.’ Mene awosa khayaatthunne wiiwa naari khayaakipwantthe, onghima Yave.

Malekiya 2:6

Soolaka sa ekhaikhai saari mmwaanomwawe, ni mmo khayaaphwanyaneyaru yoowootha. Owo aaheetta ni Miyo mmuretteleni ni wookoleleya, anaahapuxa ancipale mwa soottheka.

Miteko 20:27

niwoko kohoolaleerani otthuna wootheene wa Muluku.

1 aTesalonika 5:6

Tivawo nihikone ntoko akina, mene niipasoope ni nikhale oohula maitho.