Yeremiya 23:21 - Emakhuwa Bible

²¹ Nkaaruminghe maprofeeti awo, mene awosa aarowa etthimakaka okuxa mutthengaaya; kihuulumme ni yaawo, mene awosa aathalihera otthuna wa Muluku.

Yeremiya 23:21 Iomraidhean Croise

Yesaya 6:8

Vano kaahiiwa nsu na Yave, akohaka: “Kimurume taani? Taani anaarowe wa Hiyo?” Vanonto miyo keenre: “Miyo va. Mukirumihe.”

Yeremiya 14:14

Vano Yave aakeerela: “Maprofeeti anthalihera soowootha mwa Nsinanaka. Miyo nkaaruminghe, hata nkaakhalinghe naari nkuulumme ni yaawo. Awosa anoothaliherani nyoonelo soowootha, sootthoma soohimuteko, ni masu a mmurumwaya.

Yeremiya 23:32

Vekhaikhai nkiniiwananano yaawo anthalihera sooloha soowootha,” oneera Yave. “Awo anghima ni anghapuxa mulokwaaka ni soowoothasaya soohimuteko. Miyo nkaaruminghe naari nkaalamulenle. Awosa khaanruuhelaru mureerelo muloko ola,” oneera Yave.

Yeremiya 27:14

Muhiiwelele masu a maprofeeti angweerelani weera muhimwiiwelele mwene a oBabiloniya; anthalihera soowootha.

Yeremiya 27:15

Miyo nkaaruminghe! Oneera Yave. Awosa anthalihera soowootha mwa Nsinanaka. Tivawo, Miyo kinoowoomolani, ni nyuwosa munooriheya vamoha ni maprofeeti anoothaliherani masweene yaawo.”

Yeremiya 28:15

Vano mprofeeti Yeremiya aamweerela Hananiya: “Mwiiwe Hananiya! Yave khoorumingheni, mene moohapuxa muloko ola, onaroromela wootha.

Yeremiya 29:31

“Mwaarumihele mutthenga ola anamatthukiwa ootheene: Yave onghima ha sa Xemayeya muNehelami: ‘Kiroohimurumiharu, Xemayeya ohoothaliherani nyuwosa apakihaka weera nyuwosa mpwaherere ngwoothani.

Yeremiya 29:8

Aani, Yave a ikuru sootheene, Muluku a oYixrayeli, oneera ha: “Muhaahiye maprofeeti ni anahako ari eriyaraanyu yoolokotthakani. Muhiwiiwelele mwa sooloha munaalipiheraanyuno.

Yeremiya 29:9

Awosa anthalihera soowootha mwa Nsinanaka. Miyo nkaaruminghe,” onghima Yave.

Yohaane 20:21

Yeesu aaweerela veeli: “Murettele okhale ni nyuwo. Ntoko Atiithi akirumihale, hiihotho Miyo kinimoorumihani.”

Miteko 13:4

Erumihiweene ni Munepa Wootteela, awo yaarowa oSeleusiya, ni evenyaka vaavaale, yaalapuwa munikulani erowaka oKipro.

aRooma 10:15

Ni eniilaleiye hai ehirumihiwe? Ntoko elempwalaaya: “Ti sooreeraxa inaawo sa yaale anlaleiya masu ooreeraxa!”