Yeremiya 23:20 - Emakhuwa Bible

²⁰ Isara sa Yave khasisusa mpaka Owo aneeraawe akwanihere soolakelasawe. Mmahukuni a muhoolo nyuwo munimwiiwexexa.

Yeremiya 23:20 Iomraidhean Croise

Epacerero 49:1

Vano Yakobe aawiitthana anamwanaawe aweerelaka: “Mukisuseerelase va weera koothalihereni yeeyo eneera yookhumelelaseni mmahukuni a muhoolo.

1 Mamwene 8:47

Vano mweelaponi ya otthukiwawaya awosa yawuupuwelelani erukunxaka murima yoodyoonttelelakaniwo: ‘Noottheka, noopaka yoonanara neettaka ntoko anamatakhala.’

2 Mamwene 23:26

Wa soothesene, Yave khaahingye isarasawe soowoopiha saaluttuwenle oYuda niwoko na sootheene Manaxe aapankaawe, atannyaka isara sa Yave.

2 Mamwene 23:27

Vano Yave aaheera: "Kinoovenxa oYuda vamaithoniwaka ntoko kivenxalaaka oYixrayeli ni kinoohiya oYerusaleemu, esidade kaathanlalaaka nitho Empa ya Yave ela mwa yeela kaahimmaaka: 'Nsinanaka nkahelemo.”

Masu a Miruku 21:30

Khasiwoworu miruku, hata iseru, naari yoovaanela singwera omvaanya Yave.

Yesaya 14:24

Yave a ikuru sootheene oolipela: “Vekhaikhai, yeeyo kivaanenlaaka enookhumelela ni yeeyo kintthunaaka enimweereya.

Yesaya 55:11

Hiihotho ni masu kinghimaaka: khaankihokoleela ehipanke etthu, mene anookwanihera yeeyo kintthunaaka ni anoomalihera yeeyo kirumihenlaaka.

Yeremiya 30:24

Isara sa Yave khasisusa mpaka Owo aneeraawe akwanihere yoolakelaawe. Mmahukuni a muhoolo nyuwosa munimwiiwexexa yeeyo.

Yeremiya 4:28

Tivawo elapo eneeraaya elalamike ni erimu enooriipihana niwoko kohuuluma ni nkirwa kiceendya; koolakela ni nkirwa kihokolowa.”

Yeremiya 51:12

Mweemexe eneneero yoowanano oBabiloniya! Ngwaandyeerere anamalipelela! Mwaathate masintinela! Mwiirehererele owana! Yave onookwanihera yoovaanelaawe, yeeyo yoopopinghe opakeliwa amaki a oBabiloniya.

Ezekiyeli 21:10

enoneliwe weera yiive, yoocapeya weera eceremele ntoko overinya! Weeraka nnoohakalalela ekopo ya mwanaka Yuda? Ekatana ennyoosa yakhalaru ekopo.

Ezekiyeli 21:5

Hiiho, ootheene eniisuwele weera Miyo, Yave, kootholola ekatana munluwoni ni nkithokororatho.’

Zakariya 1:6

Vaheera maswaaka ni ikanosaka mwa seiyo kaalamulenlaaka arumeiyaaka, maprofeeti, saahaaphwanya makholowaanyu. Vano yaakurunuxa mirimasaya yeeraka: ‘Yave a ikuru sootheene oonipakela yeeyo iphirosahu ni mitekosahu simphwanelaaya, ntoko aalakenlaawe opaka.’”

Deuteronomiyo 4:30

Nyuwosa mwaahaawasaka ni itthu sootheene iyo sookhumelelasani, hiiho mahuku a muhoolo mmwinghokolele Yave Mulukwaanyu ni mmwimwiiwelele.