Yeremiya 23:17 - Emakhuwa Bible

¹⁷ Awosa annaweerela yaawosa ankiramusa: ‘Yave oneera: Nyuwo munookhalano murettele.’ Ni wa ootheene antthara ettiyamaaru ya mirimasaya angweerela: ‘Khayoophwanyaniru yoonanara.’

Yeremiya 23:17 Iomraidhean Croise

2 Samuweli 12:10

Mweenre mukiramburaka munkuxaka mwaariye Uriya, muHiti, vaatevanyu, khoomala owanawana.’

Yesaya 30:10

Awosa aniweerela anamoonihera*: “Muhikhalenotho moonelo!” ni wa maprofeeti: “Muhinooniheretho yeeyo eri ya ekhaikhai! Munithalihere masu oosiveliha, muhime iyoonihero soolokottha.

Yesaya 57:21

“Wa atakhali khoowowo murettele,” oneera Mulukwaaka.

Yeremiya 13:10

Muloko ola wootakhala onkhootta wiiwa maswaaka, ottharaka ettiyamaaru ya mirimasaya, orumeelaka miluku sikina weera olape, okhaleke ntoko laamba ola – oohimutekoru.

Yeremiya 18:12

“Vaheera awosa animwaakhula: ‘Muhipacere. Nnoopwaherera ni soovaanelasahu; khula mutthu a hiyo onootthara ettiyamaaru ya murimaawe woonanara.’”

Yeremiya 18:18

Awosa yaaheera: “Nrowe, nimvaanelele Yeremiya; niwoko khanimala nihusiho na Nlamulo na musaserdoti*, hata olaka wa namiruku, naari masu a maprofeeti. Vano, nrowe namoothere weera nihiiwe onghimaawe.”

Yeremiya 3:17

Ehuhuweene yeeyo animwiitthana oYerusaleemu ‘Ehice ya Emwene ya Yave’ ni miloko sootheene sinoothukumana oYerusaleemu weera sittittimihe Nsina na Yave. Seiyo khasirwatho sitthara ettiyamaarwaaya.

Yeremiya 4:10

Vano keenre: “Ii! Yave onlamula sootheene, moolokottha muloko owo ni oYerusaleemu moota woomalela, mweeraka: ‘Munookhalano murettele, ekatana ereene vaxikowahu.’”

Yeremiya 5:12

Awosa yaahootha mwaha wa Yave; awosa yaaheera: “Owo kharwa apaka etthu. Kheewowo eneera enikhumelele. Khanirwa noonatho ekatana hata etala.

Yeremiya 6:14

Awosa anreherera makhwatta a mulokwaaka ehoonelakamo. Awosa aneera: ‘Murettele, murettele’ ohikhanleru murettele.

Yeremiya 7:24

Vaheera awosa khayaakiiwale hata khayaakipwantthe; ohiyanawaya yaatthara soowuupuwela soovaanya sa mirimasaya soonanara. Yaahokoleenle ottuli ohiya ohoolo.

Yeremiya 8:11

Awosa anreherera makhwatta a mulokwaaka ehoonelakamo. Aneera: “Murettele, murettele” ohikhanleru murettele.

Yeremiya 9:14

Ohiyanawaya, aatthara ettiyamaaru ya mirimasaya; ahaatthara aBahali*, ntoko makholowaaya yaaxuttinghaaya.”

Icipo Soolalamika 2:14

Nyoonelo sa maprofeetaawo saari soowootha ni soohivareleya muteko; awosa khaawoonihenre yootthekaawo weera osembe oronghiwa wootthukiwani. Mitthenga yoovahaaya saari soowootha ni soolokottha.

Ezekiyeli 13:10

Eyo eniyeereele niwoko anghapuxa mulokwaaka yeerelaka: “Murettele,” ohikhanle murettele, ni yaatekaka exiri yoohilipa, anttikitthela ekaali*.

Ezekiyeli 13:19

Nyuwosa mookihiirela eriyari ya mulokwaaka mwaakakhanyihaka ni esevada* vakhaani ni inyenyeeri sa epaawu. Woolokottha mulokwaaka oniiwa soowootha, nyuwosa moowiiva yaale yahaaphwanenle okhwa, munawuurela yaale yahaaphwanenle okumi.

Ezekiyeli 13:22

Nyuwosa moompororiha oororomeleya ni soowoothasanyu, Miyo kihitthunaka waathananiha, ni mohaalipihera atakhali weera ehihiye iphirosaya soonanara, yoopolaka hiiho okumaaya.

Amosi 9:10

Anamattheka ootheene ari eriyari ya mulokwaaka animwiiviwa ni ekatana, ootheene yaawo aneera: ‘Kheenitavaru naari kheeniphwanyaru erisa.’”

Mikeyasi 2:11

Namootha ni namalokottha arwa, aneera: ‘Miyo kohoolaleerani waatta wa eviinyu ni wa yoowura yoohapala,’ owo onookhala ti mprofeeteene a muloko ola!”

Mikeyasi 3:11

Ahoolelaaya anlakela yeerelaka makhwankwa, asaserdotaaya anxuttiha yeerelaka owina, ni maprofeetaaya antthoma yeerelaka musurukhu. Eyo eri hiiho, aniikhaviherano Yave, yeeraka: “Yave ori eriyaraahu. Kheenikhumelelaru erisa.”

Mikeyasi 3:5

Yave oneera ha: “Nyuwosa maprofeeti oowootha munghapuxa mulokwaaka! Mukina oovahakani yooca, munlaleiya, murettele, vaheera yaahoovahani yooca, munaalaleerela ekhotto.

Zefaniya 1:12

Ehuhuweene yeeyo, kinoomukungura Yerusaleemu ni onyaari, kaattaruxeke atthu mootthekanimwaya ahimpwattharu etthu ni yiixuupuwelaka: ‘Yave khapakaru yooreera naari yoonanara.’

Zakariya 10:2

Miluku soowootha sinuuluma soowootha; anahako anoona nyoonelo siri soowootha. Awosa anthalihera sooloha soolokottha ni ampepesa wa siiyo. Tivawo muloko onxoraxoraaya ntoko ikhondoolo soothananela ohikhalano mukukhuli.

Malekiya 1:6

“Mwaana onaattittimiha atithawe, ni murumeiyi onimuttittimiha pwiiyaawe. Miyo kaareene Tiithi, okittittimihawanyu ori woowi? Miyo kaareene Pwiiya, okoovawanyu ori woowi? Onookohani ti Yave, a ikuru sootheene. Ti nyuwo asaserdoti* munnyoosa Nsinanaka! Vaheera nyuwosa munkoha: ‘Ninyoosale moota heeni Nsinananyu?’

Nuumeru 11:20

mene mweeri wootheene, mpaka enama owunkhani ni oweettihani murima, niwoko moomukhootta Yave ori variyariwanyusa, ni moomukhupanya, mweeraka: Nivenyenreni wExipitu?”

Luuka 10:16

Yoole ongwiiwelelani, onkiiwelelatho Miyo. Yoole onookhoottani, onkikhoottatho Miyo. Vano, yoole onkikhootta, onimukhootta Yoowo okiruminghe.”

Deuteronomiyo 29:18

Nnene weera ahikhale anaaphwanyaneye mwa nyuwo mulopwana hoye hoye muthiyana, nihimo naari epuumba anuupuwelele omuhiya Yave Mulukwaahu, alapaka miluku sa miloko iye. Ahiphwanyaneyeru eriyaraanyu mmoha onkhala ntoko mkwankhwaari mmoha omphuwa soowaawa ni soohapala.

Deuteronomiyo 29:19

Mutthu ntoko owo, iiwaka masu a nlipelo nna, oniiruuhela nreeliho, eeraka: “Koolipa orookhalaru weera kintthara murimaaka.” Eyo eniiruuhele nttaruxo elapo yoonaanela mpaka yoowuumeene.

1 aTesalonika 4:8

Tivawo yoowo onkhootta itthusene seiya khanimukhootta mutthu, mene Muluku onoovahani Munepaawe Wootteela.

1 Samuweli 2:30

Tivawo Yave Muluku a aYixrayeli ohimmaawe: ‘Kaaroromeliha weera emusaanyu ni emusi ya atithinyu yaamukirumeela wa mahuku ootheene vamaithoniwaka.’ Vaheera vano Yave onghima: ‘Hata vakhaani! Kinimwaattittimiha yaale ankittittimiha ni yaale ahinkihelela Miyo nkaahelela.