Yeremiya 23:11 - Emakhuwa Bible

¹¹ “Okhuma maprofeeti mpaka asaserdoti* ti anamahiiriha; mpakatho Mpaanimwaka kimphwanya sootakhalasaya,” onghima Yave.

Yeremiya 23:11 Iomraidhean Croise

2 Nyaha 33:5

Mmapuwani oomeeli a Empa ya Yave, owo aatekela altaari* ithenyeeri sootheene sa wiirimu.

2 Nyaha 33:7

Owo aakuxa ecaambulo yoopatthiwa, aniikaathi Mpaani mwa Yave, mwa mwemmo Muluku aamweerenlaawe Davide ni mwaniye Salomoni: “Mpaani mwa Yave ela ni oYerusaleemu, kithanlalaaka eriyari ya ipuumba sootheene sa aYixrayeli, kinoohelamo Nsinanaka wa mahuku ootheene.

2 Nyaha 36:14

Ohiya yeeyo, ahooleli ootheene a asaserdoti* ni muloko, yaamweera otepa ohiroromeleya, ettharaka ipakelo sootheene soothanyeya sa miloko sikina, evalihaka Empa ya Yave, aatteelinghaawe oYerusaleemu.

Ezera 10:18

Eriyari ya ikhapira sa asaserdoti* yaathelanne ni anamarwa saari ti iya: mukhapirani mwa Yexuwa, mwaana mulopwana a Yozadaki, ni axunneiye: Mahaseiya, Eliyezeri, Yaribi ni Gedaliya.

Yeremiya 11:15

Eheeni ompakaawe oosiveleyaaka Mpaanimwaka eerelaka olokottha? Weeraka soolipela ni enama yootteelihiwa sinoosembiha nttaruxo? Vano wakhala hiiho, weeraka munoowera otthapa?

Yeremiya 23:15

Tivawo yeeyo Yave a ikuru sootheene onghimaawe mwaha wa maprofeeti ti ela: “Miyo kinoopakiha weera ece yooca yoowaawa ni ewure maahi ooheliwa yoohapala, niwoko okhuma maprofeeti a oYerusaleemu otakhala woomwareela mweelaponi yootheene ela.”

Yeremiya 32:34

Aahiiriha Empa enkuxa Nsinanaka, ehelakamo icaambulo sa milukusaya sa mwiikho.

Yeremiya 5:31

Maprofeeti anuuluma soowootha, asaserdoti* anlamula sa mmurumwaya ni mulokwaaka onsiveliwa ni seiyo. Mene mmwipakeni ommaleloni?

Yeremiya 50:6

Mulokwaaka woothweelela ntoko ikhoondoolo sooriheya; akukhulaaya aathweeleliha, sinamwareela mmwaako. Iyo sooxoraxorela mmanyaakoni ni mmattumuxani sinattiwala munikhoolanimwaya.

Yeremiya 6:13

“Okhuma asikhaani mpaka asitokweene – ootheene aasareya ohaawelaxa mihakhu; maprofeeti nitho asaserdoti* ootheene aneetta moota woolokottha.

Yeremiya 7:30

Muloko wa oYuda woopaka soonanara vamaithoniwaka, onghima Yave. Wookhaliha milukusaya sa mwiikho Mpaani erino Nsinanaka oveihaka yeeyo.

Yeremiya 8:10

Tivawo kineeraaka kaavaherere axaaraya asilopwana akina ni imattasaya wa atthu akina. Ootheene oosareya ohaawela mihakhu – okhuma asikhaani mpaka asitokweene; maprofeeti nitho asaserdoti* ootheene aneetta moolokotthani.

Icipo Soolalamika 2:20

“Moone Yave! Mungwehe muneeneene yoowo munimpakelaanyu hiiha. Weeraka asithiyana yohaaphiyera ehuhu yoowaakhuura anamwanaaya asilopwana yaayanraaya ni yaahungwaaya? Weeraka asaserdoti* ni maprofeeti yaamwiiveliwa vaNipuroniwanyu Nootteela?

Ezekiyeli 23:39

Nihuku nenenenne yaaveleelasaaya anamwanaaya asilopwana wa milukusaya, awosa yaamvolowa vaNipuroniwaka Nootteela*, enahiiriha. Ti yeeyo apankaaya Mpaanimwaka.

Ezekiyeli 44:10

aLeevi yiirakamelihanxe ni Miyo, aYixrayeli yaahapungwaaya exoraxorelaka ottaiwaka weera elape milukusaya, sinimwaahaawiha sootakhalasaya.

Ezekiyeli 7:20

Awosa yaahakalalela axiveevaaya ooreera, ni yaavarela muteko woopakela milukusaya soohiira ni icaambulosaya sa mwiikho. Tivawo kineeraaka kaatatuxere itthu iyo soohitteelasaya.

Ezekiyeli 8:11

Ohoolo wa seiyo yaakhala asitokweene miloko mithannamiili a muloko wa aYixrayeli ni Yaazaniya, mwaana mulopwana a Xafani, aari eriyaraayasa. Khula mutthu a yaawosa aarino enghiseriwa erubani* mmatatanimwawe, ni naakhumelelamo nihutte noowunkhelaxa.

Ezekiyeli 8:16

Vano owo aakirongha vanipuwani na mpuwa na Mpaani mwa Yave, ni mmwe vamulako wa Empa ya Yave, eriyari ya nipithela* ni altaari*, yaakhala asilopwana miloko miili naathanu. Awo, erenreene ettuli Empa ya Yave ni ewengheene mpatta ninkhuma nsuwa yaakokhorela onsuwani.

Zefaniya 3:3

Ahoolelaaya ti amwatto anoopa murika. Anamalamulaaya ti miici soovolaxiwa sihinghiyaru yookhuura omaalo.

Zefaniya 3:4

Maprofeetaaya ti oohikhalano miruku, ti asilopwana oovariha. Asaserdotaaya anghiiriha Nipuro Nootteela*, epuheraka Nlamulo.