Yeremiya 23:10 - Emakhuwa Bible

¹⁰ Elapo yoosareya anamararuwa; niwoko na nlapho elapo eri yoowuumelela ni moocihamo mwa munikareni woonyaala. Maprofeeti antthara ephiro yoonanara evarelaka muteko ikurusaya moota woohiroromeleya.

Yeremiya 23:10 Iomraidhean Croise

Ezera 10:18

Eriyari ya ikhapira sa asaserdoti* yaathelanne ni anamarwa saari ti iya: mukhapirani mwa Yexuwa, mwaana mulopwana a Yozadaki, ni axunneiye: Mahaseiya, Eliyezeri, Yaribi ni Gedaliya.

Icipo 107:34

atatuxaka ya maakha etthaya yooruwereya niwoko na sootakhala sa yaale yaamankewo.

Yesaya 24:6

Tivawo nlapho ninlalihaaya elapo ya vathi, amakaaya aakhalano nthowa. Tivawo amaki a elapo ya vathi anlalihiwaaya ni yaale anghala ari vakhaani.

Yesaya 5:18

Ii! Anoohaawa yaale ampurula sootthekasaya ni mikhoyi sa olokottha ni soonanarasaya ni efiiyu ya ekaaro eneettihiwa ni emombe;

Yeremiya 12:11

Eyo aapaka elapo yoophwatiwa, yoowuumelela ni yoothaamiwa vamaithoniwaka; elapo yootheene yoophwatiwa, mene khawowo ompwatthela.

Yeremiya 14:2

“oYuda onlalamika ni isidadesaya simporora; amakaaya aniilalamikela yuuramenleene vathi ni okhuwelaxiwa ongweela oYerusaleemu.

Yeremiya 6:13

“Okhuma asikhaani mpaka asitokweene – ootheene aasareya ohaawelaxa mihakhu; maprofeeti nitho asaserdoti* ootheene aneetta moota woolokottha.

Yeremiya 7:9

Munuupuwela weera onoowereya wiiya, wiiva, oraruwa, wootha, omuhisera erubani* Bahali* ni otthara miluku sikina muhisuwenlaanyu,

Yeremiya 9:10

Kinimwiinla, kinimwiikhupanyera ni kinoolalamikela nyaako niwoko na moocihamo weenre othaamiwamo ni khaawowo amviramo. Khooniiwanyeya onyakula wa mihuwo; ipalame sa wiirimu sootthawa ni axinama aalakaseya.

Yeremiya 9:12

Taani ori oosuwelaxa weera iiwexexe yeeyo? Taani oxuttihiwe ni Yave anaawere othaliha yeeyo? Heeni elapo eheleiyaaya nthala ni ephwatiwaaya ntoko nikare nihimviriwaru?

Yeremiya 9:2

Ii! Waariwo woophiyerawaka munikareni, weera kihiye mulokwaaka kisusaka mwa yoowo; ootheene awo anamararuwa ni nakupa a anamavariha.

Hoxeya 7:4

Ootheene awo ti anamararuwa ehisaka ntoko ttukuttha, moorweene yoowo namooxa ipaawu ohintthuneyaaya otetheera okhuma oneetheiwaaya mpaka onnyaruwaaya.

Yoweli 1:10

Imatta soophwatiwa ni etthaya yohuumelela; etrigu yoohononiwa; eviinyu enyowani yoomala ni makhura aathowa.

Levitiku 5:1

Mukina iitthaniwa weera akhalele onamoona mwaha wa etthu oonnaawe hoye hoye osuwenlaawe ni akhootta, ti yoottheka ni omphwanela nthorihelo.

Zefaniya 3:4

Maprofeetaaya ti oohikhalano miruku, ti asilopwana oovariha. Asaserdotaaya anghiiriha Nipuro Nootteela*, epuheraka Nlamulo.

Malekiya 3:5

“Miyo kinimoorwa wa nyuwosa ntoko Mphuki. Woohipisa, kinookhalela onamoona mwaha wa akhwiri, anamararuwa, anlipela vasiiyoniwene ni wa yaale angwiiyera anamiteko ngwaalivani, anaahasula akwaasuni ni asinaamukhweli, ehooniheraka soophwanela wa anamarwa, ni ahinkittittimiha Miyo,” oneera Yave a ikuru sootheene.

1 Timootheyo 1:10

wa anamararuwa ni anraruxana alopwanaru; wa yaawo anaavara atthu weera yaathumihe; wa anamootha ni yaawo anlipela moota woolokottha; ni wa wakhalaru wiittana okina wa nihusiho na ekhaikhai.

aHeberi 13:4

Othelana ontthuneya weera ottittimiheyeke ni ootheene. Ororomeleya variyari wa mulopwana ni mwaariye ontthuneya weera ottittimiheyeketho, niwoko Muluku anaathorihe alavilavi ni anamararuwa.

Yakobe 4:4

Anamararuwa! Khamusuwenle weera onthamwene ni elapo ela ti omwiittana ni Muluku? Yoowo ontthuna okhala nthamwene a elapo ya vathi oniikhaliha mwiittana a Muluku.