Yeremiya 22:3 - Emakhuwa Bible

³ Yave oneera ha: Mpake yeeyo eri ya ekhaikhai ni yoororomeleya. Mmoopole mmatatani mwa namahasula yoole ohuhuliwe. Muhimupakeleru yoonanara hata nihasu namarwa, akhwaasuni naari asinaamukhweli ni muhimwiiveleru oohinthowa vanipuroni nna.

Yeremiya 22:3 Iomraidhean Croise

2 Samuweli 23:3

Muluku a aYixrayeli ohuuluma; Mwala a oYixrayeli ookeerela: ‘Yoowo onaalamula atthu moota woororomeleya; yoowo onlamula amoovaka Muluku,

2 Mamwene 24:4

Owo aawiiva atthu oohinthowa, asarihaka oYerusaleemu ephome yoohinthowa ni Yave khaatthunne omulevelela.

Yobi 22:9

Nyuwo moowoomola, enarowa matataru asinaamukhweli, ni mohaalosoiha akwaasuni.

Yobi 24:9

Mwaana mukwaasuni onaakatthuliwa vanipeleni na amayawe; ooyariwa vaanaano a namahaawa omvariwa niwoko na ekoongori.

Icipo 68:5

Tiithi a akwaasuni ni Namwaakiha a asinaamukhweli ti Muluku vaNipuroniwawe Nootteela*.

Icipo 82:4

Ngwoopole oohilipa ni oohaawa; mwaavuluxe mmatatani mwa atakhali.

Icipo 94:21

Awosa amvaanelela okumi wa oororomeleya ni anaathorihela okhwa oohinthowa.

Icipo 94:6

Angwiiva asinaamukhweli ni anamarwa; mpaka angwiiva akhwaasuni,

Okhuma 22:21

Muhaahasule naari muhaahooxe anamarwa, niwoko nyuwo mwaaritho anamarwa wExipitu.

Okhuma 22:22

Muhaahaawihe asinaamukhweli naari ikwaasuni.

Masu a Miruku 23:10

Muhiceendye ineneero sa nyiinaano sa khalayi, hata muhivoleele ittima sa akwaasuni,

Masu a Miruku 6:17

Maitho oowiixoona, nlumi noowootha, matata angyeeha ephome yoohinthowa,

Yesaya 1:23

Anamalamulaanyu ari anamavaanya aneetta vamoha ni anamwiiya; awosa ootheene ansivela makhwankwa yaasaasaka soovahiwa. Awosa khaanaakiha soophwanela sa akwaasuni ni khaanaasaasa osuwela mulattu wa asinaamukhweli.

Yesaya 58:6

Moota wa otthuka kintthunaaka wa nyuwosa ti ola: otaphula onyooro wa ohiroromeleya ni mikhoyi sa soolemelaxa; owoopola oohasuliwa ni ophwata moota wootheene wa yoolemelaxa.

Yesaya 58:7

Otthuka wa ekhaikhai ti omukawela soocasanyu oovoliwa etala ni omvaha oohaawa nipuro noowiitthuuwa, aani waawariha oothaaleliwa mwaaphwannyaanyu ni ohimurera ettuli munninyu.

Yeremiya 19:4

Vano awosa aakihiya ni aatatuxa nipuro nna nipuro na miluku sa anamarwa; awosa aahisera erubani* miluku mwa seiyo awosa, naari makholowaaya, hata mamwene a oYuda yahaasuwenlaayaru ni aasariha nipuro nna ephome ya oohinthowa.

Yeremiya 21:12

Ii! Ekhapira ya Davide, Yave oneera ha: Mpake ekhaikhai khula oxeexelo ni mmoopole mmatatani mwa namahasula yoole ohuhuliwe. Waahikhala hiiho, isarasaka sinoopatta sihiseke ntoko mooro woohicipiheya niwoko na soonanara mumpakaanyu.

Yeremiya 22:17

“Mene nyuwo munghaawela makhwankwa paahi, mutthunaka owiiva oohinthowa, mwaasaka ohasula ni ewinelo yoohiroromeleya.”

Yeremiya 26:16

Vano ahooleli ni muloko wootheene yaaweerela asaserdoti* ni maprofeeti: “Mulopwana ola ahithoriheliwe okhwa! Owo onileenle mwa Nsina na Yave, Mulukwaahu.”

Yeremiya 5:28

enenevaka ni ecaaka nnene. Mitekosaya soonanara khasinono nyiinano; awosa khaanimpwattha mukwaasuni naari khaanaakiha soophwanela sa namahaawa.

Yeremiya 7:23

Ohiyanawaya, nlamulo kaavanghaaka ti nna: mukiiwelele ni kinookhala Mulukwaanyu ni nyuwosa munookhala mulokwaaka. Mweette mphironi kinoolamulelaakani weera itthu siweetteleni nnene.

Yeremiya 9:24

Hoye, yoowo ontthuna ovuwiha, avuwiheke ha: mookiiwexexani ni mookisuwelani, niwoko Miyo ti Yave onoonihera murima wooreera, oororomeleya ni a ekhaikhai mweelaponi yootheene. Vano ti mwa itthusene seiya Miyo kinghakalalelaaka,” onghima Yave.

Icipo Soolalamika 3:36

ni yaakhootta ekhaikhai, vano, vekhaikhai Yave onoona yeeyo!

Ezekiyeli 18:12

Owo onaahasula oohaawa ni oothoiwa. Onimwiiya. Khanghokoloxa aakuxalaawe ntoko mweemexero. Onlapa miluku sikina ni ompaka itthu soothanyeya.

Ezekiyeli 18:7

Owo khanimuhasularu mutthu, mene onghokoloxera yeeyo eemexenraawe mookoongoranimwawe. Khaniiya, mene onaavaha yooca oovoliwa aakawelaka soowara oothaaleliwa.

Ezekiyeli 22:7

Mpuwamwanyu awosa annaanyoosa atithaya ni amayaya, emuhooxaka namarwa ni emuhasulaka mukwaasuni ni naamukhweli.

Ezekiyeli 45:9

Yave onlamula sootheene, oneera ha: Ii! Anamwane a mamwene a oYixrayeli, nyuwosa mootepihaxa paahi! Muhiye nipuheronanyu, nihasunanyu ni mpake yeeyo eri yoororomeleya ni yoowookoleleya. Muhiyerere okuxa yeeyo eri ya mulokwaaka,’ onghima Yave onlamula sootheene.

Yoweli 3:19

Wa soothesene, wExipitu onuuheleye nthala ni wEdomi nnipakeye nikare noowuumelela, niwoko na mapuhero yaapakenlaaya atthu a oYuda, mwa weiwo yaawiivalaayawo atthu oohinthowa.

Levitiku 19:15

Muhivirikanyihe ekhaikhai mwaathorihaka, muhimuthorihele oohaawa ni nthalu naari muhaathorihele asitokweene ni nthalu, mene munthorihele mukhwiinyu ni ekhaikhai.

Amosi 5:15

Muthanye yoonanara; musivele mpuha. Mukhalihe ekhaikhai munuulummwa milattu. Apaale Yave, Muluku a ikuru sootheene, anaamorele ikharari yaawo ahalahanle a Yoseefe.

Amosi 5:24

Ohiya yeeyo, wookoleleya otthimake ntoko mooloko, ekhaikhai ntoko nxaapwa nihingwelelaru!

Mikeyasi 3:11

Ahoolelaaya anlakela yeerelaka makhwankwa, asaserdotaaya anxuttiha yeerelaka owina, ni maprofeetaaya antthoma yeerelaka musurukhu. Eyo eri hiiho, aniikhaviherano Yave, yeeraka: “Yave ori eriyaraahu. Kheenikhumelelaru erisa.”

Mikeyasi 6:8

Ii! Mutthu, Owo oowooniherani yeeyo eri yooreera ni yeeyo Yave onnyesererihaawe: Mpake ekhaikhai, musivele ororomeleya ni mweette oowiiyeviheene ni Mulukwaanyu.

Malekiya 3:5

“Miyo kinimoorwa wa nyuwosa ntoko Mphuki. Woohipisa, kinookhalela onamoona mwaha wa akhwiri, anamararuwa, anlipela vasiiyoniwene ni wa yaale angwiiyera anamiteko ngwaalivani, anaahasula akwaasuni ni asinaamukhweli, ehooniheraka soophwanela wa anamarwa, ni ahinkittittimiha Miyo,” oneera Yave a ikuru sootheene.

Matheyo 23:23

Ii! Munoohaawa nyuwo, anamawera a nlamulo*, aFarisi*, anamwiixeera! Nyuwo mumvaha mpatta wanaamuloko wa sooreerela sooreeraxa, endro*, ni kominyu*, mene munnattiwala iyo sinnyesereriwa sa nlamulo: ekhaikhai, ikharari, ni ororomeleya. Ontthuneya nyuwo opaka itthusene seiya muhihiyakatho soopacera.

Deuteronomiyo 10:18

Owo onniwaakiha akwaasuni ni asinaamukhweli amusivelaka namarwa amvahaka yooca ni yoowara.

Deuteronomiyo 24:17

Muhivirikanyihe ekhaikhai mwaathorihaka anamarwa hoye hoye akwaasuni naari muhikuxe mukaandyo wa naamukhweli ntoko yooweemexera.

Deuteronomiyo 24:7

Mukina aphwanyiwa amvaraka munneiye muYixrayeli weera angwinele amuthumihaka ntoko epottha, namavara owo iiviweke. Mmalihe yoonanara ela variyariwanyu.

Deuteronomiyo 25:1

Atthu eeli yawanawana, mulattu owo erongheliweke alipa oowuuluma milattu. Vano aphuki awo elakele mulatthu engwehaka oohikhalano nthowa ni emuttaruxaka nanthowa.

Deuteronomiyo 27:19

“Oolaphiwa ti yoowo anaamukhoottele ekhaikhai namarwa, mukwaasuni hoye hoye naamukhweli.” Vano muloko wootheene weereke: “Ame!*”

Yakobe 1:27

Vano, ediini Muluku Atithihu onaakhulelaawe ntoko yootteela ni yoohikhala malepa, ti ela: waakosoopa akwaasuni ni asinaamukhweli mohaawanimwaya ni wiisusiha wa soovaliha sa mweelaponi.