Yeremiya 22:24 - Emakhuwa Bible

²⁴ “Kinlipela mwa Nsinanaka,” onghima Yave, “naari nyuwo Yehoyakini, mwaana mulopwana a Yehoyakimi, mwene a oYuda, mwaari munela woottittano vantataniwaka noolopwana, kaamoorulani.

Yeremiya 22:24 Iomraidhean Croise

2 Mamwene 24:12

Yehoyakini, amayawe, arumeiyaawe, maneethaawe ni asitokweenaawe ootheene yaahiixinnyerera wa Nebukadenezari. Vayaakhani yanaathannatthaaru ya olamula wa mwene a oBabiloniya, Nebukadenezari aakuxa oYerusaleemu, anamutthuka Yehoyakini.

2 Mamwene 24:15

Nebukadenezari aamukuxa Yehoyakini ntoko ootthukiwa amuronghaka oBabiloniya. Aahaakuxatho oYerusaleemu amayaya amwene, axaaraya, asitokweenaaya ni asilopwana oottittimiheyaxa a mulaponi.

1 Nyaha 3:16

Anamarandela a Yehoyakimi yaari ti ala: mwanawe, Yehoyakini ni munneiye Zedekiya.

2 Nyaha 36:9

Yehoyakini aapaceraawe olamula, aarino iyaakha muloko niithannatthaaru sa oyariwawawe, analamula oYerusaleemu nyeeri miraru ni mahuku muloko. Owo aapaka soonanara vamaithoni wa Yave.

Ecipo Yooreeraxa 8:6

Mukikhalihe ntoko ewalelo* ya vamurimaniwanyu; ntoko ewalelo* mmoononimwanyu; niwoko osivela ti woolipaxa ntoko okhwa, ni ehacaaya ti yoohikota ntoko ovithiwa. Makhalaaya ti mooro woopatta, aani malumi a mooro woovarelaxa.

Yesaya 49:16

Moone, Miyo kohoolepani mmatatanimwaka; ixirisanyu siri ohoolowaka mahuku ootheene.

Yeremiya 13:18

Mwamuleele mwene ni naangolo pwiyamwene: “Mukhuruwe vahiceniwanyu, niwoko icireembasanyu sa emwene soovuwa sinoomoroxiwa.”

Yeremiya 22:28

Mulopwana ola, Yehoyakini, ti ooramusiwa, mwaapu woophweeya, ekaruma ehintthuniwaru. Heeni owo ni anamwanaawe eneeraaya yoomoleliwe mweelaponi ahisuwenlaaya?

Yeremiya 22:6

Vano yeeyo Yave ohimmaawe mwaha wa empa ya emwene ya oYuda ti ela: “Murookikhalelaru ntoko oGileyade, ntoko ethoka ya oLebaboni, vekhaikhai kinimoopakelani ntoko nikare, ntoko mittetthe soohimakiwaru.

Yeremiya 24:1

Ni Yave aakoonihera mipapara miili sa ifiigu siikaathiweene ohoolo wa Empa ya Yave. Eyo yeereiye Nebukadenezari aaroihaleene oYerusaleemu wootthukiwani oBabiloniya, Yehoyakini, mwaana mulopwana a Yehoyakimi, mwene a oYuda vamoha ni ahooleli a oYuda, ni aneettottho ni anamaratta.

Yeremiya 28:4

Kinoomuhokoloxeratho nipuro nenenenna Yehoyakini, mwaana mulopwana a Yehoyakimi, mwene a oYuda, ni anamatthukiwa ootheene a oYuda aronghiwe oBabiloniya,’ oneera Yave, ‘niwoko kinoomaliha nihasu na mwene a oBabiloniya.’”

Yeremiya 29:2

Eyo yeereiye vahoolo wa mwene Yehoyakini ni pwiyamwene mutokweene, asitokweene a empa ya emwene, ahooleli a oYuda ni oYerusaleemu, anamapakapaka ni anaruso yaatthukiwaaya oYerusaleemu eronghiwaka oBabiloniya.

Yeremiya 37:1

Zedekiya mwaana mulopwana a Yosiya, mwene a oYuda, aavariwa omwene ni Nebukadenezari, mwene a oBabiloniya. Owo aalamula vanipuroni na Yehoyakini, mwaana mulopwana a Yehoyakimi.

Axewu 2:23

‘Nihuku nno,’ onghima Yave a ikuru sootheene, ‘Miyo kinimookuxani nyuwo, murumeiyaaka Zerubabeli, mwaana mulopwana a Xeyaletiyeli,’ onghima Yave ‘ni kinimoopakani munela woottittano, niwoko kohoothanlani nyuwo,’ onghima Yave a ikuru sootheene.”