Yeremiya 22:20 - Emakhuwa Bible

²⁰ “Ii! oYerusaleemu, murowe oLebanoni ni mwakhuwelewo; nsunanyu nniiwanyeye oBaxani; mukhuwele wAbarimi, niwoko ilapo sootheene mwiiraanaanyuno soophwatiwa.

Yeremiya 22:20 Iomraidhean Croise

2 Mamwene 24:7

Mwene a wExipitu khanakhumetho mweelaponimwawe ni anakhottwaawe, niwoko mwene a oBabiloniya aakuxa ilaposawe sootheene, okhuma Nxaapwa na wExipitu mpaka mooloko Efratesi.

Yesaya 57:13

Nyuwosa mwaakhuweleleka ekhavihero, vano milukusanyu sookhavihereni! Epheyo enookuxakuxa seiyo sootheene, iphumu paahi sinimoopela ottai! Vaheera yoole ontthawela mwa Miyo onimwaakhela elapo ntoko yoohiyeriwa ni onookuxa mwaakowaaka wootteela.”

Yeremiya 2:25

Muhitthimake mpaka inaawosanyu ottukuttuwa, hata ohiwuumeni wammilo! Mene nyuwo muneera: ‘Khoongwereya! Kookhovelela miluku sikina, ni kintthuna otthara seiyo.’

Yeremiya 2:36

Munghapuwelaxani muceendyaka imaara sincipale ephirowaanyu? Nyuwo munoopwaneya wExipitu, ntoko mwaapwaneyaanyu wAsiriya.

Yeremiya 2:37

Myuwo munoohiyatho nipuro nno mwiivarenleene vamuru, niwoko Yave ohaakhootta yaale munaaroromelaanyu; nyuwo khamukhaviheriwatho ni yaawosa.”

Yeremiya 22:22

Epheyo enimwaavavihera ottaiwene akukhulaanyu ottheene, ni ootheene mwiiraannaanyuno a ilapo sikina anooroihiwa wootthukiwani. Vano munooyevihiwa ni munimuulihiheya muru niwoko na sootakhalasanyu sootheene.

Yeremiya 25:9

kinimwiitthana miloko sootheene sa ottuttuwani ni murumeiyaaka Nebukadenezari, mwene a oBabiloniya,” onghima Yave. “Kinooruuha weera siwaneno elapo ela, amakaaya ni miloko sootheene soorukureenreni. Miyo kinimoophwatani woomalela ni kinimookhalihani moopopihero, otthebwiwa, ni oheleya nthala woohimala.

Yeremiya 3:1

“Mulopwana aahiya amwaariye, ni emwalanneene enatheliwa ni mulopwana mukina, mulopwana oopacera onoomuhokoleela? Elapo kheevaliheya woomalela? Vaheera nyuwo mooraruwano ancipale ni vano, muntthuna ohokoleela wa Miyo?” onkoha ti Yave.

Yeremiya 4:30

Ii! Namaphwatiwa, mumpakani? Mungwarelani sooxeera mwiiphwanelihaka ni axiveeve a eyuuma yoorikaxa? Muniihingela heeni mmakwikhwinimwanyu? Muniiphwaneliha siiyo. Vano Oosiveleyaanyu anoothanyani, yaasaasaka okumaanyu.

Icipo Soolalamika 1:19

Kaawiitthana yaawo kiiraanannaaka, mene awosa aakivariha. Asaserdotaaka ni ahoolelaaka aakhwela musidade yaasaasaka yooca weera ewere okhalano okumi.

Icipo Soolalamika 1:2

Ohiyu onimwiinlaxa, maithoraaya ankhwalala owiithowaya. Variyari wa oosiveleyaawe ootheene khawoworu onimpembesa. Asinthamwenaawe ootheene aamvariha; aani aathatuwa amwiittanaawe.

Ezekiyeli 23:22

Tivawo Yave onlamula sootheene oneeraawe ha: Kinimwaathubera yaawo munaakonanaanyu weera yoowananeni nyuwo – yaale mwaasunsaanyu oonyooseyeene, ni kinimwaaruuha weera yoowananeni mmipattani sootheene –

Ezekiyeli 23:9

Tivawo kimwinnyerenraaka mmatatani mwa yaawo aakonanaawe – awAsiriya, mwa yaawo owo aahaawelaxaawe.

Ezekiyeli 27:6

Aapakela itthaabwa sineettiheriwa nikula ntokotoko sa nyiri sitokotoko sa oBaxani; sa nyiri sa goferi* saarweela muxerexere ephareiya ya oKipro, aapakela mpuwa mwa nikula ntokotoko sihuruweliweeneno maino a itthepo.

Nuumeru 27:12

Vano Yave aamweerela Moisesi: “Ngwele mwaako ola ori mpatta wa nyaako siniitthaniwa Abarimi ni moone elapo kaavanghaaka aYixrayeli.

Deuteronomiyo 32:49

“Murowe mmanyaakoni sa Habarimi, mwawele mwaako Nebo ori oMowabe, ohoolo wa oYeriko ni moonewo oKanaani, elapo kineeraaka kaavahe aYixrayeli ntoko yawaya.