Yeremiya 22:19 - Emakhuwa Bible

¹⁹ Owo onoovithiwa ntoko buuru mwaaxaana. Onoopuruleliwa, avonyeriwaka okerekhere wa milako sa oYerusaleemu.”

Yeremiya 22:19 Iomraidhean Croise

1 Mamwene 14:10

Niwoko na yeeyo kinooruuhela erisa ekhapira ya Yerobowami. Kinoowiiva asilopwana ootheene a ekhapiraawe oYixrayeli – akhalaka neethi hoye hoye epottha. Kinoohisa ekhapira ya Yerobowami mpaka ommaleloni ntoko singhisiwaaya ikokhola.

2 Mamwene 23:36

Yehoyakini, apaceraka olamula aarino iyaakha miloko miili niithanu, analamula oYerusaleemu iyaakha muloko niimoha. Amayawe yiitthaniwa Zebida, mwaana muthiyana a Pedaya, a oRuma.

2 Mamwene 24:6

Yehoyakimi aahookhwa ni mwanawe mulopwana Yehoyakini ti aamurandenle.

2 Mamwene 9:35

Vaheera yaakhummaaya erowaka omuvitha, yaaphwannye paahi nikarakasa, matata, ni inaawo.

2 Nyaha 36:6

Nebukadenezari mwene a oBabiloniya, aangwanano, anamutthuka ni onyooro wa ebronze* weera amuronghe oBabiloniya.

Namalaleiya 6:3

Mutthu onoowera okhalano anamwane ncira ni okhala ni okumi iyaakha sincipale. Wa soothesene, aahipuha itthu sooreera sa mookumini ni aahivithiwa nnene, kinghima weera mwaana ongyariwa ookhweene ti ooreeraxiwa ompwaha yoowo.

Yeremiya 15:3

Kinimwaarumihela nyoota mixexe sa anamaphwata,” onghima Yave, “ekatana weera ewiive, alapwa weera yaapurule ni ipalame sa wiirimu ni axinama a ntuphini weera yaalume ni yaaphwate.

Yeremiya 36:30

Vano Yave oneera ha mwaha wa Yehoyakimi, mwene a oYuda: Owo khakhalanaru ekhapira eniikilaathele ehice ya emwene ya Davide; muttembwaawe onoovonyeriwa okerekhere wiikaathiweke vansuwani ni ohiyuweene.

Yeremiya 36:6

Tivawo murowe Mpaani mwa Yave munihukuni na otthuka ni mwasomele muloko masu a Yave miyo koovanghaakani, mwa yaawo mulempaanyu. Nyuwotho musomele muloko wootheene wa oYuda onrweela mmasidadenimwaya.

Yeremiya 8:2

Anookhala vanlakani yoopeliweke nsuwa, ni yaareliweke mweeri ni ithenyeri sa wiirimu mwa seiyo awosa yaasivelaaya ni yaarumeelaaya ni mwa seiyo yaattharaaya, yaakokhorelaaya ni yaattottopelaaya. Makhuveene yaawo kheethukumanyihiwa hata kheevithiwa, mene eniikhale ntoko ikokhola vatthayani.

Ezekiyeli 19:8

Vano miloko soowaattamana saangwanano. Saareya ntthavinaya weera empharihe, ni owo aapharihiwa munraakhoni yaapankaaya.

Ezekiyeli 39:5

Nyuwo munoomorela vanlakalakani, niwoko Miyo kohuuluma, onghima Yave onlamula sootheene.