Yeremiya 22:10 - Emakhuwa Bible

¹⁰ Muhimwiinlele mwene okhwiiye, hata muhimulalamikele; ohiyanawaya, mmwiinlelaxe yoole onroihiwa wootthukiwani niwoko khahokolowatho naari khoonatho elapo oyareliwaawe.

Yeremiya 22:10 Iomraidhean Croise

2 Mamwene 22:20

Vanonto Miyo kinimoohiyani mukhwaaka ni ovithiwa mmuretteleni. Khamurwa moona mahooxo ootheene kineeraaka kiruuhele nipuro nna.’” Vano awosa yaarongha yoowaakhula wa mwene.

2 Mamwene 23:29

Yosiya areene mwene, Farawu* Neko, mwene a wExipitu, aarowa mpaka mooloko Efratesi weera amukhavihere mwene a wAsiriya. Mwene Yosiya aarowa weera angwaneno, mene Farawu* Neko aangwanano, anamwiiva Yosiya oMegidu.

2 Nyaha 36:4

Mwene a wExipitu aamvara omwene Eliyakimi, munneiye Yehowahazi, weera alamule oYuda ni oYerusaleemu, anamuceendya nsina amuttehaka Yehoyakimi. Vaheera Neko aamukuxa Yehowahazi, munneiye Eliyakimi, anamurongha wExipitu.

Namalaleiya 4:2

Tivawo kiwoonenlaaka anamakhwa okhala oohakalalaxa ohikhanle yaawosa nlelo ontthuneya okhala ni okumi.

Yesaya 57:1

Oororomeleya onkhwa ni khawowo ontthokelela yeeyo mmurimanimwawe. Atthu ootteeliheriwa amvenxiwa ni khawowo oniiwexexa weera oororomeleya amvenxiwa weera yuurereliwe soonanara.

Yeremiya 16:7

Khaawo anaavahe yooca yoowaalipihera yaale angwiinlela anamakhwa ni khaawo anaavahe yoowura ya opepesa – hata wa tiithi naari wa maayi.

Yeremiya 22:11

Vano yeeyo Yave onghimaawe mwaha wa Xalumi, mwaana mulopwana a Yosiya, mwa yoowo aarandenle atithawe ntoko mwene a oYuda ni aavennye nipuro nna, ti ela: “Owo khanghokolowatho.

Yeremiya 22:18

Tivawo, Yave oneeraawe ha mwaha wa Yehoyakimi, mwaana mulopwana a Yosiya, mwene a oYuda: “Awosa kheemulalamikela ekhuwelaka: ‘Ii! Munnaka!,’ hoye hoye ‘Ii! Murokoraka!’ hata khayiilalamikela ekhuwelaka: ‘Ii! Pwiiyaaka!’ hoye hoye: ‘Ii! Atokweene!’

Yeremiya 22:27

Nyuwo khamuhokoleelatho mweelaponi munghaawelaanyu ohokoleela.”

Yeremiya 25:27

“Woottharelana mwaweerelase: ‘Yave a ikuru sootheene, Muluku a oYixrayeli oneera ha: Ngwure, muhapaliwe, murapheye, mmore ni muhivenyetho, niwoko na ekatana kinoorumihelaakani.’

Yeremiya 28:4

Kinoomuhokoloxeratho nipuro nenenenna Yehoyakini, mwaana mulopwana a Yehoyakimi, mwene a oYuda, ni anamatthukiwa ootheene a oYuda aronghiwe oBabiloniya,’ oneera Yave, ‘niwoko kinoomaliha nihasu na mwene a oBabiloniya.’”

Yeremiya 42:18

Yave a ikuru sootheene, Muluku a oYixrayeli oneera ha: ‘Mooteene yoowo onyoonyiwawaka oyeeheriwaaya oYerusaleemu, isarasakatho munooyeeheriwa nyuwosa, mwaarowaka wExipitu. Nyuwosa munookhala eneneero ya nlapho ni moopopihero, woonyooserano ni otthebwiwa. Nyuwosa khamoonatho nipuro nna.’

Yeremiya 44:14

Khawoworu a ahalahanle a oYuda orongwe okhala wExipitu anoopowe hoye hoye anookhowe weera ahokoleele mulaponi ya oYuda, mwa weiwo anghaawelaaya ohokoleela ni okhalawo; khawoworu anaahokolowe, ehikhanle paahi vakhaani a anamatthawa.”

Icipo Soolalamika 4:9

Fataari yaale yiiviwe ni ekatana ohikhanle okhwa etala; awosa ankomoka oowoondeene, niwoko soowiima sa mmatta sohaathowa.

Ezekiyeli 24:16

“Mwaana a mutthu, kihanle vakhaani ovenxa yeeyo munsivelaxaanyu. Wa soothesene, muhilalamike, naari muhiinle hata muhimoroxeru niithori.

Luuka 23:28

Yeesu aahaarukunuwela ni aaweerela: “Asithiyana a oYerusaleemu, muhikiinlele Miyo, mwiixiinleleketho asineenaanyu ni anamwaniinyu,