Yeremiya 21:7 - Emakhuwa Bible

⁷ Vahoolowaya,’ onghima Yave, ‘Miyo kinoomwinnyerera Zedekiya, mwene a oYuda, asitokweenaaya ni amaki a esidade ela eneera ehalahale munihooxoni, mukatanani ni mutalani mmatatani mwa Nebukadenezari, mwene a oBabiloniya ni mwa amwiittanaaya mwa yaale antthuna owiiva. Nebukadenezari onoowiiva, ahaamorelaka ikharari, hata ihaaya naari murima wooreera.’

Yeremiya 21:7 Iomraidhean Croise

Yesaya 27:11

Iphandisaya suumaka ni saavasuwaka, asithiyana anootetheera. Vano muloko owo ti woohiiwexexa; tivawo Yoole aapanke ohinaamorelaawe ikharari; Mpattuxaaya khanoonihera murima wooreera.

Yesaya 47:6

Kaanyoonyeriwa mulokwaaka kinanarihaka yoohiyeraaka; kaawinnyerera mmatatanimwanyu ni nyuwo, Babiloniya, khamwaamorenle ikharari. Mpaka mwaawiikaathera yoolemelaxa anamuuluvala.

Yeremiya 13:14

Kinimwaanyaanya kaathataanyeraka mpaka asitiithi ni anamwanaaya asilopwana, onghima Yave. Hata ikharari hata murima wooreera naari osivela khookikhoottiha waaphwata.’”

Yeremiya 14:12

Naari etthukaka, Miyo nkirwa kiwiiwa okhuwelawaya; naari epakaka sooveleela soohisa ni sa etrigu, nkirwa kiwaakhulela. Ohiyanawaya, kinimwaaphwata ni ekatana, etala ni nihooxo.”

Yeremiya 15:5

Taani anoomoreleni ikharari oYerusaleemu? Taani anoolalamikeleni? Taani aneemele akohaka muri salaama?

Yeremiya 15:9

Maayi a anamwane athanneeli onookomoka, akhweeke. Wa yoowo onoomwiilela nsuwa nreene vamuru. Owo onimuulihiheya muru ni onooyeviheya. Yaawo eniihalahale kinoowinnyerera ophwatiwa ni ekatana ohoolo wa amwiittanaaya,” onghima Yave.

Yeremiya 19:7

Vanipuroni nna kinoonanariha soovaanela sa oYuda ni oYerusaleemu. Kinoopakiha weera yiiviwe ni amwiittanaaya mukatanani; mmatatani mwa yaawo anaattharatthara ni kinoovaha mittembosaya ntoko yooca wa ipalame sa wiirimu ni axinama a ntuphini.

Yeremiya 20:4

Vano Yave oneera ha: ‘Kinimoopakelani yoowoopihaanyu ni wa asinthamwenaanyu ootheene. Nyuwo munimoona ni maithwaanyu xaxaxa amwiittanaanyu yaawiivaka asinthamenaanyu. Kinimwinnyerera muloko wootheene wa oYuda mmatatani mwa mwene a oBabiloniya mwa yoowo anaaronghe oBabiloniya, awiivaka ni ekatana.

Yeremiya 22:25

Kinoowinnyererani mmatatani mwa yaale anaasa okumaanyu, yaawosa mungwoovaanyu – Nebukadenezari, mwene a oBabiloniya ni aBabiloniya.

Yeremiya 27:6

Vano ti Miyo muneenaaka kininnyerera miloko sootheene iya mmatatani mwa murumeiyaaka Nebukadenezari, mwene a oBabiloniya; koomukhaliha mutokweene mpaka wa axinama a mutuphini.

Yeremiya 32:4

Zedekiya, mwene a oYuda, khoopowa mmatatani mwa aBabiloniya, mene woohihovela onimwinnyereriwa mmatatani mwa mwene a oBabiloniya, onoomuulumano ttundattunda, ni onoomoona ni maithwaawe.

Yeremiya 34:3

Nyuwo khamoopowa, mene munoovariwa mwinnyereriweke mmatatanimwawe. Nyuwo munoomoona mwene a oBabiloniya, ni owo onimuuluma ni nyuwo ttundattunda. Ni nyuwo munoorowa oBabiloniya.

Yeremiya 36:29

Munleeletho Yehoyakimi mwene a oYuda: ‘Yave oneera ha: Moohisa nikwakhwala nne munakoha: “Mulepenlenimo weera mwene a oBabiloniya onimoorwa aphwateke elapo ela ni mmo aaphwatekemo atthu ni axinama?”

Yeremiya 37:17

Vano mwene aalamula oroweliwa, ni Yeremiya aaruuhiwa empa ya emwene. Muxiirini mwene aamukoha: “Aakhala masu a mpatta wa Yave?” Yeremiya aaheera: “Aakhala, nyuwo munimwinnyereriwa mmatatani mwa mwene a oBabiloniya.”

Yeremiya 50:17

Yixrayeli muhuwo woomwaraxiwa, woomoliwe ni amwatto. Opacenre omunyaanya aari mwene a wAsiriya; oomalihera opwexakasa makhuvaaya aari Nebukadenezari, mwene a oBabiloniya.”

Icipo Soolalamika 2:20

“Moone Yave! Mungwehe muneeneene yoowo munimpakelaanyu hiiha. Weeraka asithiyana yohaaphiyera ehuhu yoowaakhuura anamwanaaya asilopwana yaayanraaya ni yaahungwaaya? Weeraka asaserdoti* ni maprofeeti yaamwiiveliwa vaNipuroniwanyu Nootteela?

Icipo Soolalamika 2:22

Mookilattulela soowoopiha mipatta sootheene ntoko onlattuleliwaaya vanihukuni na efesta. Vanihukuni na isara sa Yave khawoworu oopongwe hata opwaherenre okhala ni okumi. Mwiittanaaka ohaaphwata yaale miyo kaakosoopaaka ni kiwunnuwihalaaka.”

Ezekiyeli 23:28

Vano Yave onlamula sootheene oneera ha: Kihanle vakhaani owinnyererani mmatatani mwa yaale munaathanyaanyu, mwa yaale nyuwo mwaasunsaanyu oonyooseyeene.

Ezekiyeli 7:9

Nkoowehani ni ikharari hata nkiwuurelani; Miyo kinimootthuvelani kittharihaka mweettelowaanyu ni soopakasanyu soohiira sootheene siri eriyaraanyu. Hiiho, nyuwo munoosuwela weera ti Miyo, Yave, kinoomanani.

Ezekiyeli 8:18

Tivawo kineeraaka kiwoonihere isara; nkaaweha ni ikharari hata nkiwuurelaru. Naari ekikhuwelelaka, nkiwiiwa.”

Ezekiyeli 9:10

Vano wa mpattaaka Miyo nkaawehasa ni ikharari hata nkiwuurelaru, vaheera kinimwaamoroxela mmurumwaya yeeyo apakansaaya.”

Deuteronomiyo 28:50

Onuukhale muloko wooluwa ohinaattittimiha mamookwaaxa hata ohinaamorela ikharari amiravo.